أهم المعلومات وأكتر الأسئلة الشائعة عن تبييض الأسنان
تجميل وتبييض الأسنان للحصول على ابتسامة جميلة ومشرقة كان في وقت من الأوقات يعتبر رفاهية وترف وبعض الناس بس اللي مهتمة تعمله. لكن مؤخراً بقى شيء أساسي مع الغالبية من الناس الأنه بيزود ثقتهم بنفسهم، وده بتعود نتيجته بشكل إيجابي على جوانب كتيرة في حياتهم. ومن الأسباب التانية اللي شجعت الناس على تبييض الاسنان هي إن تكلفته مش غالية و نتيجته واضحة وسريعة.
إيه هو تبييض الأسنان؟ وإيه الفرق بينه وبين تنظيف الأسنان؟
|
تبييض الأسنان |
تنظيف الأسنان | |
| من حيث التعريف | تبييض الأسنان هو إجراء هدفه تفتيح لون الأسنان الموجود لعدة درجات بدون إزالة سطح الأسنان، وهدفه إزالة التصبغات الناتجة عن العوامل البيئية المختلفة. | تنظيف الأسنان بيتم من خلال دكتور متخصص بيعمل إزالة للجير والبكتيريا المتراكمة على الأسنان، وهدفه تحسين صحة الفم وحماية اللثة من الالتهابات وأمراض الفم. |
| من حيث الكيفية | كيفية تبييض الأسنان بتختلف باختلاف الطريقة اللي الدكتور قرر إنه هيعمل بيها تبييض الأسنان. واللي منها: التبييض بالليزر ودي بتاخد ساعة تقريباً مع اشتراط المتابعة مع الدكتور فترة بعدها بمتوسط شهرين. أو التبييض باستخدام الجهاز والجل أو التبييض باستخدام أدوات تانية زي شرائح التبييض والمعاجين المتخصصة وغيرها من الطرق و
|
تنظيف الأسنان في عيادات الأسنان بيتم على خطوات زي: 1- فحص الأسنان والتأكد من عدم وجود مشكلات خاصة بصحة الفم أو اللثة. 2- إزالة الجير والبلاك والبكتيريا المتراكمة عن طريق أداة كشط. 3- تنظيف الأسنان باستخدام معجون أسنان متخصص و فرشاة كهربية عالية. 4- تنظيف الأسنان بالخيط. 5- استخدام الفلورايد في شطف وغسل الأسنان للتأكد من إزالة كل بقايا الأكل بين الأسنان وللوقاية من تسوس الأسنان. |
| من حيث الفوائد | من أهم فوائد التبييض: 1- ابتسامة جميلة ومشرقة وده هدفه الأساسي. 2- الثقة بالنفس الناتجة عن الابتسامة دي. 3- المحافظة على صحة الفم. |
من أهم فوائد تنظيف الأسنان : 1- العناية بصحة الفم. 2- الوقاية من التهاب اللثة. 3- اكتشاف مشاكل الفم زي تسوس الأسنان بشكل مبكر. |
هل تبييض الأسنان بيضر الأسنان واللثة؟
فيه بعض الآثار الجانبية اللي ممكن تنتج عن تبييض الأسنان بعضها بيستمر لفترة مؤقتة بعد التبييض مباشرة وبعدها بيحتاج عناية مستمرة بالأسنان عشان يختفي.
أضرار تبييض الأسنان
3- ضعف في طبقة مينا الأسنان ودي احنا الدكاتره في عيادة وايت اند برايت (White & Bright Dental Center) بنوضحولك درجتها بالنسبالك وبنقولك ازاي تعالجها وتقويها.
2- القضاء على بعض البكتيريا المفيدة الموجودة في الفم أثناء التخلص من البكتيريا الضارة والجير المتراكم على الأسنان.
1- حساسية الأسنان تجاه الأكل والشرب السخن جداً أو البارد جداً ودي مش حاجة خطيرة وبتكون مؤقتة بعد التبييض.
ازاي احمي نفسي من أضرار تبييض الأسنان؟
فيه بعض النصائح والطرق الوقائية اللي بتساعدك تقلل أضرار تبييض الأسنان منها:
1- استخدام معجون أسنان بيحتوي على الفلورايد.
2- العناية والاهتمام بنظافة الأسنان عن طريق غسلها بالفرشاة والمعجون.
3- الابتعاد عن التدخين والمشروبات الغازية ومشروبات الطاقة.
بالنسبة للطبيب المُعالج
1- التأكد من عدم وجود أضرار في المواد المستخدمة للتبييض.
2- التقليل من مادة بيروكسيد الهيدروجين في التبييض حتى لو هيقلل من فعالية التبييض بشكل بسيط.
التبييض بيستمر مدة قد إيه ؟
في البداية تبييض الأسنان عشان يحقق كل نتيجته ولمدة أكبر ده بيختلف من شخص للتاني من حيث اعتناء كل واحد فيهم بأسنانه. لكن المؤكد إنه مش بيستمر مدى الحياة إنما ممكن يستمر 3 شهور وممكن لمدة 3 سنوات زي ما قولتلك حسب اهتمام الشخص.
إيه العوامل المؤثرة على استمرار تبييض الأسنان ؟
العوامل المؤثرة على استمرار نتيجة التبييض معظمها متعلق بالعناية بالأسنان الطبيعية، واللي لما مش بتحصل بتتسبب في اصفرار الأسنان بالشكل اللي بيحتاج تبييض الأسنان وهكذا
من العوامل دي :
1- الابتعاد عن السكريات والمشروبات الغازية ومشروبات الطاقة لإنها بتضعف مينا الأسنان.
2- الابتعاد عن مشروبات الكافيين لإنها بتسبب تصبغات الأسنان.
3- التوقف عن التدخين لإنه بيأثر بشكل كبير على لون الأسنان بخلاف كل الأمراض اللي ممكن يسببها لصحة الفم واللي بتوصل لسرطان اللثة.
4- غسل الأسنان وتنظيفها باستخدام فرشاة ناعمة ومعجون مناسب وباستخدام خيط التنظيف الطبي.
5- تناول الأطعمة المفيدة لصحة الأسنان وبتقي من التصبغات زي التفاح واللبن والأجبان.
إيه الحالات اللي لا يُفضل فيها عمل تبييض للأسنان؟
فيه بعض الحالات لا يُنصح فيها بعمل التبييض للأسنان لتجنب أو تفادي الأضرار اللي ممكن تحصل و اتكلمنا عنها أو لأن النتيجة هتكون غير فعّالة بشكل كبير على سبيل المثال:
- الأطفال: وده لانهم لسه في مرحلة النمو والتبييض ممكن يأثر قوة وصحة أسنانهم.
- المصابين بحساسية شديدة في أسنانهم فتبييض الأسنان هيزود الحساسية دي وهيسببلهم ألم أكبر ولو بشكل مؤقت. في الحالة دي بيُنصح بعلاج حساسية الأسنان الأول.
- الأشخاص المصابين بالتهاب اللثة، وفي الحلة دي كمان من الأفضل معالجة التهاب اللثة الأول عشان ميزودش التبييض من الالتهابات والمشاكل في اللثة والفم.
دوس هنا و احجز كشف واعرف حالة أسنانك
5 معلومات أساسية لازم تبقى عارفهم لو هتعمل تبييض لأسنانك.
1- مفيش تبييض أسنان بيدوم مدى الحياة
2- تبييض الأسنان مش بيوصل أسنان كل الأشخاص لأسنان ناصعة البياض لكن هو بيفتح اللون الموجود لبعض الدرجات.
3-تبييض الأسنان آمن وبيحقق نتيجة كويسة جداً لإنه بيحقق ابتسامة مشرقة وثقة عالية.
4- تبييض الأسنان رغم سهولته وإنه إجراء بسيط إلا إنه مش مناسب لكل الناس وبشكل أساسي الدكتور المتخصص هو اللي بيقدر يحدد هل هو مناسب للحالة أسنانك ولا لأ.
5- تبييض الأسنان إجراء سهل لكن ممكن يكون مؤلم بشكل بسيط وحسب حالة الأسنان.
- تقدر تحجز كشف على اسنانك مع أحد دكاترة عيادة وايت اند برايت المتخصصين
أهم الاسئلة الشائعة حول تبييض الأسنان
ينفع اعمل تبييض للأسنان أثناء فترة الحمل؟
من الأفضل تأجيل تبييض الأسنان في الحالة دي وده للاحتياط والمحافظة على صحة الأم والجنين وتجنب الألم (تأجيله بعد الحمل والرضاعة كمان)
فيه مراكز تجميل وأماكن بتقدم عروض رخيصة لتبييض الأسنان هل هي مناسبة؟
متثقش في عروض التبييض الرخيصة خصوصاً من الأماكن الغير طبية أو الغير موثوق فيها بشكل عام، لأنه من الوارد استخدام مواد وخامات في التبييض تضر بصحة الأسنان بشكل كامل.
هل ينفع اجيب مادة تبييض الاسنان دي و اعملها في البيت ؟
دي تبقى أكبر غلطة غلطتها في حق أسنانك، لإنك ممكن تسببلها كارثة. إشراف الدكتور المتخصص بيقدر منه يحدد حالة أسنانك وبالتالي هيقدر يختار طريقة التبييض الأنسب لحالتك ده غير إن تركيزات المواد المستخدمة في التبييض الغلط فيها حاجة مش سهلة. فبرغم من توافر المقالات والفيديوهات اللي بتشرح ازاي تعمل تبييض كميائي لأسنانك في البيت إلا إن الغلطات اللي وارد جداً تحصل ممكن تسبب ضرر لمينا الأسنان، تكوين بقع بيضلء، تقرحات في الفم، مشاكل في اللثة وغيرها، عشان كده لازم يكون تبييض الأسنان الكيميائي تحت إشراف دكتور متخصص.
هل الكافيين بيمنع اني اعمل تبييض لأسناني؟
في الحقيقة هو مش بيمنعك لكن تقدر تقول إنه بيقلل الفترة اللي التبييض هايستمر معاك فيها بسبب إن المشروبات اللي فيها الكافيين بتيكون فيها نسبة تصبغات عالية فبالتالي بتأثر علي نتيجة تبييض الأسنان. فتقدر تقول كده انه بيقصر من عمر عملية التبييض اللي حصلت في أسنانك.
و لأن أسعار تبييض الاسنان بتكون عالية مقارنةً بأسعار تنظيف الجير، احنا بنحذر حالات التبييض اللي بتيجي العيادة من أكل أو شرب كل مشتقات الكافيين اللي أهمها القهوة بكل انواعها.
ينفع اعمل تبييض لأسناني وانا مدخن؟
اه ينفع بس بعدها بيتم استخدام القوالب المنزلية لانها بتساعد على استمرارية درجة التبييض اللي وصلت ليها الاسنان
بعد كده بيتم تنظيف وتلميع الأسنان كل 3 شهور … وطبعا بيتمنع المشروبات اللي بتسبب تلون في الاسنان زي الشاى والقهوة والبيبسي لمدة ٣ أيام
اخر مقالاتنا
