محتوى المقال : تقدر تدوس على العنوان اللي عايز تعرف أكتر عنه وهيوصلك للمعلومة اللي عايز تعرفها بسرعة عن تبييض الاسنان

في شوية أهداف في الدنيا كدا كل حد مننا نفسه يحققها زي السفر لجزيرة بعيدة او القفز من طيارة او اقتناء حجر كريم نادر الوجود او حتى عربية من نوع مش منتشر زي لمبورجيني كلها أهداف متعلقة بالرفاهية و الراحة اللي ممكن تحسسنا بسعادة من الأهداف دي برده إن الواحد يكون ضحكته جذابة و أسنانه ناصعة البياض و هو دا بقى اللي جايين نقولهولك النهاردة عن تبييض الاسنان.

ازاي تلاقى طريقة تبيض الاسنان تمكنك من أنك تكون صاحب ضحكة بتديك ثقة في نفسك؟

اجابة السؤال تتمحور حول 3 كلمات (عمليات تبييض الأسنان)

عملية تبييض الأسنان هي من أنواع عمليات طب الأسنان التجميلي،  ومع ذلك ليها نتائج علاجية  تنعكس على سلامة و صحة الأسنان وبالتالى دا بيودينا لنقطة تانية مهمة و يخلينا نسأل سؤال  .. ليه الأسنان بتصفر؟ و ما هو اللون الطبيعي للأسنان .. لو سألت السؤالين دول فأنت كدا تمام و بتفكر صح لكن فايتك سؤال مهم تاني يخلينا نجاوب على السؤالين دول .. اصفرار او تبيض الأسنان بيحصل فين بالظبط في السنة؟ برافو الإجابة هي طبقة المينا او ما تعرف بـ “مينا الأسنان” بس قبل ما نكمل كلام و نبدأ شرح بتعريف طبقة مينا الأسنان، ها نعرض و ناقش موضوع شائع جداً في مصر؛ و هو استخدام خلطه لتبيض الاسنان بالمنزل، و هل طريقة تبيض الاسنان بالمنزل دي صح و لا غلط؟ و بعدين نكمل موضوعنا عن تبييض الأسنان

طب الأسنان الجراحي

طب الأسنان التجميلي

تبيض الاسنان بالمنزل بين الحقيقة و الخرافات

خلطه لتبيض الاسنان و طريقة تبيض الاسنان في يوم واحد و كل وصفات تبييض الاسنان في المنزل، دي أهم نقطة ممكن نبدأ بالكلام فيها لأنها منتشرة بكم كبير بين الناس بإختلاف ثقافتهم و طبقاتهم الإجتماعية  و هي بتندرج تحت مصطلح كدا اسمه “الطب الشعبي”.

الطب الشعبي مصطلح مفتوح و بيدعو للإبتكار   فتلاقي إن كل واحد بيستريح في وصفة لتبيض الاسنان من غير النظر للجانب السلبي و اضرار تبييض الاسنان بالوصفات دي فتلاقي مثلاً إن في حاجات منتشرة في بيوت كتير زي :

بيكربونات الصوديوم

صودا الخبز او المتعارف عليها بأسم بيكربونات الصوديوم “بيكربوناتو” و اللي بيعتبر مادة كاشطة تزيل الطبقة الصابغة للأسنان، لكن خد بالك ان دي مش افضل طريقة لتبييض الاسنان في المنزل لأن من اشهر اضرار تبييض الاسنان بالطريقة دي هو انها بتسبب تآكل طبقة مينا الاسنان ببطء لو استمريت عليها مدة طويلة.

تبييض الاسنان بالفحم

الفحم أو ما يعرف ببرشام الفحم للاسنان بيساعد على تبييض الأسنان لأنه مادة ليها مسامية عالية الإمتصاص وبتكون قادرة على الإرتباط بالمواد الصبغية اللي بتغير في اللون الأبيض الخاص بالأسنان، و لأن الفحم للاسنان مفيد في تفتيح درجة اصفرار الاسنان بتلاقيه بيدخل في صناعة معجون تبيض الاسنان وبيكون اضرار تبييض الاسنان بالفحم قليلة أو شبه معدومة لكن من الأفضل مراجعة دكتور تبييض اسنان علشان يقرر الأفضل لصحة اسنانك.

تبيض الاسنان باستخدام مواد حمضية

قشر الليمون و خل التفاح وغيرهم من المواد الحمضية هي طريقة تبيض الاسنان بتنفع مع بعض الناس لأحتوائهم على مواد حمضية قادرة على التفاعل مع السطح الخارجي للأسنان و إزالة الطبقة الصفراء، لكن لازم تلتزم الحذر وانت بتستخدم المواد الحمضية وتفتكر انها مش افضل طريقة لتبييض الاسنان لأن الطريقة دي من اشهر الطرق اللي بتسبب اضرار تبييض الاسنان المؤلمة زي التهاب اللثة وضعف الاسنان.

w

و لكن ! هل أي خلطه لتبيض الاسنان بالمنزل بتكون مفيدة فعلاً ولا مضرة؟

 والإجابة اللي نقدر نقولها إنها فعلا ممكن تكون فعالة و فى وصفات منزلية لتبيض الأسنان بتبيض الاسنان بشكل ما ، ولكن بغض النظر عن نتائجها، فا عدم خضوع عملية تبيييض الاسنان دي لإشراف طبيب بيتسبب في مشاكل صحية للاسنان، لإن مش كل شخص يقدر يحدد مدى قوة و صلابة و صحة أسنانه،  و هل هتتأثر بالسلب و تلاحظ اضرار تبييض الاسنان نتيجة إستخدام الخلطات و الوصفات دي و لا لأ؟

إلى جانب إن كثير من المواد اللي بيتم استخدامها على انها خلطه لتبيض الاسنان في المنزل، ممكن يكون ليها دور مؤثر في تبييض الأسنان إلا إنه بنسبة كبيرة بيكون له أضرار جانبية على الأسنان زي زيادة خشونة الأسنان ، و إزالة طبقة المينا أو إضعافها و دا بيسبب حساسية الاسنان، ده غير انه بيخلي قدرة الأسنان على التصبغ أسرع بمعنى إنك هتلاحظ تبييض الاسنان فترة أسبوع أو شهر مثلاً؟ و يمكن دا كويس .. بس اللي هيحصل بعد كدا إن أسنانك هتتصبغ وعلاجها هيكون صعب فإحنا بننصح بعدم إستخدام اى وصفات منزلية لتبيض الاسنان لعدم الإضرار.


نرجع بقى لموضوعنا  و نجاوب على سؤال “ما هي طبقة مينا الأسنان”

ما هي طبقة مينا الأسنان

مينا الأسنان هي الطبقة المسئولة عن حماية الأسنان و هي طبقة مسامية يعني بتحتوي على تجاويف صغيرة جداً –

 تعتبر مينا الأسنان هي الجزء الاصلب في جسم الإنسان و هي موجودة في كل أسنان الكائنات الحية الفقارية –

بتتكون بشكل اساسي من المعادن بنسبة تصل لـ96% من تكوينها –

طبقة المينا طبقة شفافة تسمح بنفاذ الضوء و يوجد تحتها طبقة العاج المائل للصفار قليل –

رغم ان طبقة المينا هي أصلب جزء في جسم الإنسان و أصلب من العظام نفسها إلا أنها قابلة للكسر و التأكل للأسف الشديد –

ما هو لون الأسنان الطبيعي و متى يجب علينا اللجوء لعملية تبييض الأسنان؟

زي ما وضحنا في الفقرة السابقة و قولنا عن طبقة مينا الأسنان إنها طبقة شفافة بتعلو طبقة العاج الأبيض المائل للصفار قليلاً يبقى من البديهي إن يكون اللون الطبيعي للأسنان هو لون الطبقة اللي بتيجي ورا طبقة المينا اللي هي “العاج” بالظبط .. لون الأسنان الطبيعي هو أبيض مائل للاصفرار شوية .. لو عايز تتأكد شوف أسنان أكتر حد تعرفه مواظب على غسيل أسنانه بالمعجون مش هتلاقيها بيضاء ناصعة البياض زي ما بنشوف صور الممثلين و المشاهير .. أومال إيه الموضوع بقى !!

كل الموضوع  إن عملية تبيض الأسنان بتدي الأسنان لون أبيض ناصع أكثر من المعتاد و هو دا سر الأبتسامة الساحرة اللي بنشوفها على المشاهير ..و تبييض الأسنان له أنواع منها اللي بيتم عند الدكتور و منها اللي بيتم في البيت و دا اللي هنشرحه بعدين بس قبل ما نشرحه طبيعي نقول هو ايه اللي بيخلي الأسنان تصفر أصلاً؟

طيب امتى تبيض أسنانك؟

كل طريقة تبيض الاسنان مش بتبقى طريقة جراحية ولا بتكون مبنية على سبب طبي زي ما وضحنا.. بمعنى إنك مش بتعملها لما تحس بألم معين أو يكون عندك مشكلة معينة .. بتعملها لمجرد إنك محتاج تحس إن شكلك أحسن .. بس برده خلينا نقول إن ممكن يكون في أسباب مش طبية زي زيادة الثقة في النفس مثلاً

و كمان لازم ننوه و نلفت الإنتباه إلى إن لو إنت بتفكر تبيض أسنانك فالأهم أو اللي المفروض تفكر فيه الأول هو تنظيف الأسنان نفسه و ممكن تقرأ عن تنظيف الأسنان من هنا

أسباب اصفرار الأسنان و كيفية القضاء عليها بعمليات تبييض الاسنان

زي ما قولنا إن طبقة المينا اللي بتحمي الأسنان هي طبقة مسامية و فيها فجوات دقيقة جداً مع إهمال غسل الأسنان و الإهتمام بيها بشكل كويس بتتملي المسام دي ببقايا أكل و بيترسب على طبقة الميناء طبقة جيرية و بلاك و بقع بيضاء أحياناً و بتتصلب و بيصعب إذالتها مع الوقت بالغسيل العادي بالمعجون

تناول اطعمة
غير صحية 

عدم الاعتناء بالاسنان
بشكل مستمر

كثرة تناول مشروبات بها صبغات

استخدام معجون اسنان  بكثرة

التنفس عن طريق
الفم

الاستمرار في تدخين
السجائر

و زي ما احنا عارفين ان خير وسيلة للعلاج هي الوقاية .. فالإبتعاد عن العادات المضرة مش هيجرنا أصلاً لإصفرار الأسنان

و لكن  امتى لازم تبدأ تفكر في انك تزور عيادة الاسنان علشان تعمل تبييض الاسنان؟

زي ما قولنا ان عملية تبييض الاسنان عملية تجميلية مش جراحية بمعنى ان الغرض منها تجميل الشكل مش معالجة مرض او عيب معين فبالتالي اللي بيحدد انه يعملها او لأ هو انت مش الدكتور خصوصاً ان سعر تبييض الاسنان بالليزر أو الزوم وغيرها من طرق تبييض الاسنان بيعتبر مش قليل، علشان كده اول ما تحس انك محتاج يكون عندك أسنان ناصعة البياض لأنها هتكسبك ثقة أكتر في نفسك او هتحسن شكلك و تضيفله لمسة جمالية يبقى لازم  تزور دكتور الاسنان التجميلي

المتابعة في حالة التبييض الكيميائي للاسنان مع الدكتور

تبييض الاسنان الكيميائي من انواع تبييض الاسنان اللي ممكن يكون مشهور بأسم قوالب التبييض و في بعض الحالات  بيكون قرار الدكتور فيها انها لازم تكمل جزء من عملية تبييض الاسنان في البيت، و في الحالة دي بيصمملك الدكتور قالب بلاستيك من قوالب التبييض وبيكون على مقاس أسنانك مخصوص تاخده معاك البيت و بيديك المادة الكيميائية بتركيز معين، و بيقولك على الطريقة اللي هتستخدمها بيها على اسنانك بالظبط و في الغالب بتكون الطريقة انك بتملى القالب بالمادة و تلبس القالب دا لمدة ساعتين تقريبا ، لو بتسأل دلوقتي طيب هي العملية دي كلها بتاخد قد ايه وقت ! فلازم نقولك ان الموضوع نسبي و بيختلف من حالة للتانية حسب درجة الأصفرار و صلابة المواد المترسبة على الأسنان، لكن غالباً بتتراوح مدة قوالب تبييض الاسنان ما بين اسبوعين و 6 اسابيع

ممكن تكون نورت في دماغك فكرة دلوقتي بتقول ، طيب و انا ليه اروح للدكتور ما انا اجيب المادة الكيميائية دي أو قوالب التبييض واستخدمها في البيت واستخدم اى خلطه لتبيض الاسنان و خلاص هو تفكير منطقي بس كارثي 😀 ليه؟

اشراف الدكتور الغرض منه تحديد حالة أسنانك؛ و بالتالي تحديد طريقة تبيض الاسنان المناسبة ليك و تركيزات المواد المستخدمة و دي حاجة مش اي حد يقدر يستخدمها بكل أسف، رغم ان الموضوع يبدو سهل بعد ما عرفنا انه مش محتاج تدخل جراحي إلا ان قوالب التبييض  الإستهتار بنسبة تركيز المواد الكيميائية المستخدمة في طريقة التبييض الكيميائي للاسنان ممكن يتسبب في حدوث مشاكل  كبيرة في الأسنان مثل :

  • تاّكل طبقة مينا الأسنان
  • تكون بقع بيضاء
  • الأضرار بشكل و ترتيب الأسنان

فعشان كدا عملية تبييض الاسنان كيميائياً لازم تكون تحت اشرف طبي

هل توجد عيوب فى تبييض الأسنان الكيميائي عند الدكتور

أكيد دا سؤال منطقي و من حقنا كلنا نسأله و نخاف على نفسنا بس خلينا نقولك المميزات قدام عيوب أو اضرار تبييض الاسنان الكيميائي عشان تعرف توزنها صح

مميزات تبييض الأسنان عند دكتور الاسنان

 1. الدكتور هو المسئول عن تحديد هل أسنانك سليمة و تقدر تستحمل ان يتعمل فيها تبييض ولا لا.

2. تحديد طريقة العلاج المناسبة ليك سواء كانت العيادة او البيت والعيادة معاً وده طبعا بيكون حسب حالتك، وجود الدكتور فى الحالة دى بيضمن لك سلامة اسنانك خصوصاً اذا كان دكتور شاطر (وده مش معناه انه يكون مثلاً افضل دكتور اسنان فى مصر ) المهم انك تتأكد انه شاطر وماشى على المعايير العالمية

3. دكتور الأسنان بخبرته يقدر يدلك و يرشدك اذا كنت محتاج تعمل حاجة تاني في أسنانك غير تبييض الاسنان، أو أي اجراء طبي مهم لصحة اسنانك بعد التبييض او اذا كنت محتاج تعمل حاجة تانية زي الـ veneers مثلا و مش محتاج تبييض من الاول.

عيوب تبييض الأسنان عند دكتور الاسنان

 1. إنك تلاقي معاد مناسب لظروف حياتك عند الدكتور دي مشكلة
2. أكتر وجع بنخاف منه هو وجع الأسنان ، بس دا تبييض مفيهوش أي وجع
3. تكلفة الدكتور ممكن بعض الناس تشوفها كبيرة

4. الوصول لـ افضل دكتور اسنان، وده مش سهل نسبيا مع وجود عيادات اسنان كتيرة جداً.

هل تبييض الأسنان الكيميائي مناسب لكل الناس ؟ 

يالسؤال دا هياخدنا تاني لنقطة التأكيد على دور الدكتور في الأشراف على عملية تبييض الاسنان، لأن حتى الآن مفيش اي مشاكل أو اضرار تبييض الاسنان الكيميائي، و لكن في بعض الحالات اللي بتعاني من حساسية في اللثة مثلاً، وفي الحالة دي بيكون تدخل الدكتور فيها برأيه إنها اما بلاش تعمل تبييض او تعمل تبييض بأستخدام مواد كيميائية فيها فلورايد لأن الفلورايد بيساعد في التخلص من الحساسية دي، -لكن و مع ذلك – كثرة استخدام الفلورايد بيسبب تآكل في طبقة المينا ، و استخدام تركيزات عالية من المادة الكيميائية بدون مراعاة للحالة يتسبب في تآكل طبقة المينا أيضاً ، عشان كدا نقدر نقول ان التبييض الكيميائي آمن تماماً في حالة خضوعه لأشراف دكتور أسنان له خبرات كبير.

و بكدا نكون عرفنا كل جوانب “التبييض الطبي للأسنان” و ممكن نتكلم في النوع الثاني من التبييض و هو “تبييض الأسنان بالليزر”

ما هو تبييض الاسنان بالليزر

تبييض الاسنان بالليزر هو أحدث طريقة تبيض الاسنان في عيادات الاسنان في مصر، و في حالة استخدام ليزر الاسنان بيستخدم الدكتور مادة مبيضة يتم وضعها على الأسنان بالتساوي و لكن بتكون بتركيز منخفض جدا قبل ما يتوجه ضوء معين -اشعة الليزر- على الأسنان فتتم إثارة المادة المبيضة فينتج عن دا الخطوات دي تبييض الاسنان في وقت أقل من الوقت الازم لعملية تبييض الاسنان اليكيمائي.

ملحوظة: مدة تبييض الاسنان بالليزر بتاخد حوالي تلت ساعة على عكس تبييض الاسنان الكيميائي اللي بياخد حوالي ساعة او اكثر في الجلسة ، علشان كدا لو محتاج تبيض أسنانك في وقت قليل وتشوف نتايج بسرعة فأختيارك لازم هيكون “تبيض الأسنان بالليزر”

تقنيات تبييض الأسنان و أهم ما يميزها و أهم الفروق بينها

مجال تجميل الأسنان مجال متجدد وكل يوم بيشهد ابتكارات جديدة و منافسة بين الشركات المصنعة للمواد المبيضة و أجهزة التبيض و دا بيخلي إن في حركة مستمرة في الصناعة دي و دا في الأخر في صالح المريض لأنه بيقدر يختار بين انواع تبييض الاسنان وافضلها المناسبة لحالة اسنانه

و لكن أحدث تقنيات تبييض الاسنان في مصر هم 3 اجهزة:

  1. طبعاً كل اجهزة و انواع تبييض الاسنان دي ليهم نتيجة فعالة و لكن في فروق بين كل جهاز و التاني، و أفضلهم هو “جهاز ZOOM لتبيض الأسنان” لأن نتائجه بتستمر لفترة طويلة و لكن مدة تبييض الاسنان بالزوم ممكن تستمر لحوالي ساعة في الجلسة الواحدة و يعاني المريض من حساسية في اللثة تستمر لمدة يوم و وهو أغلاهم.
  2. جهاز تبييض الاسنان White smile أفضل من حيث معالجة مشكلة الحساسية اثناء و بعد عملية التبييض لكن نتيجة التبييض الناتجة عنه أقل من عملية التبييض الناتجة عن جهاز ZOOM ، علشان كدا بيعتبر تبييض الاسنان بالليزر هو اسرع طريقة تبييض الاسنان بين كل انواع اجهزة التبييض.
  3. تستمر مدة تبيض الأسنان بالليزر حوالي ربع ساعة في الجلسة الواحدة، و لا يسبب حساسية في اللثة و لكن عيبه أن إصفرار الأسنان ممكن يعود بشكل أسرع من جهاز ZOOM و جهاز White smile
  4. نقدر نقول تلخيصاً للنقطة دي إن عملية تبيض الأسنان عملية تجميلية أمنة يعني بدون تدخل جراحي و بدون ألم و إن الحساسية مش حاجة خطيرة هي حاجة طبيعية نتيجة وضع المواد المبيضة على الأسنان و ملامستها للثة

ما هي اسعار تبييض الاسنان في مصر مقارنةً بدول أخرى؟

لحسن الحظ تعتبر تكلفة عملية تبييض الأسنان في مصر هي الأقل سعراً مقارنة بالدول العربية الأخرى  و دا بيرجع لأسباب كتير منها انخفاض سعر الجنيه المصري، على الرغم من تفوق العديد من الأطباء المصريين في مجال تجميل و تبيض الأسنان و شهرتهم في كامل الوطن العربي ..

أسعار تبييض الأسنان في مصر بتنحصر بين 3000 لـ 5000 جنيه على حسب الحالة
و على حسب التقنية المستخدمة في التبييض سواء كانت تقنية تبييض الاسنان بالليزر او تبييض الاسنان بالزوم او جهاز وايت سمايل

ثلاث حاجات لازم تعرفهم عن نتائج تبييض الأسنان

كثرة تكرار عملية تبييض الأسنان ممكن يؤدي إلى ضعف الأسنان فبالتالي لازم الدكتور يكون شاطر و عنده خبرة كبيرة في شغله

عملية تبييض الاسنان عملية دورية لازم تحصل كل فترة يحددها الدكتور لأن مع الوقت الأسنان بتميل إلى انها ترجع تاني للونها الطبيعي اللي هو أبيض مائل للاصفرار

نتائج تبييض الاسنان مش نتائج ثابتة أو مطلقة و بتختلف من حالة لحالة اخرى و بالتالي درجة اللون ممكن تكون مختلفة شوية من شخص للتاني

ازاي تختار افضل دكتور تبييض اسنان بشكل صحيح

صحة أسنانك و صحتك بشكل عام مهمة فبالتالي مينفعش تغامر بأي شكل من الأشكال و من الوسائل اللي ممكن بيها تستكشف هل العيادة اللي هتروحها او الدكتور اللي هتروحله جدير بالثقة ولا لأ، وايه هي ارأء عملاؤه السابقين فيه

و دي ممكن تعرفها عن طريق السوشال ميديا بتاعته مثلاً و تشوف صعوبة الحالات اللي هو عملها و قدرته على تحويلها و تغيير شكلها و تجميلها فعلاً، اعرف بيقولوا ايه عننا من هنا

:قبل الذهاب إلى الدكتور “عشان تعمل تبييض الاسنان” خد بالك

1- لازم تكون بتابع بإستمرار حالة أسنانك عند الدكتور لأكتشاف أي مشاكل بشكل سريع ممكن تمنعك من تبييض الاسنان زي التسوس

2- لو بتعاني من أي امراض فيروسية لازم تبلغ بيها الدكتور بتاعك

3- تبطل تاكل و تشرب حاجات بتغير في لون الاسنان و بتخليه يصفر

المصادر

1- جمعية طب الأسنان الأمريكية (ADA)

2- medscape 

3- webteb 

0 Comments