أحدث الأجهزة الطبية في تبييض الاسنان
أنواع تبييض الاسنان واسعارها المختلفة على حسب حالة الاسنان بحد اقصى 45 دقيقة للجلسة الواحدة
أحدث الأجهزة الطبية في تبييض الاسنان
أنواع تبييض الاسنان واسعارها المختلفة على حسب حالة الاسنان بحد اقصى 45 دقيقة للجلسة الواحدة
أنواع تبييض الأسنان واسعارها
تبييض الاسنان عملية تجميلية “مش” جراحية، بنعملها علشان تخلي الأسنان لونها يبقى أبيض (بدرجاته) وغالباً بيتحدد حسب لون البشرة، و انواع تبييض الاسنان مختلفة وفى الجدول ده هتلاقى مقارنة بين أنواع و اسعار تبييض الأسنان في مصر 2020 و لكن يُفضّل تنظيف الجير قبلها
| انواع تبييض الاسنان | اسعار تبييض الاسنان | مدة الجلسة |
| تبييض الاسنان الكميائي | 2000 للجلسة الواحدة | 45 mintues |
| تبييض الاسنان بجهاز الزوم | 5750 للجلسة الواحدة | 45 mintues |
| تبييض الاسنان بجهاز وايت سمايل | 3500 للجلسة الواحدة | 45 mintues |
كل اسعار تبييض الاسنان في الجدول ده تقريبية و غير ثابتة، هي بتعبر عن متوسط الاسعار وليس الاسعار النهائية
أنواع و اسعار تبييض الاسنان
تبييض الاسنان بجهاز الـ Zoom
بيُعتبر أفضل جهاز في تبييض الاسنان بدون أي آلام ونتيجته بتدوم لفترة طويلة، ممكن بس إنه يسبب حساسية خفيفة للأسنان مقارنة بالأنواع الأخرى
مدة الجلسة: 45 دقيقة
تكلفه تبييض الاسنان بالنوع دا: 5750 ج
” الجلسة الواحدة “
تبييض الاسنان بجهاز white smile
والجهاز ده رغم إن نتيجته بتكون أقل من نتائج تبييض الاسنان بالزووم ، لكنه بيتميز بأن حساسية الأسنان اللي بتحصل بعد جلسة التبييض تقريباً بتكون منعدمة.
مدة الجلسة: 45 دقيقة
تكلفة تبييض الاسنان بالنوع دا: 3500 ج
” الجلسة الواحدة “
تبييض الاسنان الكيميائي
النوع ده بنستخدمه في تبييض الأسنان بس نتيجة استخدام المادة الكميائية أحيانا بيؤدي لالتهابات في اللثة
مدة الجلسة: 45 دقيقة
تكلفة تبييض الاسنان بالنوع دا: 2000ج
” الجلسة الواحدة “
الفريق الطبي
د/ أحمد السيد
اخصائي علاج و تجميل الفم و الأسنان، جامعة عين شمس
د/ معتز الشوبري
اخصائي طب و جراحة الفم و الأسنان، جامعة عين شمس ، و معيد بقسم التركيبات المتحركة بجامعة BUC
د/ احمد العايدي
اخصائي التركيبات و زراعة الأسنان، جامعة عين شمس ، و معيد بقسم التركيبات المتحركة بجامعة BUC
حالات عملية من عياداتنا لتبييض الأسنان
حالات عملية من عياداتنا لتبييض الأسنان
استشارة طبية كاملة مجانا
تقدر تحجز استشارة طبية كاملة على اسنانك من خلال التواصل معانا عن طريق الـ What’s app كل اللي محتاجه تسجل معانا في الفورم دي
سعر الكشف
200 جنيه ، انت هتكون محتاج تكشف و الدكتور يقيم حالتك الاول قبل ما تعمل تبييض الاسنان
هتلاقينا فين
عنوان عيادتنا 24 مكرم عبيد بمدينة نصر ، اول لما هتحجز معانا سواء اونلاين او عن طريق الـ What’s app او بالتليفون هتلاقينا بنقولك انسب طريق ليك
مواعيدنا ايه
احنا موجودين كل ايام الاسبوع ماعدا الجمعة
و مواعيدنا من 3 العصر لـ 10 بليل
اسئلة شائعة عن تبييض الاسنان
Blank
محتاج تعمل تبييض اسنان لو ..
- لو لقيت ان لون أسنانك بدأ يميل للأصفر
- لو فيه في الأسنان لون بني على شكل خطوط
- لو لقيت لون أسنانك بدأ يميل للرمادي
- لو بتتكون على الأسنان بقع بيضاء
هل بيحصل حالات حساسية بعد تبييض الاسنان ؟
الحقيقة عملية تبييض الأسنان عملية تجميلية آمنة، يعني بدون تدخل جراحي و بدون ألم … والحساسية اللي بتيجي مش حاجة خطيرة هي حاجة طبيعية نتيجة وضع المواد المبيضة على الأسنان و ملامستها للثة، و بتختفي اثارها و اعراضها بعد فترة قصيرة
ودى بعض النصائح اللى ممكن تفيديك واللى هاتحتاج تعملها لمدة اسبوع تقريبا بعد عملية تبييض الاسنان :
حاول تبعد على قد ما تقدر عن المشروبات والأطعمة الحمضية .
ابعد عن الصودا وقلل التدخين على قد ما تقدر.
بعد تبييض الاسنان بالليزر او باى جهاز تانى استخدم فرشاة الأسنان برفق .
ابعد عن الكربوهيدرات المرتفعة السكر.
حاول تتجنب الضغط على اسنانك.
استخدم غسول للفم ويفضل انه يحتوى على مادة الفلورايد وده يكون مرة على الأقل فى اليوم.
المشروبات شديدة البرودة والمثلجات او المشروبات شديدة السخونة بتزيد من الحساسية عشان كده ابتعد عنها بقدر الامكان.
انا مدخن، ينفع اعمل تبييض للاسنان ؟
اه طبعا ينفع بس بعدها بيتم استخدام القوالب المنزلية لانها بتساعد علي استمرارية درجة التبييض اللي وصلت ليها الاسنان .. وبعد كده بيتم تنظيف وتلميع الأسنان كل 3 شهور … وطبعا بيتمنع المشروبات اللي بتسبب تلون في الاسنان زي الشاى والقهوة والبيبسي لمدة ٣ ايام
هل الكافيين بيمنعني اعمل تبييض الاسنان ؟
مش بيمنعك لكن نقدر نقول انه بيقلل الفترة اللي تبييض الاسنان هايستمر معاك فيها بسبب ان المشروبات اللي فيها الكافيين بتيكون فيها نسبة تصبغات عالية اللي بدورها بتأثر علي نتيجة التبييض فتقدر تقول كده انه بيقصر من عمر عملية التبيض اللي حصلت في أسنانك
و بما ان اسعار تبييض الاسنان بتكون عاليه مقارنةً مثلاً مع اسعار تنظيف الجير من الاسنان فإحنا ديماً بنحذر حالات التبييض اللي بتيجي العيادة من كل مشتقات الكافيين اللي اخطرها طبعاً هي القهوه بكل انواعها …
ازاي احافظ على تبييض الأسنان أطول فترة ممكنة؟
هو اللي المفروض يحصل ان يتم تقليل المشروبات الي فيها صبغات زي الشاي والقهوة والبيبسي مثلا .. وطبعا تقليل السجائر …
بس ده ممكن يعتبر من الحاجات الصعبة جدا علي الناس … فبقدر الامكان بس بنتطلب من الشخص انه يقلله …
بس لازم تستخدم المعجون اللي فيه نسبة تبييض عالية مرة كل اسبوع .. والمعجون اللي فيه الفلورايد باقي الاسبوع علشان يتم الحفاظ علي الاسنان لاطول فترة ممكنة …
و علشان سعر تبييض الاسنان في مصر بالليزر أو بالطرق التانية المختلفة بيكون مش قليل، لازم تكون ملتزم بالقواعد اللي دكتور التبييض يقولك عليها بعد تبييض الاسنان.
Blank
هل تبييض الاسنان بيخليك تاخد من طبقات اسناني؟
لا، تبييض الاسنان بكافة انواعه الحديثة مابيأثرش على الاسنان أو على صحتها.. هي بتسحب جميع التصبغات الداخلية للاسنان اللي بتكون ناتجة عن المشروبات اللي زي القهوة والنسكافيه والشاي، لكن بدون اي نحت او برد للاسنان تماماً، ..
ماينفعش نجيب مادة تبييض الاسنان دي ونعملها في البيت ؟
دي تعتبر كارثة لان إشراف الدكتور الغرض منه تحديد حالة أسنانك… و بالتالي تحديد طريقة تبييض الاسنان المناسبة ليك و تركيزات المواد المستخدمة دي حاجة مش اي حد يقدر يستخدمها بكل أسف … رغم ان الموضوع يبدو سهل اكتب بس علي Google “وصفات لتبيض الاسنان” هايطلع كتير … إلا ان الاستهتار بنسبة تركيز المواد الكيميائية المستخدمة في طريقة تبيض الاسنان ممكن يعمل مشاكل كبيرة في الأسنان زي :
- تاّكل طبقة مينا الأسنان
- تكون بقع بيضاء
- الأضرار بشكل و ترتيب الأسنان
فعشان كدا عملية تبييض الاسنان كيميائياً لازم تكون تحت إشراف طبي
ايه اسباب اصفرار الاسنان اللي بتخلينا نعمل تبييض الاسنان ؟
طبقة المينا اللي بتحمي الأسنان هي طبقة مسامية و فيها فجوات دقيقة جداً مع إهمال غسل الأسنان و الإهتمام بيها بشكل كويس بتتملي المسام دي ببقايا أكل و بيترسب على طبقة الميناء طبقة جيرية و بلاك و بقع بيضاء أحياناً و بتتصلب و بيصعب إذالتها مع الوقت بالغسيل العادي بالمعجون… غير ان في بعض العادات اللي بتزود من سرعة و كثافة التصبغات دي زي …
- التدخين
- التنفس عن طريق الفم بيسبب تأكل في المينا نتيجة جفاف الفم من اللعاب اللي بيلعب دور مهم في حماية طبقة المينا
- تناول أطعمة غير صحية بتحتوي على نسبة عالية من الأحماض اللي بتسبب تأكل المينا
- كثرة استخدام معجون الأسنان الذي يحتوي على مادة الفلورايد التي تسبب تأكل المينا
- عدم الإعتناء بالأسنان بشكل مستمر
- كثرة شرب المشروبات اللي فيها كميات من الصبغات بتساهم في صبغ الأسنان.
علشان كده بننصحك تدور علي مركز اسنان موثوق فيه يعرفك اكتر عن انواع تبييض الاسنان واسعارها والحالات المناسبة لكل نوع تبييض علشان قرارك يكون مبني على احتياج الأسنان.
ومتناس انك ممكن تعرف سعر عملية تبييض الأسنان لحالة اسنانك في الاستشارة المجانية من خلال FB Messenger أو WhatsApp.
ايه هو تبييض الاسنان بالليزر، و ايه هي الشروط المطلوب توافرها عشان اعمل النوع ده من انواع تبييض الاسنان؟
تبييض الاسنان بالليزر هي واحدة من طرق إزالة الصبغات الداخلية والخارجية للأسنان لكنها مش بتسبب ضرر على اللثة أو في بنية الأسنان، ومفيهاش اي تدخل جراحي.
امتى اعمل النوع ده من انواع تبييض الاسنان لأسناني؟
– من أهم ميزات تبييض الاسنان بالليزر انها ينفع لكل الحالات، الا اذا كنت…
- عندك انحسار في اللثة
- أسنانك حساسة
- حامل
- سنك 16 سنة أو أقل
لكن لازم تكون عارف أكبر عدد من التفاصيل عن العيادة وعن الأسعار لأن اسعار تبييض الاسنان بالليزر في مصر متفاوتة بين كل عيادات تبييض الاسنان في القاهرة ، وكمان لازم تتأكد من جودة الخدمة والأجهزة والتعقيم.
ازاي بيتم تبييض الاسنان بالليزر او بطرق تانية ؟
1.بنستخدم مقياس الألوان بنعرف عن طريقه أسنانك في أي درجة من درجات الأبيض.
2. بنظف طبقة البلاك (اللي هي أول طبقة في الأسنان) بجهاز ال Ultrasonic ، وبننتقل بعدها للجهاز المستخدم حسب النوع اللي هتختاره