ـ5ـ علامات تدل إنك محتاج تركيبات الأسنان
فقد الأسنان من المشاكل اللي ليها تأثير صحي ونفسي على المريض عشان كده فيه علاجات كتيرة جداً للمشكلة دي بمميزات وأسعار متفاوتة.
من أشهر علاجات الأسنان في السنين اللي فاتت “تركيبات الأسنان” واللي عبارة عن أسنان صناعية بيتم تركيبها بهدف تعويض الأسنان المفقودة أو ترميم الأسنان المتشققة أو المكسورة ومعالجة جذورها. وتركيبات الأسنان علاج مشهور وبيلجأ ليه ناس كتير لأسباب منها إن فوايدها كتيرة والإجراء بيكون سهل على المريض.
إيه هي فوايد ومميزات تركيبات الأسنان؟
فوايد تركيبات الأسنان ليها أكتر من جانب، أولاً الجانب التجميلي والخاص بالشكل:
وده لأن تعويض الأسنان المفقودة هينتج عنه تجميل للفم ودقة في مخارج الحروف فبيرجع الشخص يتكلم بثقة مرة تانية و بترجع الابتسامة المبهجة والضحكة الطبيعية للفم وده أكيد بيعلي ثقة المريض بنفسه.
ثانياً جانب صحة الفم: لأن تركيبات الأسنان البديلة عن الأسنان المفقودة بتمنع تكون البكتيريا الضارة في التجاويف بين الأسنان مكان السنة المفقودة، وده بيحافظ على صحة اللثة من الأمراض والالتهابات. غير إنها بتساعد في مضغ الطعام بسهولة.
أما مميزات تركيبات الأسنان فهي كتيرة منها
إنها سهلة كأجراء على الطبيب وعلى المريض، تكلفتها قليلة جداً مقارنة بزراعة الأسنان أو بابتسامة هوليود غير إنها تقريباً غير مؤلمة لأنها بدون جراحة.
وكل المميزات والفوايد دي عامة على تركيبات الأسنان أياً كان نوعها، وكل نوع من أنواع تركيبات الأسنان ليه مميزاته واستخدامه عن النوع التاني ودي ممكن يساعدك فيها الدكاترة المتخصصين في عيادة وايت اند برايت White & Bright Dental Center..
أنواع تركيبات الأسنان
تركيبات الأسنان إما ثابتة أو تركيبات متحركة
التركيبات الثابتة
زي ما واضح من اسمها إنها ثابتة في الأسنان ولا يمكن إزالتها إلا عن طريق الدكتور المتخصص ودي ليها نوعين (جسور ثابتة و تيجان) وكل واحدة منهم ليها استخدامها على حسب تركيبات الأسنان هتعالج فقد سنة فهنا الحل بيكون استخدام جسور الأسنان الثابتة أو تكون التركيبات دورها ترميم الأسنان المتشققة أو المكسورة وهنا بتستخدم تيجان الأسنان.
أما النوع التاني من التركيبات وهو
التركيبات المتحركة
ودي بسهولة بيعرف المريض يشيلها ويركبها ودي بتعالج فقد الأسنان وعبارة عن نوعين بردو اطقم جزيئية وأطقم كاملة على حسب عدد الأسنانات المفقودة وحالة الأسنان بشكل عام ودي بيقدر يحددها الدكتور المتخصص.
ومن هنا تقدر تعرف كل تفاصيل تركيبات الأسنان من حيث الأنواع والتكلفة في
(عيادة وايت اند برايت White & Bright Dental Center)
وكل المميزات والفوايد دي عامة على تركيبات الأسنان أياً كان نوعها، وكل نوع من أنواع تركيبات الأسنان ليه مميزاته واستخدامه عن النوع التاني ودي ممكن يساعدك فيها الدكاترة المتخصصين في عيادة وايت اند برايت White & Bright Dental Center..
أهم 5 علامات تقولك ده وقت تركيبات الأسنان
قبل ما ابدأ اقولك إيه العلامات لازم تعرف إن فيه أكتر من 5 علامات ومشاكل بتعالجها تركيبات الأسنان هكلمك دلوقتي بس عن أهم 5 لكن بشكل أدق بيفضل الفحص الدوري للأسنان مهم جداً للأسنان و من أهم فوايده هو اكتشاف المشكلة قبل حتى ما أعراضها تظهر وبالتالي اختيار أنسب حل ليها بسرعة
1- تسوس الأسنان
1- تسوس الأسنان
تسوس الأسنان مشكلة ليها أسباب كتير أشهرها أكل السكريات بنسبة كبيرة، والمشكلة دي ممكن تأدي لكسور الأسنان ومنها لفقد الأسنان بشكل كامل. وحشو الأسنان أحيانا بيأدي لضعف السنة فتركيبات الأسنان بتحمي السنة بشكل مثالي.
2- حشوات الأسنان الكبيرة
لو فيه جزء كبير من السِنّة محتاج لحشو أسنان ده معناه إن الجزء الباقي من السنة هيبقى ضعيف ومعرض لإنه يتكسر بسهولة. في الحالة دي من أنسب الحلول للمشكلة دي هي تركيبات الأسنان.
3- عدم تناسق الأسنان
3- عدم تناسق الأسنان
من المشاكل اللي بتعالجها تركيبات عدم تناسق الأسنان سواء من حيث الحجم أو الشكل أو لون الأسنان
4- كسور الأسنان
كسور الأسنان بتأدي للتسوس ومشاكل في جذور الأسنان وده غير الألم الكبير اللي بتسببه إلا إنها بتأدي مع الوقت لفقد السنة بشكل كامل وتركيبات الأسنان بتقدر تحمي الأسنان بالشكل المطلوب اللي يمنعها من تطور المشكلة. يعني تركيبات الأسنان بتبقى حل مثالي لو سنة اتكسر منها جزء و مكنش فيه اي حلول تجميلية مناسبة ليها.
5- أسنان متآكلة
5- أسنان متآكلة
تآكل الأسنان ممكن يحصل بسبب حاجات كتيرة منها بعض العادات السلبية اللي بتتعمل بشكل روتيني زي استخدام الأسنان كأدوات في فتح العلب مثلاً أو قضم الأظافر أو الجز على الأسنان وممكن تحصل بسبب مرض طبي أو نظام غذائي معين فيه ارتفاع كبير لنسبة الحموضة.
تركيبات بدورها بتعمل ترميم الأسنان وحمايتها وحماية مينا الأسنان بشكل كافي.
ومجملاً هتحتاج تعمل تركيبات لأسنانك في الحالات اللي مش متاح ليها إستخدام زراعة الاسنان، سواء بسبب التكلفة لأن سعر زراعة الأسنان أغلى بكتير من سعر تركيب الأسنان، أو في حالة إن صحة المريض وحالة أسنانه لا تسمح بزراعة الأسنان وانها هتسبب ضرر للمريض أكبر من الفوايد. والقرار ده هيساعدك فيه دكاترة عيادة وايت اند برايت المتخصصين في زراعة الأسنان أو تركيبات الأسنان.
ملحوظة
لما شخص بيخلع أسنانه و بيفضل سايب مكانها فاضي لمدة طويلة، العظام اللي بتسند الخدود و الشفايف للشخص ده..بتبدأ تتآكل، وده بدوره بيؤدي لتغيير في المظهر الخارجي للشخص و بيخليه يبان أكبر من سنُه ( بالعامية يعني: شكل وشه بيكرمش )
اسئلة شائعة عن تركيبات الأسنان
إيه هي اضرار تركيب الاسنان الثابتة ؟
مفيش شكاوي خطيرة بتيجي نتيجة تركيب الاسنان الثابتة، لكن في احتمال ان تركيبات الاسنان تكون مؤلمة لو محصلش تخدير موضعي بشكل صح ومناسب، بالنسبة لعيادتنا وايت اند برايت White & Bright Dental Center بنستخدم أقوي و أفضل نوع من أنواع المخدر الموضعي أثناء العملية، وبعد العملية هيكون من الأفضل ليك إنك تستخدم المسكنات اللي هيكتبهالك الدكتور حسب حالة اسنانك.
هل تركيبات الأسنان بتعمل حساسية في الأسنان؟
تركيبات الأسنان ليها أحياناً بيكون ليها آثار جانية أو أعراض بتحصل بعد التركيبة و اغلبها بيكون مؤقت على سبيل المثال حساسية الأسنان.
ودي بتبقى نتيجة برد الدكتور للأسنان أثناء عمل تركيبات الأسنان الثابتة فبعدها بتحس بألم في الأسنان بعد شرب أو أكل حاجات سخنة جداً أو باردة جداً. وزي ما قولتلك في البداية إنها من الأعراض المؤقتة اللي بأقصى حد ممكن تستمر شهر بعد تركيبات الأسنان ولو استمرت مدة أطول من كده فمن الأفضل الرجوع للدكتور لاحتمالية وجود مشكلة في التركيبة نفسها. عشان كده دايماً بننصح قبل عمل تركيبات الأسنان اختار عيادة و دكتور مناسب سواء عيادة وايت اند برايت White & Bright Dental Center أو غيرها من العيادات المضمونة.
إيه اللي هيحصل لو انا اتأخرت في عمل التركيبات؟
في آثار جانبية أو أضرار كتيرة ممكن تحصلك لو أسنانك احتاجت تركيبات وانت اتأخرت في القرار ده منها:
– تغيير في شكل الوجه لأن الأسنان هي دواعم الشفتين ، علشان كده اول لما تفقد سنة هتحس
بانكماش في الشفايف لانها فقدت الداعم بتاعها
غير إن التأخير هيتسبب في إن حل مضاعفات المشكلة هتكون تكلفته أكبر بكتير.
ازاي اعتني تركيبات الأسنان الثابتة؟
التركيبات الثابتة عشان تستمر فترة أطول بتحتاج عناية يومية. ومن ميزة العناية بالتركيبات الثابتة إنها تقريباً نفس خطوات ونصايح العناية بالأسنان الطبيعية زي : (غسل الأسنان بفرشاة ناعمة ومعجون مناسب، تنظيف الأسنان من بقايا الطعام بالخيط الطبي، التخفيف من الأطعمة الحامضية والملونة، تقليل الشاي والقهوة والكافيين عموماً، التوقف عن أكل السكريات بشكل كبير، التوقف عن التدخين وغيرهم)
ازاي اعتني تركيبات الأسنان المتحركة؟
العناية المنتظمة والصحيحة خصوصاً للتركيبات المتحركة شيء أساسي جداً ومهم لتفادي مشاكل صحة الفم وأمراض اللثة، والعناية بالتركيبات المتحركة من أهم خطواتها:
غسل التركيبة بفرشاة ومعجون مناسبين
تنظيف اللثة وسقف الحلق بفرشاة ناعمة
نقع التركيبة اسبوعياً لمدة 7 أو 8 ساعات في محلول طبي.
لتجنب الجفاف من الأفضل ترك التركيبة في كوباية ميه كل يوم قبل النوم.
تجنب الأطعمة الصلبة زي المكسرات.
تجنب المشروبات الغازية واللي فيها نسبة سكر عالية
التقليل من أكل الحلويات والسكريات
التوقف عن التدخين
اخر مقالاتنا
