أكتر 13 سؤال شائع عن تركيبات الأسنان وإجابات الدكاترة المتخصصين

by | Oct 20, 2021

تركيبات الأسنان بتستخدم لأنواع علاجات مختلفة. سواء علاج تجميلي وبيعالج مشاكل زي شكل تناسق الأسنان أو لونها أو علاج خاص بصحة الفم زي التسوس وفقد الأسنان وغيرها. في المقال ده هتلاقي أكتر 13 سؤال شائع عن تركيبات الأسنان وردود الدكاترة المختصين من عيادة وايت اند برايت White & Bright Dental Center.

اسئلة شائعة عن تركيبات الأسنان بشكل عام

1- إيه هي تركيبات الأسنان؟

نصائح من دكتور أسنان في القاهرة للاعتناء بصحة الأسنان - توقف عن طحن الأسنان.

1- إيه هي تركيبات الأسنان؟

هي عبارة عن أسنان صناعية بيتم تركيبها على السنة بهدف تعويض السنة المفقودة أو ترميم سنة متشققة أو مكسورة أو حماية السنة المتآكلة من الكسر أو السقوط أو لأهداف تانية تجميلية.
وبتكون عبارة عن أنواع وخامات مختلفة بيختار الدكتور المتخصص إيه أنسب نوع وخامة مناسبين ليك ولحالة أسنانك.

2- إيه فوائد تركيبات الأسنان؟

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

من أهم الأسباب اللي مخلية تركيبات الأسنان شائعة جداً الفترة الأخيرة هي شمول فوايدها ومميزاتها اللي من أهمها:
1- معظم فوايد زراعة الأسنان لكن بتكلفة أقل بكتير.
2- بتتعمل بدون جراحة وبدون ألم يذكر مقارنة بزراعة الأسنان.
3- بتساعد على مضغ الطعام والأكل بسهولة.
ومميزات من الجانب الشكلي أو التجميلي زي
1- تركيبات الأسنان بتعالج مشاكل تناسق الأسنان من حيث الحجم
2- علاج الفجوات بين الأسنان اللي بتسبب اختلاف الشكل
3- علاج مشاكل الكلام الناتجة عن خلل مخارج الحروف اللي سببته سقوط أو كسور الأسنان.
4- ابتسامة جميلة طبيعية ترجع للمريض ثقته بنفسه.
وكل ده غير مميزات تركيبات الأسنان المتعلقة بصحة الفم واللثة زي:
منع التهاب اللثة
لأن تركيبات الأسنان البديلة عن الأسنان المفقودة بسهولة بتمنع تكون البكتيريا الضارة في التجاويف بين الأسنان مكان السنة المفقودة، وده بيأدي للمحافظة على صحة اللثة من الأمراض والالتهابات.

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

3- ازاي اعرف إني محتاج تركيبات لأسناني؟

نصائح من دكتور أسنان في القاهرة للاعتناء بصحة الأسنان - توقف عن طحن الأسنان.

3- ازاي اعرف إني محتاج تركيبات لأسناني؟

فيه أكتر من 5 مشاكل أو علامات يقولولك إنك محتاج تركيبات لأسنانك 

1-فقدت سنة أو أكتر من أسنانك (حتى لو الأسنان كلها) 

2-كسور الأسنان:
تركيبات الأسنان بتفدر تحمي الأسنان بالشكل اللي يمنع تطور المشكلة لتسوس الأسنان أو فقدان السنة بشكل كامل. عشان كده لو فيه كسر في أسنانك ومفيش حلول تجميلية مناسبة ليك ولحالة أسنانك بتعتبر تركيبات الأسنان حل مثالي.

3-تسوس الأسنان:
من الحلول المثالية في حالة التسوس هو الحشو، لكن أوقات بتكون السنة محتاجة حشو كبير للأسنان فبيفضل الجزء الباقي من السنة ضعيف ومُعرض للكسر. في الحالة دي تركيبات الأسنان بتحميه من الكسر أو السقوط.

4-مشكلة في شكل الأسنان:
سواء في التناسق أو الحجم أو مشكلة في لون الأسنان بسبب بقع وتصبغات الأسنان الناتج عن عدم العناية بالأسنان بشكل صحيح. 

5-وجود أسنان متآكلة:
تآكل الأسنان ليها أسباب كتيرة منها المرضي أو الطبي ومنها اللي بسبب تكرار عادات روتينية تضر الأسنان بشكل روتيني ويومي زي الجز على الأسنان أو قضم الأظافر أو استخدام الأسنان في فتح العلب والأكياس الصلبة وغيرها، العادات دي مع الأسف بتعتبر هجوم على مينا الأسنان اللي بتأدي لتآكل الأسنان ومنها كسور الأسنان ومنها فقد الأسنان بشكل كامل. 

 

 في علامات أكتر وأحياناً بتبقى محتاج تركيبات الأسنان ومش بتلاقي علامات أو أعراض واضحة، عشان كده الفحص الدوري للأسنان عند دكتور متخصص بيقدر يكتشف المشكلة أحياناً قبل ما أعراضها تظهر وبالتالي بيعالجها بأسرع وأفضل طريقة ممكنة. 

تقدر دلوقتي تحجز استشارة مجانية في تركيبات الأسنان مع أحد دكاترة عيادة وايت اند برايت المتخصصين White & Bright Dental Center 

4-امتى تكون تركيب الاسنان هي الحل الأمثل بالنسبالك؟

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

زراعة الأسنان أحياناً بتبقى حل مثالي لفقد الأسنان، لكن أحياناً تانية في بعض الحالات حسب حالة المريض الصحية وحالة أسنانه بيبقى زراعة الأسنان ليها هتسبب خطورة أكبر على المريض
في الحالة دي علاج فقدان الأسنان عن طريق تركيبات الأسنان هو حل مثالي وضروري
خد بالك لما شخص بيخلع أسنان و بيسيب مكانها فاضي لفترة كبيرة بدون زرعة أو تركيبة، العظام اللي بتسند خدود و شفايف الشخص ده بتبدأ تتآكل، و ده بدوره بيغير في المظهر الخارجي للشخص و بيخليه يبان أكبر من سنه ( بالعامية: شكل وشه بيكرمش )

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

5- إيه أنواع تركيبات الأسنان؟

نصائح من دكتور أسنان في القاهرة للاعتناء بصحة الأسنان - توقف عن طحن الأسنان.

5- إيه أنواع تركيبات الأسنان؟

تركيبات الأسنان بشكل أساسي هي عبارة عن نوعين، تركيبات ثابتة و تركيبات متحركة. التركيبات الثابتة عبارة عن تيجان وجسور ثابتة.
أما التركيبات المتحركة بتكون عبارة عن أطقم جزيئية أو أطقم كاملة.
اختيار أي نوع من الاربعة أو من الاتنين الأساسيين بيكون على حسب حالتك الصحية وحسب حالة أسنانك وده اللي بيساعدك في تحديده هو دكتور الأسنان المتخصص.

اسئلة شائعة عن تركيبات الأسنان الثابتة

إيه هي التركيبات الثابتة؟

التركيبات الثابتة هي ببساطة عبارة عن تركيبة صناعية هدفها تعويض سنة مفقودة أو ترميم سنة متشققة أو مكسورة أو تغطية سنة مشوهة من حيث الشكل بسبب تصبغات أو بقع للأسنان
وبما إنها تركيبات ثابتة فهي مش هينفع تشيلها إلا عن طريق الدكتور المتخصص.

إيه أضرار التركيبات الثابتة؟

التركيبات الثابتة مبيحصلش نتيجتها شكاوي خطيرة من المرضى، لكن فيه احتمالية لوجود ألم أثناء أو بعد التركيبة وده بيكون سببه مشكلة في التخدير. بالنسبة في عيادتنا وايت اند برايت White & Bright Dental Center مش بيحصل الضرر ده كمان لإننا بنستخدم المخدر بشكل مناسب وصحيح وعن طريق أقوي و أفضل نوع من أنواع المخدر الموضعي أثناء العملية، وبعد العملية هيكون من الأفضل ليك إنك تستخدم المسكنات اللي هيكتبهالك الدكتور حسب حالتك الصحية وحالة أسنانك.

هل تركيبات الأسنان بتعمل حساسية في الأسنان؟

برد الأسنان اللي بيحصل قبل تركيبات الأسنان بيسبب حساسية للأسنان لكن بشكل مؤقت في مدة من يومين لشهر بحد أقصى ،وأثناءها المريض بيحس بألم نتيجة أكل أو شرب حاجات سخنة جداً أو ساقعة جداً.
ملحوظة: لو مدة الحساسية زادت عن شهر من الأفضل زيارة الدكتور المتخصص لأن فيه احتمال يكون فيه مشكلة جديدة في الأسنان أو وجود مشكلة في التركيبة.
عشان كده دايماً بننصح لو قررت تعمل تركيبات لأسنانك من المهم جداً الدقة في اختيار الدكتور المناسب سواء من عيادة وايت اند برايت White & Bright Dental Center أو غيرها من العيادات المضمونة.

ازاي اعتني تركيبات الأسنان الثابتة؟

التركيبات الثابتة عشان تستمر فترة أطول بتحتاج عناية يومية. ومن ميزة العناية بالتركيبات الثابتة إنها تقريباً نفس خطوات ونصايح العناية بالأسنان الطبيعية زي : (غسل الأسنان بفرشاة ناعمة ومعجون مناسب، تنظيف الأسنان من بقايا الطعام بالخيط الطبي، التخفيف من الأطعمة الحامضية والملونة، تقليل الشاي والقهوة والكافيين عموماً، التوقف عن أكل السكريات بشكل كبير، التوقف عن التدخين وغيرهم)

اسئلة شائعة عن تركيبات الأسنان المتحركة

إيه هي التركيبات المتحركة؟

هي نوع أساسي من أنواع تركيبات الأسنان بتتميز بإنها سهل تتخلع وتتركب يدوي، بتستخدم في حالة فقد ضرس أو سنة أو عدد من الأسنان والضروس أو كل الأسنان. وهي عبارة عن قاعدة معدنية ولثة صناعية. درجة ثباتها بتعتمد على درجة التصاقها باللثة.
بننصح طبعاً بالعناية بيها واهتمام من نوع خاص وبشكل مستمر عشان تحافظ عليها وعلى صحة فمك بشكل عام.

إيه أضرار التركيبات المتحركة؟

(معظم أضرار التركيبات المتحركة تأثيرها السلبي على نفسية بعض المرضى) لأن شكلها بيعبر عن التقدم في السن وإنها ممكن تتحرك أثناء مضغ الطعام أو الكلام غير إن فيه بعض المرضى بيشتكوا إن حجمها كبير أو إنها تقيلة.
فيه اضرار تانية زي مشاكل اللثة ولكن دي بتحصل بس في حالة عدم الاعتناء بالتركيبة وبنظافتها.

امتى تركيبات الأسنان المتحركة تكون حل مناسب؟

تركيبات الأسنان المتحركة عادة بيستخدمها كبار السن بعد فقد معظم الأسنان، ومرضى السكري اللي الدكتور بيمنعهم من عمل التركيبات الثابتة.

ازاي اعتني بـ التركيبات المتحركة؟

تركيبات الأسنان المتحركة بتحتاج عناية مستمرة واهتمام من نوع خاص عشان متسببش مشاكل للمريض زي مشاكل اللثة. ومن أهم خطوات العناية بالتركيبات المتحركة:

غسل التركيبة بفرشاة ومعجون مناسبين لتركيبات الأسنان المتحركة.
تنظيف اللثة وسقف الحلق بفرشاة ناعمة لتجنب أمراض ومشاكل اللثة اللي منها التهاب اللثة.
لتجنب الجفاف من الأفضل ترك التركيبة في كوباية ميه كل يوم قبل النوم.
نقع التركيبة اسبوعياً لمدة 7 أو 8 ساعات في محلول طبي.
التقليل من أكل الحلويات والسكريات
تجنب المشروبات الغازية
تجنب الأطعمة الصلبة زي المكسرات.