2021 اسعار فينير الاسنان في مصر

بواسطة | يوليو 24, 2021

دكتور احمد السيد بيرد على كل اسئلتكم بخصوص اسعار فينير الاسنان في مصر و ليه في اختلاف في سعر الفينير المتحرك عن سعر الفينير الثابت.

و لو محتاج تعرف تفاصيل اكتر عن سعر فينير الاسنان و الفرق بين تجميل الاسنان بالفينير وتجميل الاسنان باللومينير، اعرف تفاصيل أكتر من هنا: 

أما لو عاوز تعرف مكان عيادتنا White and Bright Dental Center هتلاقيه هنا: 

 

 :اختلاف اسعار فينير الاسنان في مصر بيختلف بسبب عوامل كتير منها

 

أولًا: اسباب تخص طبيب الاسنان

خبرة طبيب الأسنان في تركيب الفينير تتمثل في عدد الحالات الناجحة اللي قام بيها، واتُعتبر احد اسباب اختلاف السعر .

 

ثانيًا: الخطة العلاجية المناسبة في تركيب الفينير حسب حالة الأسنان

العامل الاول:  الطريقة أو التقنية التكنولوجية اللي بيتم استخدامها في تركيب الفينير والمعروفة بـ

 Digital smile design 

بتفرق في سعر الفينير، لأن كلما كانت التقنية المستخدمة حديثة ومتطورة و طبيب الاسنان قدر يوظفها ويستخدمها بمهارة عالية، كلما انعكس على المظهر الخارجي للأسنان بعد تركيب الفينير.

 

:العامل الثاني اللي بيفرق في تكلفة الفينير الكلية هو

 عمل ديزاين لشكل أسنان المريض بالفينير قبل التركيب، لأن التقنيات الحديثة مش بس بتساعد طبيب الاسنان في تركيب فينير الاسنان بمهارة ودقة عالية، لكن كمان بتساعد المريض في تخيل شكل أسنانه قبل تركيب الفينير من خلال النموذج المصور او ال mokeup

 

ثالثًا: الخامات والأجهزة المستخدمة في عمل فينير الاسنان

 … خامات فينير الاسنان على حسب نوع الفينير ومدى جودته

يعني سعر الفينير المتحرك في مصر بيختلف عن سعر الفينير الثابت في مصر بسبب اختلاف جودة الخامات . من رديء لجيد جدًا أو لنوع ممتاز تكلفته عالية

 

رابعًا: جودة الخدمة والخامات المستخدمة في المعمل لعمل الفينير

اسعار الفينير في مصر و خارجها بتختلف حسب جودة و سرعة المعمل اللي بينفذ تركيبة الفينير حسب المواصفات والمقاسات المحددة من طبيب الاسنان؛ و اسعار الخامات هنا بتختلف على حسب بلد المنشأ والشركة المصنعة، يعني جودة و سعر فينير الاسنان الامريكي يختلف عن جودة و سعر فينير الأسنان الألماني.

 

خامسًا: اختلاف حالة الأسنان من شخص لآخر.

اختلاف حالة الأسنان و درجة التكامل بين قفل الفكين مع بعضها واختلاف عضة الفك للمريض، كل دي عوامل بتفرق في الإجراءات الطبية و عدد الجلسات اللي بيحتاجها المريض لتركيب فينير الاسنان.

 

سادسًا: اختلاف صحة اللثة من شخص لآخر.

 من شروط تركيب فينير الاسنان هو أن صحة اللثة تكون جيدة ومش بتعاني من أي حساسية أو تورم، لأن تركيب الفينير بيحتاج لبرد مساحة صغيرة جدًا حوالي 0.2 مللي من الطبقة الخارجية للأسنان المعروفة بمينا الاسنان، و برد الـ 0.2 مللي بيسببوا حساسية للثة ويجب الانتظار كام يوم لحد ما يتم شفاء اللثة وبعدها يبدأ في تركيب فينير الاسنان.

 

لكن هل تركيب لومينير الاسنان بيحتاج برد للاسنان زي تركيب الفينير؟

لا، اللومينير هو نوع آخر من انواع عدسات الاسنان، بيشبه الفينير في الوظيفة لأن الاتنين بيتم استخدامهم في

علاج سن مكسور

علاج فراغات بين الاسنان

إضافة مظهر جمالي ولون اسنان ابيض جذاب للعين وابتسامة مثالية مشهورة بابتسامة هوليود.

لكن اللومينير بيتفوق على الفينير في متانته و قوة تحمله وأنه بيدوم لمدة أطول شوية عن مدة الفينير، وبالتالي بناء على المميزات دي فالمعروف أن سعر اللومينير بيكون أغلى من سعر الفينير.

 

ايه الخطوات اللي ممكن تتوقعها لتركيب فينير الاسنان؟

 

 مرحلة التقييم: دي أول زيارة لطبيب الاسنان واللي فيها الطبيب بيقيم حالة الاسنان المريض ويشوف محتاج أي اجراءات طبية قبل تركيب فينير الاسنان زي حشو العصب او علاج تسوس الاسنان.

 

عند وجود بعض مشاكل الاسنان السابقة، طبيب الاسنان بيعالج المشاكل دي الأول وبعد كدا يتنقل لخطوة تحديد الوان ومقاسات عدسات الاسنان المناسبة لأسنان المريض

 مرحلة البروفة: الزيارة دي بيجرب المريض عدسات الاسنان سواء الفينير او اللومينير، وبيتأكد طبيب الاسنان و المريض أن العدسات مناسبة لحجم و طول الاسنان و لونها مناسب مع لون الاسنان الاصلي و لون البشرة و لون العين أو لأ ولسه العدسات محتاجة تعديل قبل تركيب العدسات بشكل نهائي.

 

 مرحلة التسليم: خطوة تركيب العدسات بشكل نهائي وبتكون الزيارة الأخيرة لـ طبيب الاسنان في عيادات اسنان كتير، لكن في عيادتنا White and Bright Dental Center بنقدملك متابعة مستمرة بعد تركيب العدسات وضمان 7 سنين على العدسات.

 

 امتى اعمل فينير؟

استخدام الفينير بيمكّن الدكتور من  تغيير لون وشكل الاسنان بالمناسب مع ضحكة الشخص ولون البشرة والعين واعادة ترتيب الأسنان وبالتالي العضة بتكون عضة مثالية

ميزة الفينير أن نتيجته سريعة تبدأ من 48 ساعة وحتى أسبوع ويبتدي المريض يلاحظ فرق في شكل أسنانه

 

ملحوظة: يُنصح بعدم استخدام الفينير لأقل من 18 سنة

 

أيه هو اللومينير وايه مميزاته 

1- مش هيحتاج لتخدير الفم مع اللومينير.

2- مش هيضطر لبرد الاسنان وإزالة طبقة من المينا.

3- النتيجة النهائية اقرب للشكل الطبيعي الصحي للأسنان.

4- أقوى من حيث التركيب

5- لو فكر الشخص في إزالة اللومينير لأي سبب كان، مش هيحتاج لتركيب طبقات أخرى من اللومينير أو الفينير لأن الأسنان هتكون محافظة بدرجة كبيرة على شكلها السابق قبل تركيب اللومينير.

 

ايه عيوب اللومينير والفينير؟

العيوب بتتشابه من حيث:

1- بتسبب عدوى والتهاب اللثة في حالة استخدام نوع رديء سواء من الفينير أو اللومينير.

2- ريحة فم سيئة بسبب تراكم بقايا الطعام والبكتيريا تحت التركيب في حالة اهمال نضافة الاسنان اليومية.

3- تراكم البكتيريا تحت التركيب بيسبب تسوس الاسنان مع ألم شديد في حالة التهاب العصب.