بالتأكيد لما يتردد على مسامعنا الكلمتين دول “تبييض الأسنان” و “تنظيف الأسنان” وارد جداً إن يكون في سوء فهم و لبس ناتج عن احتمالية التشابه بين المعنيين و لكن دا غير حقيقي فعملية تنظيف الاسنان مختلفة تماماً عن عملية تبييض الأسنان، عملية تنظيف الأسنان مقصود بيها ازالة الجير من الاسنان في سبيل الحفاظ على صحة الاسنان و صحة اللثة تحديداً، اما عملية تبييض الأسنان المقصود بيها تفتيح لون الأسنان عن لونها الطبيعي اللي بيكون أبيض مائل للصفار و إكسابها درجة لون ابيض ناصع البياض و تقدر تعرف عنها اكتر من هنا

تنظيف الاسنان من الجير

قبل ما نعرف طريقة تنظيف الاسنان من الجير، خلينا نعرف الأول ايه هو الجير؛ أسنانا في حالتها الطبيعية بتكون خالية من الجير .. فمنين بتيجي الطبقة المزعجة دي و ازاي بتتكون ؟ دا هيخلينا نتكلم عن حاجة تانية بتؤدي لتكوين طبقة الجير و هي طبقة البلاك

ايه هي طبقة البلاك؟

طبقة البلاك هي طبقة رقيقة لزجة بتتكون على السطح الخارجي للأسنان نتيجة تراكم بقايا الطعام .. طبقة البلاك يسهل إزالتها بالطرق المتعارف عليها في تنظيف الاسنان زي :-

  1. إستخدام معجون الأسنان بأنواعه المختلفة.
  2. إستخدام خيط الاسنان.
  3. إستخدام غسول الأسنان المطهر للفم.

و لكن مع إهمال تنظيف الأسنان بتبدأ تتراكم طبقة البلاك و يحصلها نوع من التصلب او “التكلس” و من هنا بتبدأ تتكون طبقة الجير الصلبة و من هنا هنرجع تاني للكلام عن طبقة الجير.

ما هو جير الاسنان وأين يتكون و ما أضراره؟

جير الاسنان عبارة عن طبقة صلبة ناتجة عن ترسبات لمدة طويلة لطبقة البلاك و موجودة تحديداً على خط اللثة .. يعني في المنطقة الموجودة بين التقاء اللثة و الاسنان مباشرة، و للأسف جير الاسنان من الحاجات اللي مينفعش نسيبها و نتغاضى عنها لإنها بتتسبب في أمراض كتير للفم و الاسنان و اللثة زي

  1. مرض تسوس الاسنان
  2. انحسار اللثة (تراجع اللثة عن السن)
  3. تورم في اللثة
  4. نزف في اللثة
  5. تخلخل الأسنان وسقوطها
  6. تقرحات في اللسان والخدين
  7. الشعور بـ الم الاسنان الحاد

خلينا نتكلم عنهم بالتفصيل عشان نوضح كل واحد منهم و مدى خطورته و ايه علاقته بتكون جير الأسنان 

أمراض نتيجة عدم تنظيف الاسنان من الجير

تورم و نزف اللثة

عدم تنظيف الاسنان من الجير و زيادته يؤدي لتورم و انتفاخ اللثة نتيجة لإلتهابها أما نزيفها ،اما نزيف اللثة  ممكن يتسبب في أمراض تانية و نقل عدوى عن طريق الدم لإن في الحالة دي اللثة بتكون معرضة للنزف مع اي لمسة للأسنان بالأصابع او اثناء الأكل او اثناء غسل و تنظيف الاسنان

تراجع اللثة عن السن

عند تكون طبقة الجير بين اللثة و الاسنان بيحصل عمليا انحسار للثة بمعنى انها مبتعرفش تاخد المساحة الطبيعية اللي المفروض تاخدها نتيجة تراكم و عدم ازالة الجير اللي واخدة مكانها ودا بيسبب التهابات في اللثة و مشاكل على المدى البعيد بتؤدي لضعف الاسنان

مرض تسوس الأسنان

تسوس الأسنان بينتج نتيجة تراكم البكتيريا في طبقة الجير الموجودة على الأسنان و مع مرور الوقت و اهمال تنظيف الأسنان و عدم ازالة الجير من الاسنان بتطلق البكتيريا أحماض بتترسب في أحداث ثقب في طبقة مينا الاسنان و بالتالي تتلف الأسنان

الشعور بـ الم الاسنان الحاد

الم الاسنان و الفم و الفم  ممكن يكون الم طفيف مستمر و ممكن يكون الم حاد للأسف و دا بيحصل نتيجة تكون “جيب” و الجيب بيتراكم فيه بقايا الأكل اللي بتتحلل بالبكتيريا و بتسبب التهابات و الم حاد  اعرف اكتر عن
اسباب الم الاسنان 

تقرحات في اللسان و الخدين

المشاكل اللي ممكن تحصل نتيجة اهمال تنظيف الجير، مش مقتصرة على الإضرار بالأسنان و و اللثة بس .. بالعكس الفم نفسه و الخدين معرضين لحدوث كثير من المشاكل زي التقرحات و الألم الحاد الناتج عن تراكم الجير على الأسنان بأشكال عشوائية غير منتظمة لها ملمس خشن يتسبب في تقرحات الأسنان

تخلخل الأسنان و سقوطها

مع الإهمال المتزايد لعدم تنظيف الاسنان من الجير،  بتبدأ الأسنان تضعف نتيجة لتراكم الجير اللي بيعيش فيه كم هائل من البكتيريا اللي بتتغذى عليها ، البكتيريا دي بتبدأ تفرز أحماض ليها ضرر كبير جدا على اللثة و مع زيادة افراز الاحماض بتبدأ اللثة  و العظام تلتهب  و تلاقي أسنانك بتتخلخل و بتتساقط

زي ما عرفنا إن إهمال تنظيف الأسنان بيؤدي لتراكم طبقة البلاك اللي مع الوقت بتتصلب و تكون طبقة جير الاسنان اللي بتتسبب في حدوث مشاكل كبيرة جدا للأسنان و الفم .

 و لكن ازاي نقدر نحافظ على أسنانا بحيث ميتراكمش عليها البلاك و الجير؟

إجابة السؤال دا بسيطة جداً و لكن هي مجرد عايزة التزام منك تجاه نفسك و متكسلش .. كل المطلوب منك انك تهتم بـ تنظيف الاسنان بشكل دوري منتظم حسب ما هنقولك في النقاط الجاية دي وعشان نتكلم عن تنظيف الأسنان بشكل كامل هنقسم الموضوع للنقط دي :-

3

1. ما هي الفرشاة المناسبة فى تنظيف الأسنان من الجير؟

فرشاة الأسنان على الرغم من إنها أداة بسيطة بتستخدم في تنظيف الأسنان لكن عدم الإهتمام بإختيارها بمواصفات معينة مناسبة للفم بيكون سبب في حد ذاته قادر على خلق الكثير من المشاكل بداخل الفم و عشان كدا في شوية صفات في فرشاة الأسنان حاول دايما متبعدش عنهم

اختار فرشاه اسنان ناعمة :

اختار فرشاة تنظيف الاسنان بشعيرات ناعمة عشان متتسببش في جرح اللثة او تجريح الطبقة الخارجية للأسنان

شعيرات الفرشاه لازم تكون مش في مستوى واحد

و دي صفة و صلولها أطباء الأسنان و لقو ان لو شعيرات الفرشاة مش في مستوى واحد بتكون قادرة انها تغطي الأسنان من كل الجوانب فبالتالي عملية التنظيف

حجم الفرشاه لازم يكون مناسب لحجم فمك

و الدليل على كدا ان فرشاة أسنان الأطفال دايما بتكون حجمها صغير و لو حصل و جبت فرشاة مش مناسبة لحجم فمك هتحس دايماً بمعاناة اسناء غسل الأسنان

غير فرشاه الأسنان الخاصة بيك كل 6 شهور تقريبا

مع الوقت شعيرات الفرشاة بتتلف و دا بيأثر على عملية تنظيف الأسنان او بشكل أصح الفرشاة بيكون مفعولها ضعيف .. او غيرها لو اتعرضت لتلف قبل ال 6 شهور طبعاً و شكل شعيراتها اتغير

2. ما هو المعجون المناسب فى تنظيف الأسنان من الجير؟

عملية تنظيف الأسنان بتعتمد اعتماد كبير على غسل الاسنان بالفرشاة و المعجون زي  ما اتفقنا و لكن في انواع كتير جداً من معجون الأسنان:

  • في منها للتبييض
  • و في منها لمقاومة التسوس
  • و في منها لإزالة الجير و الشعور بالإنتعاش و غيرهم

و لكن عشان تختار معجون أسنان يكون مؤثر في عملية الحفاظ على أسنانك من تراكم طبقات البلاك المكونة للجير اهم صفة فيه هي انه يكون محتوي على الفلورايد.

الفلورايد معدن طبيعي موجود في القشرة الأرضية لكنه موجود بنسب قليلة في الطعام و من فوائده الكبيرة اكساب الاسنان القوة اللازمة للحفاظ عليها و تقوية طبقة المينا..

مش هتفرق كتير اسم الماركة التابع ليها المعجون أهم حاجة يكون نوع متعارف عليه و موجود في الصيدليات و خاضع لأشراف الجهات المسئولة زي منظمة الصحة العالمية FDA

ما هو الوقت المناسب تنظيف الأسنان ؟

طيب انت دلوقتي معاك الفرشاة و معاك المعجون و قررت تنتظم في غسل أسنانك امتى بالظبط تقدر تغسلها و كام مرة في اليوم؟
لازم تعرف ان كثرة غسيل الأسنان ممكن يعرض الأسنان لمشاكل خصوصاً في بعض الحالات زي استخدامك لفرشاة خشنة او في حالة وجود حساسية في اللثة و دا هيعرضها لإلتهابات أكتر

تقدر تغسل أسنانك مرتين في اليوم يعني كل 12 ساعة تقريباً

دا هيكون معدل كويس و بلاش تغسلها بعد الاكل مباشرة ممكن تستنى ساعة على الأقل لإن بعد الأكل مباشرة وارد يكون في مواد في الأكل بتتفاعل مع معجون الأسنان و تشكل ضرر من أي نوع للأسنان واللثة .. لكن ماذا لو واجهت بعض الصعوبات في تنظيف أسنانك بالفرشاة؟ سواء لوجود بقايا طعام بين الاسنان او لوجود التهابات و حساسية بتمنعك من غسل أسنانك؟ و هنا يجي الكلام عن وسائل تانية غير الفرشاة ممكن تستخدمها زي خيط الأسنان و غسول الأسنان (لكن هما مش بديل عن الفرشاة)

اهم وقت تغسل فيه اسنانك و مينفعش تفوته هو قبل النوم مباشرةً لإن اثناء النوم الأسنان بتفتقد وسائل التنظيف الطبيعية زي الألياف و بالتالي تأثير االبكتيريا على الأسنان بيكون لمدة اطول و النتائج السلبية لدا هتكون اكبر

ما هو خيط تنظيف الأسنان ؟

خيط تنظيف الأسنان من الوسائل الفعالة جداً في تنظيف الأسنان من بقايا الطعام و ازالة الجير من الاسنان
خصوصاً مع قدرته على الوصول للأماكن اللي مبتقدرش الفرشاة توصلها .. خيط الأسنان غير انه بينظف الأسنان هو كمان قادر على انه يمنع تكون رائحة الفم الكريهة و ازالة البكتيريا من الفم و دي كلها حاجات بتحافظ على صحة الأسنان

ما هو غسول تنظيف الفم و الأسنان؟

من المهم جداً كمان استخدام غسول الأسنان المطهر للفم عشان تكون بتعمل عملية تنظيف لأسنانك كاملة 100% بإستخدام الفرشاة و خيط الأسنان و الغسول .. الغسول بما انه سائل فهو قادر يوصل بتوغل أكبر لأماكن موجودة في الفم مبيقدرش يوصلها خيط الأسنان او الفرشاة .. غسول الفم موجود بأنواع زي

 : غسول الفم المضاد للبكتيريا
دا نوع لازم يكون خاضع لإشراف طبيب لإنه على المدى البعيد ممكن يتسبب في تكون صبغات على السطح الخارجي للأسنان و هو هدفه قتل البكتيريا اللي بتسبب رائحة الفم الكريهة

 : غسول الفم المعقم

و دا خليط من منثول، ثيمول ، ميثيل ساليسيلات ، يوكاليبتول الأربع زيوت دول ليهم دور كبير في جداً في تطهير و تعقيم الفم و كمان ليهم دور اضافي خاص بالقدرة على اختراق طبقة البلاك و دا بيمنع ترسب طبقات البلاك و تحويلها الى جير لإنه يساعدك في إزالتها

و بإستخدامك لوسائل تنظيف الفم الثلاثة :

1. المعجون
2. خيط الأسنان
3. الغسول المطهر

هتكون بتنظف أسنانك بشكل سليم و لكن .. هل كدا الموضوع انتهي؟ لأ لسة منتهاش لإن في معلومات مهمة عن تنظيف الاسنان لازم تكون على دراية بيها زي تنظيف أسنان الأطفال مثلاً لكن قبل ما نتكلم فيها و نوضحها خلينا نسأل .. ماذا لو تراكم الجير بالفعل على أسنانك؟ ايه الحل؟ هنا تنظيف الأسنان بالطرق اللي شرحناها مش هيكون فعال و هيبقى من المستحيل ازالة جير الاسنان بدون طبيب

w

تنظيف الأسنان في المنزل أم تنظيفها عند طبيب الأسنان، أيهما أصح

كل الطرق اللي فاتت تقدر تعملها في البيت و دا في حالة عدم تراكم طبقة البلاك و تصلبها لتكون طبقة الجير على الأسنان و تقدر بيهم تحافظ على صحة أسنانك لكن في حالة ترسب طبقات البلاك على أسنانك و تصلبها و تكوينها لطبقة الجير لازم تزور طبيب الأسنان اللي هيحدد حالة أسنانك و صحتها و و يقدر يعرف اذا كان في حساسية في اللثة ولا لا و بالتالي يعملك عملية تنظيف الاسنان من الجير

في الوضع العادي بنحتاج نعمل تنظيف الاسنان من الجير بشكل دوري ( كل سنه تقريبا ) و في حالة وجود امراض لثه و تكوين جيوب لازم تتنظف بشكل دوري في البيت dental water jet ده جهاز بينضف الجيب عن طريق دفع المياه بالاضافه لكده بنحتاج نعمل تنظيف جير الاسنان اللي تكون بشكل عميق تحت اللثه وده بيكون كل ٦ شهور على الاقل وعلى حسب الحاله

h

كيف يتم تبييض الأسنان من الجير

أول خطوة بتم بإستخدام جهاز موجات فوق صوتية

عملية ازالة الجير من الاسنان بتتم بإستخدام جهاز موجات فوق صوتية يصدر اهتزازات قادرة على ازالة طبقة الجير و بعدين بيتم استخدام ادوات يدوية لإزالة بقايا الجير التي يصعب ازالته بالموجات فوق الصوتية

تاني خطوة هي عملية تلميع الأسنان

بعد ازالة جير الاسنان بيتم عملية تلميع للأسنان هدفها جعل الأسنان أكثر نعومة عشان ميكونش فيها فراغات يترسب فيها طبقة البلاك المؤدية لتكون الجير

اخر خطوة هي المتابعة

بعد عملية ازالة الجير من الاسنان عند الطبيب لازم تلتزم بغسل الأسنان في المنزل بالطرق اللي شرحناها عشان ميرجعش الجير يتكون تاني على الأسنان و تفضل محافظ على صحة أسنانك

كيفية تنظيف أسنان الأطفال

بالتأكيد للأطفال جانب مهم في حياتنا جداً سواء كانو أولادنا او اخواتنا و صحة الاسنان شئ تراكمي بيتبني من الصغر .. إهمال الأسنان في الصغر يؤدي لضعفها في الكبر و العكس صحيح .. و لكن عند الكلام عن الأطفال و صحة أسنانهم في بعض النقط المهمة اللي لازم نوضحهالكم عشان تكونوا قادرين على الحفاظ على سلامة أسنانهم و تنظيفها بشكل صحيح

يبدا تنظيف أسنان الطفل مع بدأ ظهور الاسنان بالشهر الثامن تقريباً عن طريق مسحها بقطعة شاش صغيلة مبللة بالماء
مع نمو الطفل و عند بلوغه سنة و نصف لازم نبدأ نعوده انه يغسل أسنانه مرتين او ثلاثة مرات في اليوم لازم نراعي جداً اختيار فرشاة الأسنان المخصصة له لازم تكون صغيرة و شعيراتها ناعمة عشان متسببلوش ححساسية في اللثة تضعف أسنانه
لو طفلك معاكي و خارجين برا البيت و مفيش طريقة يغسل بيها أسنانه بالمعجون ممكن تخليه ياكل تفاح او جزر لإنهم قادرين على ازالة بقايا الطعام من الفم فممكن تخليهم معاكي في الشنطة بشكل دائم

 ما هو نوع المعجون المناسب لطفلك؟

غني بالفلورايد

اهم صفة لازم تتوافر في معجون الاسنان الللي هيستخدمه طفلك انه يكون غني بالفلورايد لإنه بيساهم بشكل كبير جدا في تقوية الأسنان و خصوصا الطبقة الخارجية لها المعروفة بمينا الاسنان غني بالفلورايد هنا معناها انه يكون فيه فلورايد و لكن نسبته اقل من النسبة الموجودة في معجون الكبار


الكمية المستخدمة تكون صغيرة

الكمية المستخدمة من المعجون لطفلك لازم تبقى صغيرة جداً عشان لو بلعها متضروش و خلي دايماً عملية تنظيف أسنان طفلك تكون تحت اشرافك عشان تتأكد انه مش بيعمل حاجة غلط تضر أسنانه او معدته وعشان ميبلعش المعجون مثلاً لإن طعمه ممكن يبقى حلو بالنسبة له

 

كيفية تنظيف أسنان الأطفال

بالتأكيد للأطفال جانب مهم في حياتنا جداً سواء كانو أولادنا او اخواتنا و صحة الاسنان شئ تراكمي بيتبني من الصغر .. إهمال الأسنان في الصغر يؤدي لضعفها في الكبر و العكس صحيح .. و لكن عند الكلام عن الأطفال و صحة أسنانهم في بعض النقط المهمة اللي لازم نوضحهالكم عشان تكونوا قادرين على الحفاظ على سلامة أسنانهم و تنظيفها بشكل صحيح

الفرشاه الخشنة تنظف بشكل أفضل من الناعمة

 الفرشاة الخشنة هي الفرش المتداولة تجارياً بشكل كبير و لكنها تعمل على تجريح الطبقة الخارجية للأسنان و دا بيزود فرصة تراكم بقايا الطعام فيها

تنظيف الأسنان يؤلم الأسنان
و يخدشها

تنظيف الأسنان بالتأكيد لا يتلف الأسنان و لكن تنظيفها بطريقة خاطئة هو اللي بيتلفها، ودا بيرجع  لأسباب كتير زي استخدام فرشاة خشنة

المضمضة فقط كافية لتنظيف الأسنان

المضممضة عملية تكميلية لنظافة الأسنان لازم تمشي فيها بالتوازي مع تنظيف الأسنان بالمعجون و خيط الاسنان مينفعش نعتمد على حاجة واحدة بس

مضغ اللبان يحل محل تنظيف الأسنان بالمعجون

 اللبان فعلا ممكن يكون بيزود افراز اللعاب في الفم و تحسين درجة الحموضة، دا لا يغني عن استخدام معجون الاسنان ابدا، و يفضل إستخدام  لبان بدون سكر

هل تبييض الأسنان الكيميائي مناسب لكل الناس ؟ 

السؤال دا هياخدنا تاني لنقطة التأكيد على دور الدكتور في الأشراف على عملية التبييض لأن حتى الآن مفيش اي مشاكل أو أضرار من التبييض الكيميائي و لكن 

السؤال دا هياخدنا تاني لنقطة التأكيد على دور الدكتور في الأشراف على عملية التبييض لأن حتى الآن مفيش اي مشاكل أو أضرار من التبييض الكيميائي و لكن في بعض الحالات اللي بتعاني من حساسية في اللثة مثلاً بيكون تدخل الدكتور فيها برأيه إنها اما بلاش تعمل تبييض او تعمل تبييض بأستخدام مواد كيميائية فيها فلورايد لأن الفلورايد بيساعد في التخلص من الحساسية دي و مع ذلك …كثرة إستخدام الفلورايد بيسبب تأكل  في طبقة المينا ، استخدام تركيزات عالية من المادة الكيميائة بدون مراعاة للحالة يتسبب في تأكل طبقة المينا أيضاً ، عشان كدا نقدر نقول ان التبييض الكيميائي آمن تماماً في حالة خضوعه لأشراف دكتور أسنان له خبرات كبير.

و بكدا نكون ألمنا بكل جوانب “التبييض الطبي للأسنان” و ممكن نتكلم في النوع الثاني من التبييض و هو “تبييض الأسنان بالليزر”

هل عملية تنظيف الأسنان من الجير مؤلمة

عملية تنظيف الاسنان من الجير متعتبرش عملية جراحية لأنها بتتم باستخدام جهاز بيصدر اهتزازات بسيطة هدفها تفتيت الترسبات الجيرية الموجودة على الاسنان ، نقدر نقول ان الشخص اللي بيعمل عملية ازالة جير الاسنان بيحس بصدمات بسيطة جدا على الأسنان .. اذن نقدر نقول ان عملية ازالة الجير عملية غير جراحية و غير مؤلمة اطلاقا

في النهاية لازم نختم كلامنا و نلخص الموضوع و نقول طول ما انت بتحافظ على أسنانك و بتغسلها بشكل دوري مش هيترسب عليها طبقات من جير الاسنان الناتج من تصلب طبقات البلاك المترسبة على الأسنان نتيجة لترسب بقايا الطعام و لازم طول الوقت تحاول تنظف اسنانك بالثلاثة طرق اللي قولنا عليهم

 

تنويه هااااااااااااااااااااااااااااااااااااااااااااااااااااااام

قبل ما المقال يخلص انت مجاش في دماغك سؤا مهم بيقول “طيب ازاي هغسل أسناني اصلا”؟ 

و الطريقة الصحيحة لغسل الاسنان بشكل سليم هي ان يكون اتجاه الفرشاة في اتجاه واحد من اللثة ناحية السنة و لو معرفتش يكون بشكل دائري .. لازم تهتم بالوصول لكل اسطح السنة لان اكتر اماكن بيترسب فيها الجير هي الأماكن اللي مش بتوصلها الفرشاة زي جوانب السنة و السطح السفلي للأسنان المواجه للثة