كل اللي محتاج تعرفه قبل ما تعمل تقويم الاسنان
محتوى المقال : تقدر تدوس على العنوان اللي عايز تعرف أكتر عنه وهيوصلك للمعلومة اللي عايز تعرفها بسرعة عن تقويم الاسنان
هل من الطبيعي انك تلاقي اي حد في الدنيا مبيتمناش يكون عنده أسنان بيضاء ومتناسقة تنعكس على شكل ضحكته؟.. بعد تجارب كتير جداً تم اكتشاف ان في علاقة قوية ما بين شكل ضحكة الإنسان و ثقته في نفسه .. كلما كان الشخص بيبتسم في الصور على طبيعته كلما كانت ثقته في نفسه اكبر ،لكن الصورة المثالية للإبتسامة الجميلة دي غالباً مبتكملش بسبب مشاكل الأسنان زي مثلاً: وجود فوارق بين الأسنان، أو عيوب إطباق الأسنان، واللي بيكون بسبب عدم انتظام الأسنان، أو عدم التناسب مثلاً بين الفكين العلوي والسفلي، كل دي مشاكل بتأثر على تناسق الأسنان ومظهرهم العام، بالإضافة للمشاكل الطبية اللي بتحصل في حالة إهمال الأسنان، زي أمراض اللثة وتآكل الأسنان وغيرهم ، عشان كده دائماً الأطباء بينصحوا باستخدام تقويم الأسنان في سن مبكر قدر الإمكان عشان يحل المشاكل دي بأسرع شكل.
صعب تلاقي حد مش بيتمني يبقي عنده إبتسامة جميلة ومتناسقة أو زي ما في ناس بتسميها بـ”Hollywood smile” وده من وحي إبتسامات نجوم هوليوود، اللي دائماً هتلاقي ابتسامتهم مثالية جداً وأسنانهم ليها بريق مميز.
و عشان نفهم كل تفصيلة كبيرة و صغيرة عن تقويم الأسنان محتاجين نتكلم عن تقويم الأسنان (Braces) بشكل مُفصل وانواع تقويم الاسنان، عشان نجاوب على معظم الأسئلة التي بتيجي على بال أي شخص مجرد ما بيعرف إنه محتاج يستخدم تقويم الأسنان braces :-
امتى أول ظهور لتقويم الاسنان؟
بيرجع تاريخ تقويم الأسنان للعصور القديمة في 400-300 قبل الميلاد
قبل الميلاد300-400
بدأ سقراط وأرسطو يفكروا في طرق لتقويم الأسنان، وإزاي يقدروا يعالجوا مشاكل الأسنان المختلفة ويحافظوا على شكلها ومن هنا بدأت فكرة تقويم الأسنان لكن طبعاً مش بالشكل الحديث اللي بنشوفه دلوقتي ، بعدها بفترة كبيرة اكتشف علماء الآثار أشخاص محنطين وعندهم شرائح معدنية صغيرة ملفوفة على أسنانهم ومنها استنتجوا فكرة تقويم الأسنان و استخدموا خيوط مصنوعة من الألياف الطبيعية لأمعاء الحيوانات لتقويم الأسنان وسد الفراغات بينها ، ومن ضمن الأدلة اللي بتثبت إن فكرة تقويم الأسنان بترجع لحضارات كتير قديمة ومختلفة، هي حضارة عاشت في إيطاليا القديمة، الأتروسكان واللي كانوا بيدفنوا الموتى مع أدوات خاصة بالأسنان للحفاظ على الأسنان في الحياة الأخرى.
في القرن 17 و 18 و 19 وتحديداً في عام 1728
كل ده كان كفيل إنه يشجع العلماء في التفكير في تطوير تقويم الأسنان على مدار القرون السابقة.
وبدأ تطور تقويم الأسنان الفعلى في القرن 17 و 18 و 19 وتحديداً في عام 1728، لما نشر طبيب الأسنان الفرنسي “بيير فوشار” كتاب بعنوان “طبيب أسنان جراح” واللي إتكلم فيه عن مشاكل الأسنان وحلولها.
أما في 1754 نشر طبيب أسنان فرنسي آخر “لويس بورديت” كتاب بعنوان “فن طبيب الأسنان”، واللي كتب فيه فصل كامل عن محاذاة الأسنان. وكان طبيب الأسنان الأول اللي بينصح بخلع الأسنان الضواحك لتقليل الازدحام وتحسين نمو الفك.
كيفية عمل تقويم الأسنان؟
عملية تقويم الأسنان بتحصل عن طريق جهاز مُصمم لضبط وضعية العظام وتصحيح إطباق الأسنان على بعضها وده اللي بردو بيحل مشاكل فوارق الأسنان وبيرجعها للوضعية المثالية المناسبة ليها.
ما هو التوقيت المناسب لتركيب تقويم الأسنان؟
انسب وقت لتركيب تقويم الاسنان هو في الطفولة يعني في مرحلة النمو المستمر للأسنان، ده بيخلي قابلية الأسنان إنها ترجع للوضعية الصحيحة أسرع وأسهل، وده بردو مش معناه أن البالغين ميقدروش يستخدموا تقويم الأسنان، أي شخص مهما كان عمره يقدر يستخدم تقويم الأسنان، ولكن إحنا اتكلمنا عن الفترة الأمثل لإستخدامه بحيث الإستجابة لتركيب تقويم الاسنان تكون أسرع.
معظم الأطباء بيرشحوا عمل تقويم الأسنان في الفترة بين 8 و 14 سنة
ما هي فوائد تقويم الأسنان؟
تحسين أداء الأسنان والأنسجة المحيطة بها
تقويم الاسنان حل كويس في بعض حالات سوء الإطباق زي بروز الأسنان الأمامية العلوية ده أحياناً أكثر عرضة للصدمات وبالتالي ممكن يحصل كسور. وفي بعض الحالات التانية زي تراكب الأسنان مثلاً على بعضها بيكون تنظيف الأسنان اصعب ، وده بيضعف المقاومة للأمراض، وبيحصل تراكم في بقايا الطعام والبكتيريا بتبدأ تترسب بين الأسنان، ويحصلها تسوس والتهاب في اللثة، بالإضافة فوق كل ده ريحة الأسنان الكريهة. وطبعاً لأن إهمال أي مشكلة بيعمل مضاعفات كبيرة فلو طبعاً متمش العلاج في وقت بدري قدر الإمكان فممكن يحصل تراجع في اللثة وامتصاص العظم وفي النهاية فقدان الأسنان.
تحسين النطق و معالجة الثأثئة و مشاكل النطق بالكلام
تركيب تقويم الاسنان له دور في تحسين وظيفة النطق، لأن اللغة العربية فيها ١٨ حرف محتاجين وجود الأسنان في الكلام وارتصافها وإطباقها بشكل مضبوط عشان الحروف تخرج بشكل صح، خصوصاً الحروف اللي هي زي (السين، والصاد) وبالتالي فلو سنانك وقعت لا قدر الله أو بقي فيه فراغات بينهم أو بقي في خلل في أطباق الفكين، أو المسافة بين ذروة اللسان والأسطح الداخلية للأسنان الأمامية مبقتش كافية بالتالي الهواء مش هيمر بشكل صحيح، فهتبقي ألدغ للأسف ومخارج الحروف عندك مش هتبقي مضبوطة
تحسين الشكل العام للوجه وحل مشاكل نتوء بروز الفكين
تركيب تقويم الاسنان بيساعد في معالجة الأسنان المنغرسة واللي ممكن تحتاج تدخل جراحي في حالة إهمالها و تحسين المناعة في الفم واللثة والوقاية من الأمراض بسبب تراكم الطعام بين الأسنان
ايه هى انواع تقويم الاسنان و إزاي تحدد النوع المناسب ليك؟
مبدأياً صعب إنك تتحدد افضل نوع تقويم أسنان لوحدك من غير ما تروح لدكتور يحددلك انواع تقويم الاسنان المناسب ليك بحسب حالتك وحجم المشكلة اللي عندك زي مثلا التقويم الشفاف أو التقويم الثابت أو التقويم المتحرك، و كمان تعرف الفرق بين أسعار تقويم الاسنان في مصر 2022 ولكن ده مش بيتعارض تماماً مع إن عندك الحرية نوعاً مافي إنك تختار نوع تقويم الأسنان اللي أنتَ تفضله بحسب الخيارات اللي بيرشحها ليك الطبيب طبعاً، عشان كده هنتكلم عن معظم أنواع تقويم الأسنان بشكل مختصر.
عمليات تقويم الأسنان بتنقسم إلى 3 أنواع
مراحل تركيب تقويم الأسنان؟
- في البداية بيروح المريض إلى عيادة تقويم اسنان و يبدأ اخصائي تقويم اسنان بالعيادة بالكشف علي المريض ومن الكشف بيقدر يحدد انواع تقويم الأسنان braces المناسبة لحالة الاسنان.2. بعد كده بيبدأ في تنظيف الأسنان والفم قبل تركيب التقويم، وده عن طريق الأدوات والمعدات الطبية المناسبة للتنظيف ، بعد كده بيبدأ الدكتور يحط البراكيت وهي عبارة عن أجزاء تقويم صغيرة.
3. بعد كده بيبدأ دكتور تقويم اسنان إنه يحط قطعة علي الفم عشان يفضل مفتوح لفترة و دا بيساعد في تركيب التقويم بسهولة من غير ما يسبب للمريض أي ألم أو مشاكل.
4. بعد وضع قطع التقويم الصغيرة على الأسنان، بيبدأ الدكتور بوضع قطع التقويم الأساسية على الأسنان قطعة قطعة عن طريق مادة لاصقة بتثبت القطع دي على الأسنان، و القطع الصغيرة دي بتتوصل عن طريق سلك رفيع ببعضها والسلك ده بيساعد الدكتور بعد كدا في شد تقويم الأسنان في جلسات المتابعة القادمة.
ألوان تقويم الأسنان.. و إزاي تختار اللون المناسب؟
ما هي مدة تقويم الاسنان اللازمة على الفم
الوقت في مدة تقويم الاسنان ده شيء نسبي وبيعتمد بنسبة كبيرة علي فترة المعالجة اللي بيحددهالك دكتور تقويم الاسنان علي حسب المشكلة التي عندك، وطبعاً كل ما كان حجم المشكلة أكبر ومعقد أكتر وكلما كان عمرك أكبر بردو فبالتالي بتزيد مدة تقويم الاسنان التي محتاجها.
في المعظم، متوسط مدة تقويم الاسنان بتستمر لفترة حوالي
من 12 لـ 24 شهراً ونتيجة تقويم الاسنان قبل وبعد تركيبه بتكون واضحة بشكل ملحوظ.
بعدها بيستخدم المريض مثبت الاسنان، عبارة عن قالب للأسنان بيكون بعد فك التقويم وبتستخدمه لفترة أقل لضبط ومحاذاة الأنسجة حول الأسنان التي محتاجين تقويمها
مستوى ألم تقويم الاسنان
الم تقويم الاسنان بيكون مش كبير بالدرجة اللي كتير بيبقوا فاكرينها لكن الفكرة إن كل جلسة بتروح فيها للدكتور بيشد الأسلاك اللي بين تقويم الأسنان – ده طبعاً في حالة التقويم المعدني – وده بيعمل ضغط خفيف على الأسنان عشان تتحرك للموضع المناسب، علشان كدا ممكن تشعر بعد كل جلسة بألم في الفك أو الأسنان، و الطبيعي ان مدة الم تقويم الاسنان بعد كل جلسة بتكون مش كبيرة وبتقدر تتحمله وبتتعود عليه وأحياناً الدكتور ممكن يكتبلك مسكنات في حالة إنك مقدرتش تتحمل الم تقويم الاسنان.
كيفية تنظيف الاسنان بعد التقويم والعناية بها ونوع الأكل اللي مفروض تبعد عنه؟
ابعد عن المكسرات الصلبة
لازم تبعد عن المكسرات الصلبة اللي ممكن تكسر تقويم الاسنان و الحلويات اللي بتلزق فيه وبيبقي صعب جداً تنظيفها بالفرشاة
الاهتمام بنظافة الأسنان
أهم حاجة لازم تبعد عنها هي الإهمال وعدم تنظيف الاسنان بعد التقويم أو في فترة تركيب التقويم، عشان كده لازم تنضف الأسنان بشكل يومي بالفرشاة العادية وفرشاة التقويم لتنظيف الفراغات الموجودة بين الأشرطة وتحت الأسلاك في التقويم من بقايا الأكل وتقدر تستخدم المضامض الفموية لنضافة أكبر
المحافظة على نظام غذائي صحي
في فترة تركيب التقويم، مهم جداً انك تحافظ على نظام أكل صحي ومتوازن، وتقلل أكل السكريات اللي بتكون طبقة بلاك حوالين التقويم وبتسبب مشاكل الأسنان المختلفة زي التسوس والتهابات اللثة وتغيير لون الأسنان. وطبعاً تجنب الاطعمة زي الفشار والأطعمة اللزجة.
ما هي اشهر عيوب تقويم الاسنان؟
يمكن من اشهر عيوب تقويم الأسنان هو انه بيعرض المريض بشكل مستمر لالتهابات اللثة ومع طول فترة العلاج وعدم الانتظام بتنظيف الاسنان والتقويم فطبعاً بيكونوا عرضة لتراكم بقايا الأكل والبكتيريا وبيؤدى للتسوس أو اصفرار الأسنان.
و عيب تاني من عيوب تقويم الاسنان اللي معظم المرضى بيشتكوا منها هو أن أحياناً هتحس بالملل مع طول فترة العلاج والتحسن البطيء في الشكل الخارجي اللي عايز توصله لحد معاد فك التقويم عشان كده لازم تتابع مع دكتور تقويم اسنان متخصص علي طول بشكل مستمر ومنتظم .. و لكن كل دا مش هيكون موجود إذا فضلت محافظ على طريقة تنظيف الاسنان مع التقويم حسب ارشادات الدكتور.
انت كدا عرفت تقريبا كل حاجة المفروض هتحتاجها قبل ما تعمل تركيب التقويم، و لو أخدت قرارك تقدر تعرف المواعيد المتاحة و تحجز في عيادتنا اونلاين في خلال 3 دقائق