محتوى المقال : تقدر تدوس على العنوان اللي عايز تعرف أكتر عنه وهيوصلك للمعلومة اللي عايز تعرفها بسرعة عن ألم الاسنان

مشاكل الأسنان كثيرة ومُتعددة من ” اصفرار الأسنان وعدم انتظامها و خراج الاسنان و تسوس الاسنان، إلخ … ” لكن خلينا مُتفقين إن أصعب مشاكل الأسنان وأكثرها إنتشاراً هي الم الاسنان واللي بتكون نتيجة لأسباب مُختلفة حسب المكان اللي بيكون فيه الألم، وحسب الحالة اللي وصلت ليها الأسنان مُسببةً الألم ده؛ فالموضوع كبير، عشان كده في المقال ده هنتكلم عن معظم المشاكل اللي بتسبب ألم الاسنان وطرق علاج الم الاسنان بالاعشاب بالمنزل بشكل سريع.

 

ما هو ألم الاسنان و لماذا يحدث؟

ألم الاسنان محسوس جداً فمش صعب أبداً علي أي شخص إنه يُدرك إن عنده مشكلة في أسنانه خصوصاً إن ألم الاسنان بيفضل لمدة زمنية كبيرة بتختلف من دقائق وثواني وممكن تستمر لساعات حسب حالة المريض وسبب الألم عنده. وألم الاسنان بيصيب أماكن كتيرة جداً في الفم فممكن يبقي الم الضرس نفسه أو المناطق اللي حواليه، أو التهاب اللثة واللي بدورها هتعكس الألم علي منطقة الأسنان كلها، أو الفكين مثلاً؛ و أي نوع من الم الاسنان بيكون نتيجة لأسباب معينة وحالات طبية مُختلفة، وبيظهر ألم الاسنان أكتر في خلال الأكل والشرب مُمثل صعوبة كبيرة وألم شديد في مضغ الأكل أو حتي تحمل شدة برودة وسخونة المشروبات وأحياناً الم الاسنان بيوصل المريض لحالة من الأرق بسبب الصداع اللي بيدوم لفترات طويلة مُسبب عدم قدرة علي النوم والراحة.

في بعض الحالات المُتقدمة شوية من ألم الاسنان بتبدأ أسنان المريض تنزف من الألم كل ده أعراض وظواهر بتأكد وجود مشكلة تسبب ألم الاسنان.

اسباب الم الاسنان

تسوس الاسنان

تسوس الاسنان بيعتبر أكتر الأسباب إنتشاراً بين الناس وأكثرهم، و بيحصل بسهولة بسبب سوء التغذية وعدم تنظيف الأسنان بشكل كامل ومستمر كل ده بينتج عنه تراكم طبقة من البلاك على الاسنان، والبلاك هو طبقة لزجة بتتكون علي السطح الخارجي علي الأسنان من مُخلفات الأكل واللعاب وبتهيأ مكان لإنتشار البكتريا في المنطقة دي، وبالتالي بيبدأ يحصل تآكل الاسنان أو زي ما بنقول عليه كلنا -تسوس الاسنان-.

 وتسوس الأسنان مش بس كفيل بإنه يسبب الم الاسنان أو الم الضرس اللي بيصيبهم فقط لكن الألم بينتشر وبيصيب المنطقة اللي حوالين الأسنان بشكل كامل مُسبب التهاب اللثة ووجع واضح فيهم وممكن يوصل تآكل الاسنان أو تسوس الاسنان للطبقة الداخلية من الأسنان واللي إسمها Dentin وهي عاج السنة وفي حالة تآكل الطبقة دي السنة بتبقي أكتر حساسية وبيظهر فيها تجويف كبير نتيجة التآكل و من هنا بتظهر تجاويف تسوس الاسنان.

أما إذا أصبح الألم شديد لدرجة ان يتقال عليه ألم الاسنان حاد، فممكن يكون دا معناه أن تسوس الاسنان وصل لمركز السن. واللي بينتج عنه ألم الاسنان الحاد والشديد جداً وبيكون من الصعب جداً علي الشخص الاستمرار في الحياة اليومية بشكل طبيعي. والحالات دي بتحتاج فحص طبي في أقرب وقت ممكن لأنها مش بس مؤلمة، لكن تجاهلها أو التعامل معاها بأدوية لتسكين ألم الاسنان الحاد من غير المتابعة مع دكتور اسنان بيسبب مشاكل أكبر ممكن توصل لفقدان الأسنان.

ادخل هنا لو بتعاني من تسوس الاسنان ومش عاوز تخسر اسنانك وبتدور على دكتور اسنان فى مصر 

كسور الأسنان

الم الاسنان ممكن يكون ناتج عن ان الأسنان ممكن تتعرض للكسور أو التشقق بطرق مختلفة ، سواء كان  بسبب السقوط في خلال ممارسة الرياضة أو عض شيء صعب أو قاسي علي الأسنان أو آي حادثة مفاجئة أدت لحدوث الكسر ده، فلو حسيت بدرجة الم شديدة نتيجة ألم الضرس المكسور، فده معناه إن الكسر بدأ يوصل لمنتصف السن وده مكان النهايات العصبية فبالتالي بتحس بألم الاسنان الحاد

فبالتالي ده بيحتاج مُتابعة طبية سريعة لحل المشكلة بشكل مبكر و مينفعش تكتفي بأي نوع مسكن الم الاسنان من الانواع المتاحة في الصيدليات.

من هنا تقدر تعرف اكتر عن عدسات الاسنان 

أمراض اللثة

من العلامات الأولى لمشاكل اللثة اللي بينتج عنها الم الاسنان هي النزيف، والتورم ، والاحمرار.

وده بيحصل عادة في حالة إهمال تنظيف الأسنان أوعدم تنظيفها بشكل جيد، ودي تعتبر بداية المشكلة واللي غالباً مش بيكون الم الاسنان فيها ملحوظ بشكل كبير أو شديد.

زي ما قلنا عدم الإهتمام بنظافة الأسنان، بيزيد من إحتماليات أمراض اللثة، و بمرور الوقت هتبدأ اللثة تبعد عن الأسنان وتكوّن جيوب صغيرة والجيوب دي تعتبر مشكلة لأن قطع الأكل الصغيرة ممكن تتراكم فيها وتسبب عدوى. وممكن يتسبب بردو في تفكيك الأسنان أو تكسر العظام الحاملة للأسنان دي بسبب عدم إطباق اللثة بشكل كويس، وده ممكن يؤدي لفقدان الأسنان في المراحل المتقدمة.

من ضمن أمراض اللثة اللي بتسبب الم الاسنان هي تقرحات اللثة، والتقرحات دي ممكن تظهر في آي مكان في الجسم بس حالياً هنخص تقرحات الفم، وبتظهر تقرحات اللثة في صورة بقع حمراء في الفم وأحياناً بيكون ليها لون أبيض. الم الاسنان أو الم اللثه بسبب التقرحات بيكون بسيط وبيختفي لوحده في أكثر الحالات لأن أنسجة الجسم بتعالج نفسها بشكل تلقائي فبالتالي في خلال أيام قليلة بيختفي التقرح تماماً وممكن مدة التعافي توصل لأسبوع في حالة عمق التقرح.

في حالة النساء، ممكن الهرمونات تبقى سبب في مشاكل اللثة في أوقات مختلفة من الحياة. فمثلاً خلال فترة البلوغ، بتدفق

كمية كبيرة من الدم للثة، ممكن تسبب إلتهاب اللثة او انتفاخ أو الم الاسنان واللثة معًأ. وفي حالات قليلة بتصاحب فيها الدورة الشهرية، الم الاسنان واللثة بدون سبب.

في خلال فترة الحمل بترتفع مستويات الهرمونات في الجسم واللي بدوره بردو ممكن يأثر علي الأسنان زي ما قلنا؛ اعرفى اكتر عن اعراض نزيف اللثة عند الحوامل والاطفال.

نفس الوضع في سن اليأس، تغير مستويات الهرمونات المفاجيء ممكن يسبب الم الاسنان أو الم اللثه و نزيف أو تغير لونها.

حساسية الاسنان

حساسية الاسنان هي مشكلة شائعة جداً واللي بتظهر من خلال الم الاسنان و عدم الراحة أثناء الأكل والشرب بالأخص لمشروبات مختلفة في درجات حرارة مُختلفة سواء باردة أو ساخنة. وحوالي 40 مليون شخص بالغ في الولايات المتحدة بيعاني من مشكلة حساسية الاسنان بالرغم من عدم وجود أي مشاكل أخرى في الأسنان من اللي إتكلمنا عنهم، ممكن تكون من اسباب حساسية الاسنان

حساسية الاسنان ممكن تصيب أي شخص وفي أي وقت، ومن اسباب حساسية الاسنان العلمية هو ضعف طبقة مينا الاسنان لأن في حالة الأسنان السليمة بيبقي فيه طبقة من المينا عشان تحمي الطبقة السفلية من العاج -العاج هو طبقة داخلية في الاسنان بتكون أخف بكتير من المينا- أما اللثة فبتحمي جذور الأسنان، و لو تم إهمال المينا أو حصل تراجع في خط اللثة، فالعاج بيبقي مكشوف وبالتالي بيسبب الإحساس بـ الم الاسنان الناتج عن حساسية الاسنان.

السنة أو الضرس بتحتوي علي آلاف الأنيبيبات أو القنوات المجهرية إللي بتوصل للب الأسنان ، لما بتتعرض طبقة المينا للإزالة بتكشف الأنانبيب العاجية وبتسمح للحرارة أو البرودة أو الأحماض أو حتى المواد اللاصقة للوصول للأعصاب اللي في الأسنان وتسبب الم اعصاب الاسنان.

استخدام الفرش الخشنة ممكن يشيل طبقة المينا ويسبب الم حساسية الاسنان بالإضافة لتشقق الأسنان اللي بيخليها تمتلئ  بالبكتيريا من تراكم البلاك وتسبب التهاب في لب الأسنان في الحالات الشديدة ده ممكن يؤدي ذلك إلى خراج الاسنان والعدوى اللي ممكن ينتج عنها تسوس الاسنان.

خراج الأسنان

معظم حالات العدوى بتكون بسبب سوء رعاية وعلاج الأسنان وأحياناً بتحصل العدوي بسبب الإصابة بمرض من الأمراض اللي بتضعف الجهاز المناعي زي ( السكر / ومرحلة بعد الإشعاع / والعلاج الكيميائي في حالات السرطان ) والعدوي في الحالات دي بتبقي عُرضة كبيرة إنها تطور ويحصل خراج الاسنان.

في حالة الإصابة بأي نوع من انواع خراج الأسنان، بتبدأ البكتيريا تنتشر من الأسنان إلى اللثة ثم الخد والحلق والأنسجة تحت اللسان أو حتى في الفك أو عظام الوجه. وتسبب ظهور عدوى وتقرحات في المنطقة المُصابة.

تقيح الأنسجة أو اللثة غالباً بيتجمع في موقع الإصابة وبيحاول الجهاز المناعي منع انتشار العدوى.

و خراج الاسنان دا بيفضل مستمر لحد التمزق إما من تلقاء نفسه أو بيتم فتح خراج الاسنان جراحياً.

وللأسف ممكن نسمع كتير سؤال “كيف افقع خراج الاسنان بالمنزل؟” و دا شئ بيعرض المريض لخطر زيادة العدوى وانتشار البكتيريا ولازم يروح لأقرب دكتور اسنان.

سبب العدوى اللي بتؤدي لظهور خراج الاسنان هو نمو البكتيريا في الأسنان (اللبية) أو على سطح الجذور العميقة للسن أو في الأنسجة الرخوة والعظام اللي بتدعم الوجه والرقبة.

أعراض خراج الأسنان بتشمل الإحساس بـ الم الاسنان وده شيء متوقع، بالإضافة للتورم والاحمرار في الفم.

وفي بعض الأحيان بتكون واحدة أو أكثر من الأسنان حساسة جداً للضغط، وده بيؤدي لمضاعفات في الحالات المتقدمة، و مضاعفات خراج الاسنان دي بتشمل:( القيء، الغثيان، الحمي، القشعريرة، وصعوبة التنفس والبلع)

وفيه بعض العلامات بتظهر بالتزامن مع خراج الاسنان زي

التجاويف العميقة في الأسنان، والتهاب اللثة ، وتورم الفم أو الوجه، ووجود صديد في مكان الخراج ..

ولو انتشر خراج الضرس إلى منطقة سطحية، فغالباً هيكون في ألم في حالة لمس المنطقة المصابة.

تقويم الأسنان

تقويم الأسنان سبب شائع من اسباب الم الاسنان، بسبب عدم الراحة والضغط اللي على الأسنان نتيجة التقويم أو بعد التعديلات اللي بيشد فيها الطبيب أسلاك التقويم عشان الأسنان تتحرك لوضعها الطبيعي، لكن ده مش معناه انك لو بتفكر تعمل تقويم  لاسنانك انك تخاف لان الم الاسنان بيكون مش كبير وبيروح لوحده في خلال أيام، اعرف اخر اسعار تقويم الاسنان 

w

إمتي بيكون لازم أروح لدكتور الأسنان لما أحس بألم فيهم

لو حاجة من التلاتة دول حصلتلك : لو استمر الم الاسنان الحاد لأكتر من يومين تلاتة بالكتير و كان الألم بالفعل شديد جدا ، و لو كان مصاحب للألم دا حمى أو نزيف في اللثة ، و لو بتحس بـ وجع كل لما بتحرك الفم /الفك

يفضل في الحالات دي إنك تتجه للطبيب بتاعك في أسرع وقت عشان تحصل علي الرعاية الصحية اللازمة.وفي حالة إنك لما تروح للدكتور هيبدأ يسألك عن تاريخك الطبي ويعملك اختبار جسدي صغير يحاول يعرف بيه سبب الم الاسنان، زي مثلا هل بسبب تسوس الاسنان ولا التهاب اللثة ولا خراج الاسنان .. الخ؛ وطبعاً هيسألك شوية  حاجات زي 1. نوع اﻷﻟﻢ   2. امتي بدأ معاك  3. مدي شدته  4. ﻣﻜﺎن وﺟﻮد اﻷﻟﻢ  5. إيه اللي بيخلي الألم يزيد عليك   6. إيه اللي لما بتعمله الألم بيخف شوية وتبقي أفضل، وبيبدأ الطبيب في فحص الفم والأسنان واللثة والفكين واللسان والحنجرة والجيوب الأنفية والأذنين والأنف والرقبة ، وفي الحالات المتقدمة أوي ممكن يطلب الطبيب عمل أشعة سينية (X-RAY) عشان يتأكد من تشخيص السبب ، أما لو الم الاسنان خفيف ومش مصاحب له أعراض قوية تخليك تُشك في وجود مشكلة كبيرة زي خراج الاسنان مثلًأ، ممكن نقولك علي شوية حاجات تعملها علشان تساعد في علاج الم الاسنان بالمنزل، تقدر تعتبر انهم وسيلة من وسائل تسكين الم الاسنان الشديد لحد ما تروح لدكتور الاسنان.

دوس هنا لو عايز تعرف سعر زراعة الاسنان في مصر او هنا لوعايز تعرف سعر تركيبات الاسنان في مصر

علاج الم الاسنان بالمنزل بمكونات بسيطة

المضمضة باستخدام محلول بيروكسيد الهيدروجين

 محلول بيروكسيد الهيدروجين دا شبيه بالمحلول الملحي وليه دور في تخفيف الم الاسنان والالتهابات بالإضافة إنه بيقتل البكتيريا، وبيساعد بردو في ازالة طبقة البلاك اللي بتسبب تآكل المينا و تسوس الاسنان وبالتالي بيساعد في شفاء التهابات او تقرحات او نزيف اللثة او الأسنان. وعشان تحضر محلول بيروكسيد الهيدروجين تقدر تخلط نسبة صغيرة جداً منه حوالي 3٪ مع كوب من الماء واستخدمه كغسول وخد بالك إنك متبلعش المحلول أبداً لأنه ضار على المعدة.

إستخدام الكمادات الباردة

ل  الكمادات واحدة من طرق علاج الم الاسنان بالمنزل وبتكون سريعة وفعالة في حالات كتيير سواء كانت باردة أو ساخنة، لكن في حالة ألم الأسنان بنفضل الكمادات الباردة لتخفيف الألم، و  مصدر مسكن الم الاسنان في الكمادات انها بتسبب انقباض الأوعية الدموية في المنطقة المعرضة ليها  فده بيخلي الم الاسنان أخف بشكل كبيير جداً بالإضافة إن البرودة بتساعد في تقليل الإنتفاخات والتورم. عشان تعمل الكمادات امسك كيس ثلج بقطعة قماش نضيفة و حطها مباشرة على المنطقة المصابة لمدة 20 دقيقة في كل مرة. وتقدر تكرر ده لحد ما يختفي الألم.

المضمضة بإستخدام محلول ملحي

المحلول الملحي يعتبر مطهر ومعقم طبيعي و فعال في علاج الم الاسنان، يمكن استخدامه في ازالة أجزاء وبقايا الطعام الصغيرة اللي بتترسب و تتراكم بين الأسنان؛ وكمان بيساعد في تقليل التهاب اللثة وشفاء أي جروح فموية أو تقرحات. ولتحضيره هتحتاج تخلط معلقة واحدة من ملح الطعام مع نصف كوب ماء وتبدأ تستخدم المحلول دا كغسول للفم وتقدر تكرر العملية دي 3 مرات في اليوم مثلاً لحد ما يختفي الم الاسنان تماماً.

6 طرق متجربة في علاج الم الاسنان بالاعشاب

الزعتر

الزعتر ممكن يستخدم كنوع من انواع مسكن الم الاسنان بالمنزل لأنه بيحتوي على خصائص مضادة للجراثيم ومضادة للأكسدة بتساعد في علاج الم الاسنان وتخفيف إلتهاباتها بشكل كبير.عشان تستخدم الزعتر كـ مسكن علاج الم الاسنان، حط قطرات من زيت الزعتر الأساسي و قطرات من الماية على قطعة قطن وحطها علي الأسنان المصابة. وتقدر إنك تضيف قطرات من الزيت لكوب ماء وتستخدمه كغسول للفم وتكرر الخطوة دي لحد الشفاء من الم الاسنان.

أكياس الشاي بالنعناع

تقدر تستخدم أكياس شاي النعناع لتخفيف الم اللثه و تهدئة اللثة الحساسة.عشان تنفذ الخطوة دي هتحط كيس الشاي في التلاجة لحد ما يبرد بعدين تحطه علي السنة المصابة أو تحطها في ماية دافية لحد ما تبرد بعدين تعرضها للسنة المصابة، الشاي بالنعناع عنده قدرة كبيرة علي تخفيف اي الم في اللثة وعلاج التهاب اللثة

الثوم

الثوم مشهور منذ آلاف السنييين بإنه واحد من أكتر العلاجات اللي بتقتل البكتيريا الضارة اللي بتسبب الإلتهابات، وممكن استخدامه لتسكين الم الاسنان فورا ، وتقليل فرص حدوث التهاب الضرس واللثة بسبب وجود مادة الأليسين (Allicin) واللي بتشتغل كمضادٍ حيويٍّ طبيعي لقتل البكتيريا. عشان تستخدم الثوم ابدا بهرسه لتكوين عجينة وبعد كده تقدر تضيفه علي المنطقة المصابة. وممكن تضيف لعجين الثوم شوية ملح هيساعد بدوره علي تطهير الأسنان و تقليل الم اللثه.

مستخلص الفانيليا

بيتميز مستخلص الفانيلا بإنه بيحتوي علي الكحول، واللي بيساعد في تخفيف الم الاسنان و الم اللثه. لأنه بيحتوي على مضادات أكسدة وليها تأثير فعال علي علاج الالتهابات. تقدر تحط كمية صغيرة من مستخلص الفانيليا على صباعك أو قطعة صغيرة من القطن وتحطها علي المنطقة المُصابة في الأسنان وتقدر تكرر العلاج ده أكتر من مرة علي مدار اليوم لحد ما يختفي الم الاسنان و الم اللثه.

القرنفل

علي مدار التاريخ ولسنين طويلة بيعتبر القرنفل مسكن الم الاسنان المنزلي المتاح بكل بيوتنا تقريبًا  ، و تقدر تستخدمه لتسكين الم الاسنان بسرعه لأنه بيخدر الألم بفعالية وبيقلل الالتهابات نتيجة وجود مادة الأوجينول (Eugenol) وده مطهر طبيعي. استخدم كمية صغيرة من زيت القرنفل على قطعة قطنية وحطها بشكل مباشر على المنطقة المصابة. وتقدر تخفف زيت القرنفل بشوية قطرات من زيت الزيتون أو الماء. وكرر الخطوة دي أكتر من مرة علي مدار اليوم. وممكن تضيف قطرة من زيت القرنفل إلى كوب صغير من الماء وتستخدمه كغسول للفم زي المحلول الملحي لحد ما يختفي الم الاسنان و الم اللثه ، أو تستخدمه كوقاية من تراكم البكتيريا علشان تحمي اسنانك من تسوس الاسنان.

عشب القمح

بتنمو عشبة القمح بعد عملية انبات حبوب القمح، ولونها بيكون أخضر، وبنستخدمها كإحدي المكملات الغذائية المهمة اللي بيحتاجها الجسم بشكل يومي لأنها بتحتوي علي مصادر مغذية بتفيد جسم الإنسان لا حصر لها والأهم بالنسبالنا حالياً إنها بتعالج التهابات الفم عن طريقة مقاومة البكتيريا. وتقدر تستفيد من عشب القمح مواحد من علاج الم الاسنان بالاعشاب عن طريق إنك تستخدم مستخلص أعشابه أو العصير بتاعه كغسول للفم.

علاج الم الاسنان عند الدكتور

  أفضل طريقة لوقف ألم الأسنان هي أن طبيب الأسنان يبدأ بإزالة أي عدوى أو يشيل تسوس الاسنان ويصلح الأضرار الموجودة عشان يحمي المناطق الحساسة من الأسنان، علشان كدا ممكن يبدأ علاج الم الاسنان من خلال ان الطبيب بيشيل تسوس الاسنان وبيقفل الضرس او السن عن طريق الحشو ولو التجويف كان عميق ووصل لللب السن وبدأت تحس بـ الم اعصاب الاسنان، فالطبيب بيقوم “بمعالجة قناة الجذر  ويبدأ يزيل جميع المحتويات الحيوية للسن (الأعصاب والأوعية الدموية) ويختم الجوانب الداخلية للسن (نظام قناة الجذر) بمواد حشو خاملة. وفي الغالب علاج خراج الاسنان نتيجة العدوى الموضعية بيتطلب علاج قناة الجذر عن طريق استخدام  المضادات الحيوية

أما لو انتشرت عدوى خراج الاسنان، فهتلاقي أن علاج خراج الاسنان بالمضاد الحيوي لوحده مش هيبقي كافي وهيحتاج الطبيب خطوات إضافية عشان يصرف عدوى خراج الاسنان بشكل صحيح. في بعض الأحيان بيصف أطباء الأسنان أدوية مسكن الم الاسنان زي الأسيتامينوفين والأيبروفين لتسكين الم الاسنان بسرعه عند المريض، وفي بعض الحالات مش بيكون فيها حل لدي الطبيب غير إنه يخلع السن خالص زي في حالة إن السن أو العظم المحيط اتعرض لأضرار كبيرة ، مدى شدة خراج الاسنان بتحدد طريقة تعامل الطبيب معاه و اختيار علاج خراج الاسنان حسب حالة الاسنان و نوع الخراج وفي الغالب بينصح الطبيب بالمضادات الحيوية عن طريق الفم. بالإضافة لشطف الأسنان عن طريق غسول الفم اللي بيحتوي علي الكلورهيكسيدين عشان يساعد علي شفاء الم الاسنان. عشان كده لازم منطقة خراج الاسنان تفضل نظيفة مع تنظيف الأسنان بشكل لطيف ومستمر لتجنب العدوى، وزيارة الطبيب بشكل مستمر خلال فترة المتابعة لحد ما يتم حل العدوى و علاج خراج الاسنان تماما.

أما في حالات خراج اللثة بيقوم الطبيب بصرف موضع الخراج بشكل بسيط تحت تأثير التخدير الموضعي. بالإضافة لتنظيف جيب اللثة المصاب عشان يشيل أي تراكم لأي صديد أو بقايا ترجع عدوى خراج اللثة مرة تانية، وبمجرد تنظيف خراج اللثة بيتم استخدام مضاد للميكروبات في مادة الكلورهيكسيدين. في بعض الأحيان بينصح الطبيب باستخدام المضادات الحيوية عشان تساعد للتعافي من العدوى بشكل أسرع ، بالنسبة لكسور الأسنان أو حالات تشقق الأسنان، فوضع تاج الأسنان هو أحد طرق العلاج . والتاج بيحل محل بنية الأسنان المفقودة أو بيساعد على حماية الأسنان الضعيفة من الانهيار والحساسية. ويمكن استخدام عدسات الأسنان اللاصقة واللي بتساعد على تجميل الأسنان وتحسين شكلها

إزاي تتجنب ألم الأسنان

ناس كتير تقدر تحافظ علي أسنانها وتتجنب مشاكل كتيير بسيطة بتسبب الم الاسنان، عشان كده هنحاول نتكلم عن أهم النصائح اللي تخليك تقدر تحافظ علي أسنانك صحية وخالية من الألم.

المتابعة مع الدكتور

تنظيف الأسنان تحت اشراف دكتور اسنان مرتين على الأقل في السنة

تنظيف الأسنان بشكل منتظم

استخدام معجون أسنان يحتوي على مادة الفلورايد مهم جداً لأنه بيحتوي علي مادة الإكسيليتول واللي بتقلل البكتيريا ونقدر نخلي العادات الغذائية بتاعتنا جزء من تنظيف أسناننا عن طريق تناول الأطعمة اللي بتبقي زي فرشاة الأسنان طبيعية كروتين وقاية للشخص (وجبات الطعام مع سلطة أو تفاحة مثلاً)

اتباع نظام غذائي صحي

السكر المكرر والنشا وغيرهم بيأدوا لظهور البكتريا واللي مهتمها إنها تأكل طبقة المينا اللي بتحمي الأسنان عشان كده مراقبة وتنظيم الأكل شيء مهم وإنك تبقي حذر جداً من الطعام الذي بيلزق علي سطح الأسنان أو بينها.

 مادة الفلوريد فعالة جداً في منع تسوس الأسنان تحديداً عند الأطفال والفلوريد هو عنصر طبيعي من عناصر الجدول الدوري وبيكون موجود أحياناً في الماية والخضروات (المركز الأمريكي للتحكم بالأمراض صنف شرب المياه المتفلورة كواحدة من “أفضل عشر إنجازات صحية عامة في القرن العشرين) ز بعد ما تتأكد إذا كانت الماية فيها فلورايد أو لا. لو الماية مفيهاش فلورايد ، ممكن الطبيب يوصف أقراص الفلورايد أو مكملات الفلورايد للأطفال اللي أعمارهم أقل من 10 سنوات ، أما الأكسيليتول هو منتج طبيعي من أشجار البتولا والبكتيريا بتشوفه كمصدر غذائي بتستهلكه زي الكربوهيدرات والسكريات البسيطة وبالرغم من ده فالبكتيريا مبتقدرش تكسر الإكسيليتول وبالتالي بيحمي الأسنان.

>> في أنواع تانية من معاجين أسنان أخرى أو الجيلات الموضعية تقدر تستخدمها علي الأسنان عشان تقلل هجوم الأحماض من البكتيريا وتساعد في ترميم الأضرار اللي بتسببها البكتيريا للأسنان ، الأنواع دي من المنتجات بيكون فيها عادةً xylitol ، phosphopeptide الكازين (CPP) ، فوسفات الكالسيوم غير متبلور (ACP) ، والفلورايد، كل ده بيحافظ علي تجنب ألم الأسنان وأهم نصيحة هي لا للتدخيييييين 😀

في النهاية نحب نقولك إن اهتمامك بنظافة أسنانك بشكل مستمر ومنتظم هيغنيك عن كل المشاكل دي، متنساش تقولنا جربت إيه من العلاجات دي وإيه بيفيدك ويفرق معاك لما بتحس بألم في أسنانك؟

المصادر