في الانفوجرافيك ده هتقدر تتعرف علي اعراض جفاف الفم و هتقدر تعرف طرق الوقايه منه و ايه افضل طرق العلاج ، يعني تقدر تقول انك هتلاقي هنا كل حاجه انت محتاجك تعرفها عن جفاف الفم

لو عندك اي اسئله ليها علاقه بجفاف الفم او باي حاجه تانيه ليها علاقة بالاسنان و اللثه تقدر تكتبلنا تعليقك هنا او علي صفحتنا علي الـFacebook

لو بتشوف الإنفوجرافيك دا من الموبيل فأحسن طريقة إنك تعمل Rotate

محتوى المقال الكامل:


تقدر تدوس على العنوان اللي عايز تعرف أكتر عنه وهيوصلك للمعلومة اللي عايز تعرفها بسرعة

w

إيه هو جفاف الفم

جفاف الفم هو عبارة عن نقص في كمية السائل اللعابي اللي بيتفرز من الغدد اللعابية على مدار اليوم، سواء كانت غدد اللعابية الرئيسية أو ثانوية اللي بتكون موجودة في التجويف الفمي، علشان كده بيكون فيه أنواع من جفاف الفم بيختلف النوع باختلاف درجات النقص في السائل اللعابي.

ملحوظة : جفاف الفم أمر طبيعى لو كنت مش بتشرب مياه بشكل كافي، أو بتحس بالتوتر أو القلق كتير هيخليك تتنفس اكتر عن طريق الفم، فيتبخر اللعاب بسرعة.

بس اول لما تحس ان اللعاب قلّ او زي ما بنسميه (ريقك نشف) بتبدأ الأعراض تظهر و اللي بتثبت ان الأمر شكله كده مش العادي ، وغالباً مش هتكون واخد بالك من الأعراض في الأول، بس هتبدأ تحس بيها بعد فترة..زى انك تحس بتغير  في طعم الأكل ومتكونش قادر تستطعم الأكل زي الأول، او انك كون بتبلع الأكل بصعوبة، ده غير انه هيصاحب كل ده مشاكل في اللثة زي تغير لون اللثة ونزيف اللثة، ومشاكل في الأسنان زي التسوس، وممكن الموضوع يوصل لحد صعوبة الكلام، وده كله بسبب جفاف الفم.

وهنا بيجي دور اللعاب اللي بيحتوي على مياه موجود فيها مواد وإنزيمات هاضمة وبتقتل الميكروبات بس خد بالك جفاف الفم هو عبارة عن علامة أو عرض لمرض بيأثر على إفراز الغدد اللعابية، وجفاف الفم فيه منه نوعين

أنواع جفاف الفم

Z

جفاف الفم المؤقت

زي العوامل النفسية والتقدم في العمر، والاكتئاب،
وسن اليأس عند السيدات

Z

جفاف الفم الدائم

زي الأسباب الخلقية اللي بتمنع تكوّن الغدد اللعابية، او بسبب مشكلة في أسلوب الغذاء
زي مرضى السكر اللي لازم يحافظوا على مستوى السكر في الدم

90%

من الأشخاص المصابين بجفاف الفم بيكون السبب الرئيسي  في إصابتهم هو اللسان، لأن اللعاب مش بيوصل للمنطقة الأخيرة في اللسان،  فبتزيد فرص الجفاف
فتتكاثر البكتيريا اللي بتعمل في الآخر رائحة نفس كريهة
White & Bright Dental Center

علشان كده قبل العلاج لازم تكون عارف كويس ايه سبب  جفاف الفم، وهل ليه علاقة بأدوية تانية الشخص بياخدها ولا لأ واللى بيقدر يحدد كل ده هو الدكتور زود على كده كمان انك لما بتغسل اسنانك اصلا مبتكونش قادر توصل بالفرشاة للمنطقة دي، فيترسب عليها بقايا الأكل، ومع اول نزلة برد بتلاقى التعب كله ظهر ورائحة النفس تظهر اكتر، وكمان افرازات البلعوم بتنزل على المنطقة الخلفية من اللسان وتترسب الافرازات دي عليها وتزيد رائحة النفس الكريهة اكتر واكتر. ووقتها هتعرف أهمية انك تجيب فرشاة مخصوص للسانك وتستخدمها يومياً.

ليه تشتري فرشاة للسانك مختلفة عن فرشة الاسنان؟

متستغربش ان فيه فرشاة تانية المفروض تكون بتستخدمها يومياً، هنقولك ليه فرشاة الأسنان مش مناسبة للسان  اللسانالفرشاة العادية مش هتكون قادرة انها تنظف اللسان من الجراثيم، بالعكس..ده انت لو استخدمت الفرشاة العادية هتكون بتعيد توزيع مكان البكتيريا بس اللسان بيكون فيه حلمات علشان تقدر تتذوق من خلالها، وبتكون خفيفة وحساسه جداً والفرشاة العادية مهما كانت شعيراتها ناعمه فهي مصممة علشان تتعامل مع عظم (اللي هي الأسنان)، علشان كده بننصحك انك تجيب فرشتين، واحده للأسنان، والثانية للسان، وفيه أنواع من فرشاة الأسنان هتلاقي فيها الفرشتين..كل واحده من ناحية، ومعجون الأسنان ممكن تستخدمه لتنظيف الأسنان واللسان.

ملحوظة مهمة laughing: لو هتستخدم الفرشاة المزدوجة للأسنان وللسان سيب تنظيف اللسان للآخر

فوائد اللعاب

نرجع للعاب، لما بتقل نسبته في الفم بيسبب جفاف الفم هو جزء مهم جداً وله دور مهم جداً في صحة الفم، وصحة الجسم ككل، لأن تركيبه فيه مواد مهمه بيحتاجها الجسم علشان يهضم الأكل، ومن ضمن أهمية اللعاب:

أهمية اللعاب

  1. بيحافظ على رطوبة الفم و رائحته
  2. بيساعد على التذوق و المضغ و البلع
  3. بيقتل البكتريا الموجودة في الفم
  4. يمتلك بروتينات و معادن بتحافظ على
    أولا طبقة مينا الأسنان
    ثانيا بتحافظ على الأسنان من التسوس
    ثالثا بتحافظ على الفم من أمراض اللثه

زي ما وضحنا ان قلة اللعاب في الفم هي عرض لمرض ما، لكن كمان فيه أنواع من الأدوية بتكون السبب في تقليل كمية اللعاب في الفم، ، زي التهاب أنسجة الفم، وتسوس الأسنان، وأمراض اللثة

15

 نوع علاج بيسبب جفاف للفم

أكتر من 400 اسم دواء بيسببوا جفاف الفم دول 14 نوع منهم

  1. مضادات الهيستامين لعلاج الحساسية
  2. مضادات الاكتئاب
  3. مضادات الذهان / مهدئ الاعصاب
  4. أدوية مرض باركنسون/الرعّاش
  5. أدوية مرض الزهايمر
  6. أجهزة الاستنشاق للرئة
  7. بعض أدوية ضغط الدم و القلب
  8. أدوية ضبط ضربات القلب، ومدرات البول / أدوية الصرع
  9. آيزوتريتينوين (اللي بيعالج حب الشباب)
  10. الأدوية المضادة للقلق
  11. الأدوية المضادة للغثيان والأدوية المضادة للإسهال
  12. الأدوية المخدرة للألم
  13. سكوبولامين (بتمنع دوار الحركة)
  14. الأدوية المضادة للتشنج
  15. أدوية احتقان الأنف: الأدوية دي بتشتغل على انها تعمل تقلص في الأوعية الدموية في الأغشية المخاطية علشان توقف الالتهابات، فبالتالي تتأثر الغدد اللعابية بسبب تأثر الأغشية المخاطية.
w

أعراض جفاف الفم

Z

بقيت بتتنفس بصعوبة

Z

زيادة التهابات اللثة

Z

التهابات في الغدد المسؤولة عن إفراز اللعاب

Z

عندك مشكلة في انك تتكلم او تاكل او تذوق او تبلع

Z

رائحة نفس كريهة

Z

تغيير في تكوين اللعاب، واصبح لزج أكتر

Z

بدأ الشفتين يتشققوا، وبدأت تحس بتقرحات فى الفم

Z

تحس  بجفاف في الممرات الأنفية

Z

تقرحات بدأت تظهر في اللسان

Z

بحّة في الصوت ووجع في الحنجرة

Z

تسوس الأسنان يبدأ بالظهور

Z

لو حسيت بعطش وبدأ العطش يأثر على الفم

Z

رغبتك في شرب المياه زادت أكتر، وخصوصاً بالليل

Z

حرقان أو وخز في الفم و خاصة على اللسان

Z

دكتور الأسنان قالك مينفعش تركب اسنان صناعية

Z

جفاف في الحلق

l

أسباب جفاف الفم

الإصابة بجفاف الفم بتحصل لما الغدد اللعابية الموجودة في الفم متقدرش تنتج لعاب كافي، فبالتالي متقدرش تحافظ على رطوبة الفم، و ده بيحصل نتيجة ل…

علاج السرطان

طبيعة أدوية العلاج الكيميائي بتغير في كل الجسم، واكيد بتغير في طبيعة اللعاب والكمية اللي بتنتجها الغدد اللعابية

العلاجات الاشعاعية

اي علاج اشعاعي بيكون على الرأس او الرقبة بتأثر على الغدد اللعابية بالسلب، للدرجة اللي ممكن تخلي الغدد تتلف، لانها مع الجرعة الواحده بيحصل للغدد اللعابية انخفاض ملحوظ في إنتاج اللعاب

تلف الأعصاب

 

اي إصابة او جراحة في منطقة الرأس أو الرقبة ممكن تسبب إصابة الفم بالجفاف وتبدأ مشاكل أكثر.

 

 

التدخين و الكحوليات و المخدرات الترويجية

لو زودت التدخين وشربت كحول، أو جربت تمضغ تبغ،  اوعدك بجفاف في الفم ، لو أخدت الميثامفيتامين (مخدرات) الإصابة بجفاف الفم مش هتكون عادية، دي هتكون مزمنة، دي حالة من حالات جفاف الأسنان اسمها “الفم المثامفيتامين”، وممكن الحشيش يكون السبب بردو في جفاف الفم (لكن لفترة مؤقتة)

مرض السكر

لما بيزيد مستوى السكر في الدم بسبب مرض السكري ممكن يسبب جفاف الفم، لان بسبب السكر بيحصل ادرار للبول، اللي بيقلل المياه داخل الجسم، بالتالي يقل انتاج الغدد اللعابية للعاب

الأدوية

من اول الأدوية اللي بتتصرف من غير وصفة من الدكتور، لحد مئات من الأدوية اللي بتسبب جفاف الفم كواحدة من الأعراض الجانبية الخاصة بالعلاج زي اللي اتكلمنا عنهم فوق

الأدوية مع التقدم بالعمر

 

كل لما بيزيد العمر كل لما بيزيد جفاف الفم، لأن قدرة الجسم على معالجة الأدوية بتقل كل لما زاد السن.

 

بعض الامراض الصحية

ممكن يكون الفم لجاف بسبب بعض حالات صحية، زي مرض السكر والسكتة الدماغية والعدوى الفطرية  في الفم أو مرض الزهايمر أو بسبب أمراض مناعية ذاتية، زي متلازمة شوغرن أو فيروس نقص المناعة البشرية/الإيدز. وممكن الشخير والتنفس من الفم يمونوا اللسبب في الإصابة بجفاف الفم.

التوازن الهرموني

الحالة دي بتظهر خاصة في سن اليأس عند السيدات، لان الفترة دي بيحصل فيها جفاف في الأغشية المخاطية، وده بيأثر مباشرة على الفم

شرب القهوة كتير

لأن مع استهلاك كمية كبيرة من المشروبات اللي من مكوناتها الكافيين ممكن تكون السبب في جفاف الفم، لأن الكافيين مدر للبول، فيخليك تتبول بشكل متكرر أكثر من الطبيعي، علشان كده يحصل جفاف الفم

هل يسبب  تغيير شكل الأنف جفاف الفم؟

الإجابة على السؤال ده هتكون ب (اه) و (لا)، ليه

الاجابة بـ لأ

لأن ممكن يحصل اعوجاج في شكل الأنف وهيكون سببه إما خلقي او بسبب حادثة، ولما ده يحصل التنفس هيكون من الفم، وهنا هتكون الإجابة (لا)

الاجابة بـ آه

لكن فيه أسباب تانية، زي اللحمية، او تضخم او التهاب في اللوزتين، وكل دول ممكن يسببوا تغيير في شكل الأنف، وهنا هتكون الإجابة (اه)

بس ايا كانت الإجابة، في كلتا الحالتين هتكون سبب رئيسي في جفاف الفم، لأن لما ده بيحصل بتضطر تتنفس عن طريق الفم أكثر من الأنف، فيتبخر اللعاب اللي افرزته الغدد اللعابية

من أهم الأسباب اللي متخليناش نقدر نتنفس من الأنف هي التهابات واحتقان الأنف، اللي ممكن تحصل بسبب

Z

الحمل و الحساسية

Z

زيادة استخدام بخاخة الأنف المضادة للاحتقان

Z

شميت عطور

Z

تضخم اللحمية

Z

 خرجت في هواء جاف فجأة

Z

ادمان المخدرات

Z

التهاب  الجيوب الأنفية.

Z

 أدوية ارتفاع ضغط الدم  

Z

التدخين

Z

وجود جسم غريب في الأنف

Z

اضطراب الغدة الدرقية

Z

الصداع العنقودي

المضاعفات

لو الغدد اللعابية مقدرتش تفرز كمية اللعاب المناسبة لطبيعة الفم هيحصل الآتي:

 

  1. طبقة البلاك اللي بتكسر السكريات على الأسنان هتسبب تسوس في الأسنان  مع ظهور أمراض اللثة
  2. هيبدأ يظهر في الفم تقرحات، وبعد فترة تنتشر العدوى في الفم كله.
  3. الزوايا اللي في الفم كلها هتبدأ تتشقق.
  4. هيحصلك مشاكل في التغذية زي عسر الهضم ومشاكل الجهاز الهضمي وغيره، لان المضغ والبلع هيكونوا
    مش منتظمين ومش قادر تعملهم بشكل سليم.

كيف يمكن التعامل مع جفاف الفم؟

قبل لما نبدأ نقولك ازاي تتعامل مع جفاف الفم، لازم تكون عارف كويس ان كل اللي فات ده بنعرفك فيه الاحتمالات اللي بيحصل بسببها جفاف الفم، لكن انت لازم تزور دكتور علشان يقدر يحدد السبب الأساسي بالظبط وتبدأ في العلاج، علشان زي م قولنا.. ان جفاف الفم عرض مش مرض، بس فيه خطوات للرعاية الذاتية تقدر تعملها بحيث تخفف من ظاهرة جفاف الأسنان…

J

بعد اي أكلة فيها حاجات ممكن تلزق بين الأسنان استخدم خيط تنظيف الأسنان علشان يزيل بقايا الطعام من بين الأسنان

J

لازم كل يوم تتعود على غسل اسنانك مرتين يومياً، وتلتزم بمعجون من مكوناته (الفلوريد)

J

فرشاة الأسنان والمعجون اللي من مكوناته الفلوريد حتى مش كفاية، استخدم غسول الفم

J

اشرب مياه كتير لأنها بتحافظ على رطوبة الفم، لكن مياه خالصه مش مخلوطة بسكر، مش عصير، مش مخلوطة بكافيين

J

حاول تكون اوضة النوم فيها جهاز موزع للرطوبة (بخاخة)، علشان هتققل من خطر الإصابة بجفاف الفم.

J

متختارش الفرشاة الرخيصة، لو مش هتجيب فرشاة اسنان كهربائية على الأقل هات نوع كويس وشعيراته ناعمه.

J

كل لبان من غير سكر، كل منه كتير لأنه بيساعد على تحفيز الغدد اللعابية انها تفرز لعاب أكتر

J

اشرب لبن مع الأكل هيزود الرطوبة في الفم، وبالتالي يتحسن المضغ والبلع عندك.

J

(بدائل اللعاب) دي مسموح تشتريها من غير وصفة دكتور من اي صيدلية لانها بتخفف المشكلة بشكل مؤقت، لكن احنا مش بننصح بيها غير تحت اشراف دكتور متخصص

J

لازم تكون عارف كل الأدوية اللي بتاخدها علشان دكتور الأسنان هيسألك عنهم، علشان يقدر يشخص بشكل مظبوط ويكتب علاج مناسب

نصايح مهمه ليك لو عندك عرض من أعراض جفاف الفم

 

  1. لو بتشرب اي حاجه فيها كحوليات ابعد عنها
  2. اي حاجة فيها سكريات هتزود ظاهرة جفاف الفم
  3. الأكل الحمضي زي الطماطم والليمون، بلاش يكونوا جزء من أكلك
  4. المشروبات الغازية زي البيبسي بكل أنواعه (حتى لو دايت) ابعد عنه لأنه بيعمل أكسدة فبيزود الجفاف مش بيعمل رطوبة.
  5. ابعد عن المشروبات الساقعه اوي، والسخنة اوي.
  6. لو مدمن قهوة او نسكافيه او شاي، قلل منهم واحده واحده لحد لما تمنعهم.
  7. اتعود على الأكل الصحي زي الجزر، لأنه بيساعد على زيادة انتاج الغدد اللعابية.
  8. خلي التنفس كله من الأنف، مش من الفم.

العلاج

علاجك غالباً هيكون معتمد على السبب في جفاف الفم، بالتالي الدكتور هيعمل حاجه من دول:

 

  1. لو الدكتور معتقد ان الأدوية هي السبب في جفاف الفم، هيعمل حاجه من الاثنين:
    => اما هيعدل الجرعة اللي بتاخد بيها العلاج ده
    => أو هيبدل الدواء ده بدواء تاني ميكونش فيه المادة اللي من آثارها الجانبية جفاف الفم.
  2. لو الدكتور اعتقد ان المشكلة اصلاً في ترطيب الفم، هيكتبلك على مرطبات للفم
    => إما غسول الفم اللي معمول مخصوص عشان يعالج جفاف الفم، خاصة الأنواع اللي فيها مادة الزيليتول، زي غسول الفم بيوتين،
    وغسول الفم أكتر دراي اللي بيحمي الأسنان من التسوس بردو
    => او اللعاب الصناعي الموجود بالصيدليات و لكن بننصح بعد استخدامه الا بعد الرجوع لدكتور متخصص
    => مرطبات الفم العادية
  3. أما في حالة كان جفاف الفم شديد، فممكن الدكتور يعمل الآتي
    => يكتبلك على أدوية موادها الفعّالة بتحفز الغدد اللعابية انها تنتج لعاب أكتر، ممكن يوصف أدوية بتزود انتاج اللعاب في الفم
    => وممكن يعملك طوابع فلورايد مناسبة ليك ولنوع أسنانك، علشان تملاها فلورايد وتلبسها في أسنانك كل يوم بالليل قبل لما تنام لحد لما تصحى، ومع الطوابع ممكن يكتبلك على غسول للفم تستخدمه بشكل أسبوعي علشان يقدر يسيطر على تسوس الأسنان
"

اسئلة هيسألهالك الدكتور في الزيارة

1. بدأت الأعراض دي تظهرلك من امته؟
2. الأعراض دي بقالها معاك فترة ولا لسه من قريب
3. بدأت تاخد اي علاجات لأي حاجه من قريب؟
4. انت مدخن؟
5. جربت تمضغ تبغ قريب؟
6.لو بتشرب كحول، ايه الكمية اللي بتشربها بمعدل أسبوعي؟
7. ايه الحاجات اللي جربتها بدون وصفة دكتور علشان تقلل الأعراض؟
8. هل فيه حاجات لما بتعملها الأعراض دي بتزيد؟

!

أسئلة تسألها للدكتور في الزيارة

الأسئلة دي لازم تخرج من الكشف عارفها من الدكتور المتخصص :
1. ايه هو السبب الرئيسي اللي خلاني احس بجفاف في الفم؟
2. هل فيه أسباب تانية محتملة
3. حالة جفاف الفم اللي موجودة عندي حالياً، مؤقتة ولا مزمنة
4. ايه أفضل إجراء دلوقتي
5. قوله على الحالات الصحية واي حاجه تعباك حتى لو ملهاش علاقة بالجفاف، واسأله عن علاقتها بالجفاف؟
6. هل فيه تعليمات معينة المفروض امشي عليها الفترة الجاية؟
7. هل فيه أدوية بديلة للدواء ده علشان لو ملقتوش؟
8. ممكن تنصحني بمواقع اقدر اعرف منها معلومات اكتر عن اللي عندي؟

في النهاية نحب نقولك إن اهتمامك بنظافة أسنانك بشكل مستمر ومنتظم هيغنيك عن كل المشاكل دي، متنساش تقولنا جربت إيه من العلاجات دي وإيه بيفيدك ويفرق معاك لما بتحس بألم في أسنانك؟

[gs-fb-comments]

المصادر

نص للإنفوجرافيك

جفاف الفم هو نقص في السائل اللعابي، و بيختلف نوعه حسب نسبته في الفم.

 

ومنه نوعين…

المؤقت:

بيحصل بسبب: عوامل نفسية، التقدم في العمر، سن اليأس عند السيدات.

 

الدائم:

بيحصل بسبب: الأسباب الخلقية اللي بتمنع تكوّن اللعاب، مشاكل غذائية، داء السكري.

 

اللسان هو السبب الرئيسي ل 90% من المصابين بجفاف الفم لأن اللعاب مش بيوصل للمنطقة الأخيرة في اللسان،  فبتزيد فرص الجفاف ، فتتكاثر البكتيريا اللي بتعمل في الآخر رائحة نفس كريهة.

ايه الفرق بين فرشاة الأسنان وفرشاة اللسان؟

فرشاة اللسان: هتوصل للجزء الأخير من اللسان وهتقدر تنضفه.

فرشاة الأسنان: لو استخدمتها على اللسان هتوزع البكتيريا مش هتنضفها، وهتتعب حلمات اللسان المسؤولة عن التذوق.

ملحوظة مهمة:  لو هتستخدم الفرشاة المزدوجة للأسنان وللسان سيب تنظيف اللسان للآخر.

 

فوائد اللعاب

هو السائل الموجود في الفم وتركيبه فيه مواد مهمه بيحتاجها الجسم علشان يهضم الأكل.

دوره:

  1. بيحافظ على رطوبة الفم ورائحته.
  2. بيساعد في المضغ والتذوق والبلع.
  3. بيقتل البكتيريا الموجودة في الفم.
  4. يمتلك بروتينات ومعادن بتحافظ على
  • طبقة مينا الأسنان
  • الأسنان من التسوس
  • الفم من أمراض اللثة
  1. يُحافظ على الأسنان المُستعارة انها تفضل في مكانها.

 

 

لو كميته قلّت؟

هيظهر عرض لمرض ما، لكن بردو فيه أدوية بتسبب تقليل كمية اللعاب في الفم.

 

15 نوع علاج يسبب جفاف الفم

فيه أكثر من 400 اسم دواء بيسببوا جفاف الفم، دول 14 نوع  منهم.

  1. مضادات الهيستامين (لعلاج الحساسية)
  2. مضادات الاكتئاب.
  3. مضادات الذهان. (مهدئ للأعصاب)
  4. أدوية مرض باركنسون. (الرعّاش)
  5. أدوية مرض ألزهايمر.
  6. أجهزة الاستنشاق للرئة.
  7. بعض أدوية ضغط الدم و القلب.
  8. أدوية ضبط ضربات القلب، ومدرات البول. أدوية الصرع.
  9. آيزوتريتينوين (اللي بيعالج حب الشباب).
  10. الأدوية المضادة للقلق.
  11. الأدوية المضادة للغثيان والأدوية المضادة للإسهال.
  12. الأدوية المخدرة للألم.
  13. سكوبولامين (بتمنع دوار الحركة).
  14. الأدوية المضادة للتشنج.
  15. أدوية احتقان الأنف

 

أعراض جفاف الفم

  1. لو حسيت بعطش وبدأ العطش يأثر على الفم.
  2. بدأ الشفتين يتشققوا، وبدأت تحس بتقرحات فى الفم .
  3. جفاف في الحلق.
  4. تحس  بجفاف في الممرات الأنفية.
  5. حرقان أو وخز في الفم و خاصة على اللسان .
  6. تقرحات بدأت تظهر في اللسان.
  7. عندك مشكلة في انك تتكلم او تاكل او تذوق او تبلع.
  8. بقيت بتتنفس بصعوبة.
  9. رغبتك في شرب المياه زادت أكتر، وخصوصاً بالليل.
  10. زيادة التهابات اللثة.
  11. تسوس الأسنان يبدأ بالظهور.
  12. التهابات في الغدد المسؤولة عن إفراز اللعاب.
  13. تغيير في تكوين اللعاب، واصبح لزج أكتر.
  14. رائحة نفس كريهة.
  15. بحّة في الصوت ووجع في الحنجرة.
  16. دكتور الأسنان قالك مينفعش تركب اسنان صناعية.

 

ازاي تخفف جفاف الفم؟

  1. ابعد عن اي حاجه فيها كحوليات.
  2. السكريات هتزود ظاهرة جفاف الفم.
  3. بلاش تاكل الأكل الحمضي زي الطماطم والليمون.
  4. امنع المشروبات الغازية زي البيبسي بكل أنواعه (حتى لو دايت) ابعد عنه لأن الأكسدة بتزود الجفاف .
  5. ابعد عن المشروبات الساقعه اوي، والسخنه اوي.
  6. قلل قهوة او نسكافيه او شايواحده واحده لحد لما تمنعهم.
  7. اتعود على الأكل الصحي زي الجزر، لأنه بيساعد على زيادة انتاج الغدد اللعابية.
  8. خلي التنفس كله من الأنف، مش من الفم.

 

[booked-calendar calendar=13]

احجز أونلاين و هتلاقي مكالمة مننا خلال 24 ساعة لتأكيد الحجز

تقدر دلوقتي تختار نوع حجز اسمه “One Week Smile ” بيخليك تقدر تعالج كل مشاكل اسنانك في سبع ايام او اقل عن طريق جلسات مكثفه ومتتاليه