أكتر 30 سؤال شائع عن هوليود سمايل و ردود الدكاترة المتخصصين

بواسطة | أغسطس 31, 2021

تعريف ابتسامة هوليود بإنها إجراء مرفّه هدفه الوصول لشكل سينمائي، هو تعريف سطحي إلى حدٍ ما، لإن فيه ناس كتير جداً بتحتاج تعمل ابتسامة هوليود لزيادة الثقة في نفسها لما تعرف تتكلم وتبتسم بشكل طبيعي ومثالي، وده ناتج عن ابتسامة مثالية خالية من أي عيوب موجودة في الفم أو الأسنان، وده حفز ناس كتيرة جداً في الفترة الأخيرة إنهم يعملوا ابتسامة هوليود.
في المقال ده هتلاقي 30 سؤال شاغلين بالك و كل حاجة محتاج تعرفها عن ابتسامة هوليود.

اسئلة عامة عن هوليود سمايل

إيه هي هوليود سمايل؟

هوليود سمايل تقدر تقول إنها حل تجميلي لعلاج مشاكل الأسنان غير المتناسقة، ومشاكل عدم تناسق الأسنان دي مش مقصود بيها عدم تناسق لون الأسنان بس! لكن كمان عدم تناسق الشكل والحجم أو كسر جزء من الأسنان.
وبالتالي، لفظ هوليود سمايل -طبيًا- مش بيقتصر على تبييض الأسنان بس أو تغيير لونها بس للون الأبيض الناصع، لكن هي أي إجراء تجميلي هدفه الحصول على ابتسامة متناسقة، طبيعية ومثالية.
وممكن يدخل فيه أكتر من علاج حسب حالة الأسنان فمثلا ممكن يحتاج لحشو الأسنان قبلها وده اللي بيحدده الدكتور في الاستشارة – وتقدر تعرف حالة أسنانك وهتتكلف كام في عيادتنا وايت اند برايت من خلال الاستشارة المجانية.

إيه هي ابتسامة هوليود المؤقتة أو المتحركة؟

هوليود سمايل المتحركة معروفة بـ ابتسامة هوليود الفورية؛ لكنها مؤقتة وبتكون عبارة عن قالب لونه أبيض عن لون الأسنان الأصلية بدرجة أو اتنين؛ والقالب دا ممكن يتركب أو يتقلع في أي وقت زي ما الشخص يحب.

إيه هي هوليود سمايل الثابتة أو الدائمة؟

هوليود سمايل الدائمة هي استخدام الفينير (عدسات الاسنان) أو تركيب الأسنان الزيركون لعمل هوليود سمايل ودي من أشهر طرق عمل هوليود سمايل اللي بتستمر لسنين.

إيه العمر المناسب لعمل هوليود سمايل؟

في الحقيقة، مفيش عمر معين لهوليود سمايل، خصوصًا لو حالة الأسنان بتستدعي إجراء بسيط زي إزالة طبقة من الجير للوصول للأسنان البيضا الطبيعية، أو معالجة تباعد الأسنان، أو تعويض الأسنان المفقودة؛ لكن معظم دكاترة الأسنان وفي عيادتنا وايت أند برايت بننصح بينصحوا بعدم استخدام الفينير أو عدسات الأسنان لو الشخص أقل من 18 سنة.

 أسئلة مهمة عن الفينير

إيه هي قشور الأسنان ( الفينير) ؟

فيه ناس بتسميها عدسات الاسنان او الفينير و ناس بتسميها قشور الاسنان وده بسبب تكوينها، لأنها بتبقى عبارة عن قشور رقيقة مصنوعة من مادة الاي ماكس، والمادة دي عبارة عن نوع من السيراميك الصلب اللي حجم السمك ليه بيبدأ من 0.3 مللي. بتتلزق على سطح السِنَّه بصمغ كيميائي مخصوص، وتعتبر عدسات الاسنان أشهر علاجات الأسنان أو من اشهر مجالات تجميل الاسنان اللي بتعالج مشاكل تجميلية كبيرة وتؤدي لما يسمى أو معروف بابتسامة هوليوود وده بيكون من غير برد الأسنان، ولما بيتم وضع عدسات الاسنان اللاصقة دي القشور بتبقى دائمة ومينفعش تبدلها إلا عن طريق الدكتور.

ايه هي عدسات الاسنان اللومينير؟

 اللومينير تقدر تقول إنه نوع من انواع الفينير (اسم من الأسماء التجارية المشهورة)، لكن التركيبة الخاصة باللومنير بتتميز بإنها مصنوعة من مادة Cerinate. والمادة دي معروفة إنها قوية وشديدة التحمل. السُمك بيكون ارق من الفينير ولكن اللومينير بيحتاج لدقة ومهارة كبيرة فى التركيب لأنه طبقة رقيقة جداً، غير انه بياخد وقت كبير للتركيب، عشان كده أسعار اللومنيير في مصر وخارج مصر تقريباً بتكون ضعف أسعار فينير الاسنان، تقدر تعرف مقارنة أسعار في عيادتنا وايت أند برايت والأسعار في مصر من هنا.

إيه أنواع الفينير؟

فيه نوعين رئيسين للفينير:
1- الفينير المصنوع من البورسلين
وده اختيار مناسب للشخص اللي عايز قشرة اسنان مستمرة فترة طويلة ومش بتتصبغ بسهولة.
النوع ده بيتميز كمان بأن مظهره أقرب ما يكون للأسنان الطبيعية السليمة.
2. الفينير الرانتج المركب(Composite resin veneers)
النوع ده من الفينير بيلجأ ليه الشخص اللي مش عايز يفقد طبقة كبيرة من مينا الأسنان، وبيتميز بأن تكلفته أقل من الفينير المصنوع من البورسلين لكن بيكون أكثر عرضة للتصبغ من البورسلين

هل الفينير بيغطي الفجوات بين الأسنان؟

أيوه وده فعلا من أهداف و مميزات الفينير (قدرته على تغطية الفجوات بين الأسنان)

ينفع اركب فينير واحافظ على أسناني صحية سليمة؟

دايماً بيُنصح بالمحافظة على أسنان صحية وسليمة، ودكتور الأسنان الشاطر دايماً بيحاول يحقق التوازن بين الأسنان بشكلها الجميل وصحتها المثالية.

ينفع إزالة فينير الاسنان؟

من الأفضل لو حبيت تشيل فينير الأسنان تستعين بدكتور اسنان لأنه لو في عمل الفينير احتاج تقليم أو قص الأسنان الأساسية هيبقى صعب تزيلها بنفسك لأن الفينير هيكون بمثابة غطاء دائم لأسنانك الطبيعية.

إيه مميزات فينير الاسنان؟

مميزات فينير الاسنان كتيره من أهمهم
– مقاومة البقع ( لو اعتنيت بيها بشكل صحيح ومناسب)
– قوية ومتينة وبتدوم فترة طويلة.
– شكلها زي الطبيعية (مش بتبان مزيفة)
– بتحافظ على أكبر قدر من بنية الأسنان
-بالإضافة لانها سبب ابتسامة جميلة خالية من العيوب
– بتغطي فجوات الاسنان

هل فيه عيوب لفينير الاسنان؟

عيوب الفينير بتظهر في حالتين:
1- وجود مشاكل وضعف في اللثة عند الشخص اللي هيعمل فينيير وفي الحالة دي اختيار إنه يعمل فينير في المرحلة دي اختيار غير موفق.
2- الحالة التانيه بتتلخص في عدم الاعتناء بيها بالشكل الصحيح عن طريق الضغط وكحت الأسنان ببعض وده ممكن يؤدي لكسر قشرة الأسنان. أو عدم غسل الأسنان والمحافظة عليها اللي ممكن يؤدي للتسوس.

مدة استمرار الفينير؟

مدة استمرار الفينير بتتوقف على طريقة وكيفية اعتنائك بيها، لإن كل ما هتعتني باسنانك وتحافظ عليها كل ما هتدوم فترة أطول.

أكتر الأسئلة الشائعة عن مشاكل هوليود سمايل والفينيرز

هل الفينير بيخلي الأسنان أكبر؟

ممكن تستخدم فينير الاسنان لو عايز تخلي الأسنان صغيرة بالشكل اللي يتناسب مع باقي أسنانك الطبيعية، لكن الفينير مش بيخلي الأسنان تبان أكبر إلا لو في حالة زي إنك محتاج بالفينير تملى الفراغات اللي بين أسنانك ففي الحالة دي ممكن الأسنان تبقى أكبر بشكل بسيط وده هيعرفهولك الدكتور في الاستشارة أو الكشف قبل عمل الفينير.

هل ممكن القشرة تقع؟ ولو وقعت اعمل إيه؟

أولاً ده شيئ نادر جداً إنه يحصل ثانياً مفيش أي داعي للخوف، أول حاجة مطلوب منك تعملها إنك تدور على القشرة وتشيلها في مكان آمن ومتحاولش تركبها لنفسك، بعدها اتواصل بالعيادة اللي بتتعالج فيها وحدد معاد تقابل فيه الدكتور و هيعيد تركيبها مرة تانيه.

اسئلة هتيجي في بالك أول ما تقرر تعمل ابتسامة هوليود

ازاي اعرف إن هوليود سمايل مناسبة ليا؟

لو كنت بتدور على أسنان مثالية وانت اسنانك مكسورة أو فيها اعوجاج أو أسنان غير متساوية فابتسامة هوليود هي حل مثالي هيساعدك توصل لابتسامة مثالية تساعدك تثق في نفسك.
ولو كنت شخص مش بتعاني من أمراض اللثة وتسوس الأسنان فأنت شخص مثالي لعمل ابتسامة هوليود، لو بتعاني من حاجة منهم دكتور الأسنان المتخصص هيبقى قادر يساعدك تاخد قرار هل عمل هوليود سمايل مناسب لحالتك ولا لأ. استشر دكتور متخصص أونلاين (مجانًا)

ازاي بتدوم فترة طويلة؟

ابتسامة هوليود بتدوم فترة أطول كل ما بتعتني بيها وتحافظ عليها عن طريق الغسل بالفرشاة والتنظيف بالخيط وعدم الضغط على الأسنان وغيرها من طرق العناية.

ازاي بيتم عمل هوليود سمايل باستخدام عدسات الاسنان؟

ممكن يتم عمل ابتسامة هوليود باستخدام عدسات الأسنان زي الفينير أو اللومينير وده بيتطلب كذا حاجة منهم:
اختيار النوع المناسب لحالتك هل فينير ولا لومينير؟
اخد مقاسات الاسنان سواء حجم، شكل أو طول عشان تبقى العدسات خاصة ومناسبة بشكل كامل

ازاي الدكتور بيحدد أنسب طريقة لعمل هوليود سمايل؟

لازم تعرف أن مفيش طريقة أفضل من طريقة تانية لعمل هوليود سمايل وإنها حسب حالة الأسنان. وباختلاف كذا عامل زي:
لون البشرة الأصلي ولون الشفاه.
صحة اللثة وحجمها وشكلها.
درجة لون الأسنان الطبيعية.
طول الأسنان وحجمها.
عضلات الشفاه وحركتها أثناء الكلام والابتسامة.

هل العملية هتبقى مؤلمة؟

هوليود سمايل تعتبر عملية تجميلية أو علاج تجميلي للأسنان وعادةً بتكون مريحة وغير مؤلمة تمامًا، وممكن تتم تحت تأثير المخدر الموضعي والمريض مش هيحس بأي ألم يُذكر.

أكتر الأسئلة الشائعة “ما بعد هوليود سمايل”

ازاي هعتني بالفينير بعد عمل هوليود سمايل؟

الاعتناء بفينير الاسنان شبيه بالاعتناء بالأسنان الطبيعية يعني استخدام الفرشاة وتنظيف الأسنان بالخيط واختيار معجون أسنان مناسب ليك بالإضافة للحذر أثناء أكل الأطعمة الصلبة زي المكسرات.

هل بعد الفينير اسناني هتبقى حساسة أكتر؟

الفينير وهو بيتعمل بيتم إزالة طبقة بسيطة ورقيقة من المينا، بعد إزالة الطبقة دي من الممكن إن أسنانك تشعر بحساسية مع الأكل والمشروبات الساخنة والباردة وده بيكون لفترة صغيرة.

أسئلة تانية ممكن تكون شاغلة بالك عن ابتسامة هوليود

ازاي اعالج الأسنان الصفراء بطريقة غير الفينير ؟

من الأفضل الاستماع لنصيحة الدكتور في إجابة سؤال هل انت محتاج هوليود سمايل ولا ينفع تعمل بس تبييض للأسنان مثلاً وده هيقدر يحدده الدكتور حسب حالة اسنانك.استشر دكتور متخصص أونلاين (مجانًا)

هل الفينير هيخليني اختار أنواع أكل محددة؟

من مميزات الفينير إنه مش بيمنعك من الأكل لكن من الأفضل تبقى حريص عشان يستمر أطول فترة ممكنة. وإنك تبقى حريص ده معناه هتمارس حياتك عادي مع المحافظة على اسنانك والحذر لما تيجي تاكل مكسرات أو أطعمة صلبة وأكيد هتبعد عن الأطعمة اللي بتسبب تسوس الأسنان.
وخد بالك في الفترة اللي بعد الفينير على طول أسنانك هتتحسس مع المشروبات السخنة والباردة لكن ده لفترة مؤقتة

إيه الفرق بين الفينير والتيجان؟

التيجان بتغطي أسنانك وهدفها تعويض التلف اللي حصل في السِنَّة نتيجة تشققات أو كسور أو تسوس الأسنان والتيجان بدورها بتحافظ على الأسنان وترجعها تعمل وظيفتها الطبيعية. أما الفينير هو عبارة عن قشرة رقيقة بتبقى على الجزء الأمامي من السن وزي ما قولنا بيعالج مشاكل تجميلية في الأسنان.

إيه هي قشور البورسلين؟

 قشرة البورسلين هي نوع شائع جداً عبارة عن قشور خزفية رفيعة بتتناسب مع الأسنان الطبيعية الموجودة، وبتشبه الأسنان الطبيعية في شكلها النهائي هدفها تحسن اللون والحجم والشكل وسد الفجوات بين الأسنان.

اسئلة خاصة بالتكلفة والأسعار

كام سعر هوليود سمايل في عيادة وايت اند برايت ؟

اسعار هوليود سمايل في عيادتنا White & Bright Dental Center
16 سنة أمامية بـ 44 ألف جنيه.
20 سنة أمامية 55 ألف جنيه.
ملحوظة : أسعار هوليود سمايل في مصر مش ثابتة في كل العيادات لكن نقدر نحدد متوسط الأسعار حسب نوع الخامات المستخدمة.

كم سعر الفينير للسنة الواحدة؟

سعر الفينير للسنة الواحدة في عيادتنا White & Bright Dental Center
186$

اسئلة خاصة بعيادة White & Bright Dental Center

عايز اشوف حالات عملية لهوليود سمايل

من هنا تقدر تشوف الحالات العملية من عيادتنا قبل وبعد هوليود سمايل

مين الفريق الطبي ومنين اشوف رأي الناس فيهم؟

من هنا تقدر تتعرف على فريقنا الطبي وتشوف آراء عملائنا في شغلهم.

لو عندك أي اسئلة تانية تقدر دلوقتي تحجز استشارة مجانية في عيادتنا وايت اند برايت مع دكتور متخصص في تجميل الأسنان من هنا