القاهرة -المدينة التي لا تنام

فيه مثل بيقول “لو كل مدن العالم استعدت تدخل لغرف النوم، القاهرة بتستعد تخرج منها”

في المنطقة الحية دي هنعرفك على بعض الفنادق المميزة وبعدين هناخدك في جولات وزيارات لأماكن سياحية وترفيهية مينفعش تكون في القاهرة و متزورهاش


اختار المنطقة اللي عايز تتفسح فيها وهنعرفك على أهم المعالم السياحية، الترفيهية، المطاعم وأماكن شراء الهدايا

أهم 6 فنادق حوالين العيادة

 الفنادق كلها على بُعد دقايق من العيادة، اختارالفندق اللي هيساعدك تقضي رحلة مُريحة داخل القاهرة

(فندق انتركونيننتال ( 7 دقيقة من العيادة

 غرف فاخرة وغرف مناسبة للمصابين بالحساسية –

 بيضم 10 مطاعم متنوعة بأكلات من بلدان مختلفة –

علاج مائي، مساج، ساونا، غرف بخار –

مسبح كبير ونادي سبا –

بعيد عن المطار فقط 10 د بالسيارة –

(فندق برادايس ( 7 دقايق من العيادة

مميز بغرف مريحة بديكورات أنيقة ومبهجة –

قريب من معظم الأماكن الترفيهية في القاهرة –

مطعم بأكلات مختلفة ولذيذة –

حديقة هادية داخل الفندق –

بعيد 200 م عن سيتي ستارز –

(فندق سونستا ( 7 دقايق من العيادة

مميز بالغرف الواسعة والمريحة والشاملة –

يشمل بارين –

خمس مطاعم متميزة بأصناف مختلفة –

فيه مسابح وسبا وانشطة ترفيهية –

بعيد عن المطار فقط 10 د بالسيارة –

(فندق الماسة ( 8 دقايق من العيادة

مميز بهدوء المناطق المحيطة بيه –

قريب من معظم الأماكن داخل مدينة نصر –

فيه مسابح وسبا ، خمس مطاعم أكل صحي –

مكتبة كبيرة داخل الفندق –

بعيد عن المطار فقط 10 د بالسيارة –

(فندق تيوليب جولدن بلازا8 دقايق من العيادة

غرف واسعة بخدمات كاملة –

قريب من سيتي ستارز، قصر البارون –

مطاعم مشويات و مأكولات بحرية وغيرها –

خدمات المساج ، الساونا، جيم –

بعيد عن المطار فقط 10 د بالسيارة –

(فندق ريحانة بلازا ( 15 دقيقة من العيادة

غرف مريحة وواسعة شاملة لكل اللوازم –

مسبح خارجي كبير  وصالات مشتركة –

مطاعم ومواقف مجانية للسيارات –

 حديقة كبيرة داخل الفندق –

بعيد 16 كم من مسجد الحسين –

أفضل الأماكن السياحية والترفيهية داخل القاهرة

حي الحسين

من أكتر الأماكن الشعبية والحضارية في مصر وتحديداً في القاهرة.

بيتميز بتنوع الأماكن السياحية اللي فيه بين دينية ، تراثية ، تاريخية وأماكن ترفيهية

معروف بالزحمة الممتعة، اللي بتخليك تحس بأجواء رمضان في الشوارع طول السنة، حي الحسين فيه أماكن كتير جواه لازم تشوفها غير مسجد
الحسين بيجيلها السياح العرب من كل البلاد

خان الخليلي


من أكتر الأماكن اللي بتجذب السياح والمصريين لأنه من أقدم وأهم الأسواق في القاهرة
فيه محلات و بازارات كتير تقدر تجيب منها هدايا تذكارية لاصحابك سواء هدايا إسلامية أو فرعونية،
ولو تعبت من الفرجة على الهدايا والمحلات.. حوالين الخان هتلاقي مطاعم شعبية كتيرة جدا معروفة بأكلات مصرية أصيلة
أفضل وقت تزور فيه الخان بعد 9 بالليل عشان تستمتع بقعدات مسلية وأجواء غنائية على القهاوي مع كوباية الشاي

شارع المعز

واحد من أهم وأكبر  شوارع القاهرة الإسلامية، من كتر المعالم اللي فيه ممكن يحتاج منك زيارة تانيه في يوم لوحده عشان تكمل رحلة الاستكشاف
هتعدي على مزارات ومساجد كل مسجد منهم بتاريخ عريق وأول ما تدخله هتحس بجو هادي مُريح للأعصاب

لو هتروح المعز بعربية أفضل حاجه تركنها عند باب الفتوح (في بداية الشارع قريب من مسجد الحاكم بأمر الله أشهر مساجد المعز يعني لو سألت أي حد هتشاورلك عليه بسهولة)   ( السايس هياخد منك  على الركنة حوالي 5 جنيه)

مسجد الحاكم

بمجرد ما تدخله هتحس براحة رهيبة جواه وهتلاقي الوضوء جواه في مكان بيضاوي في نص صحن الجامع
ننصحك تصلي فيه المغرب عشان جو الغروب هناك مختلف عن أي مكان في العالم
وبعدين هتعدي على بيت السحيمي وتشوف الأجواء الشعبية والأنشطة الثقافية بشكل مسلي وممتع
وتعدي على كل مساجد ش المعز واللي هناك هتلاقي يا إما دليل يعرفك على كل مسجد يا إما مكتوب تاريخه على الجدارن وانت داخل
 زي مسجد الظاهر بيبرس وجامع الأقمر

أماكن الأكل في حي الحسين

كل حاجة هناك رخيصة جداً وطعمها هيدخلك بسهولة في جو القاهرة الفاطمية
فيه محل فطير نضيف وحلو اسمه “الشيف” وفيه مطعم فطير وبيزا اسمه شيخ العرب ولو عايز تاكل سمك وجمبري وكاليماري فيه محل أسماك
انصحك تجرب الكبدة ومخ بالسمسم من عند “الضامن”

اشتري منين هدايا تذكارية؟

وانت بتشتري هدايا فاصل في الأسعار ولو حسيت الأسعار غالية في المعز روح محل أ عاطف عيد(لوحات نحاس يدوي ، بازار السلطان برقوق (أنتيكات من كل العصور والبلاد)، بازار جوهرة المعز (علب صدف سعرها أقل من 2 دولار)

– ولو بتحب تشتري أقمشة ف قريب منك جدا منطقة الغورية اللي هتلاقي فيها أجمل وأجود أنواع الأقمشة وبأرخص الأسعار

أجواء ليالي الحسين

ليالي الحسين هتحس فيها بجو مصري مبهج  في الشوارع و مَغنى في القهاوي  زي قهوة الفيشاوي وغيرها
(متنساش تاخد صور تذكارية في حي الحسين لأنك هتفتكر كل دقيقة قضيتها فيه بمجرد ما هتشوف الأجواء دي في الصورة)

الطريق وانا راجع للعيادة أو الفندق

تقدر تتأخر في جولتك في حي الحسين زي ما تحب لأن  المسافة وانت راجع للفندق اللي جنب العيادة حوالي  20 د بالعربية

وسط البلد

(القاهرة هي أحيانا وسط البلد) 
المنطقة الحية 24 ساعة واللي تجربتك فيها هتكون شاملة خروجات ترفيهية وأثرية وتراثية ، غير المحلات الكتيرة لأي حاجة بتفكر تشتريها وبأسعار مناسبة جداً

وسط البلد مميزة بالمباني التراثية والشوارع العتيقة والكافيهات العصرية في نفس الوقت 

بأقل فلوس تقدر تعيش أجمل رحلة  وتشتري أقيم هدايا

قصر عابدين

لو بتحب الأماكن الأثرية الفخمة والعريقة في المباني والديكورات لازم تروح لمتحف قصر عابدين
واللي هناك هتنبهر من عظمة المكان وشكله ووسعه
وأوقات بيتعمل فيه حفلات كبيرة وممتعة جداً (قريب كان فيه حفلة أم كلثوم هولوجرام )

وطالما روحت عند قصر عابدين يبقى أكيد هتروح تاكل عند حواوشي الرفاعي أو بجة

وتقدر تتقل في الأكل براحتك لأنك هتتمشى في وسط البلد لحد ما تطلع على الكورنيش
وانت في طريقك هتلاقي أشهر وأجمل محلات  الأيس كريم و الحلويات في القاهرة كلها (واللي طبعا مش هتاكل منها إلا بعد
استشارة الدكتور في عيادة
(white and bright )

الكورنيش

هتتمشى على النيل أو بالحنتور ولو جيت في الشتاء جرب حمص الشام والدرة المشوي
ولو بتحب الرحلات النيلية
تقدر تنزل مركب يلف بيك في النيل شوية وبسعر قليل جداً حوالي 2 دولار
أو تروح Nile City  وتدخل مطعم في سفينة ف تتعشى وانت بتتحرك في النيل

الليل في وسط البلد ساحر بس خد بالك عشان الطريق أحيانا بيكون زحمة شوية وانت راجع للفندق أو العيادة

حي الزمالك

لو بتحب الخروجات اللي بتتميز بالمزاج الرايق والبعيد عن الدوشة، ف حي الزمالك هوا الحل الأمثل ليك ولأنه واحد من أرقى وألطف الأماكن في القاهرة، هتشوفه متحاوط بالنيل والزرع والشط والبهجة
هنرشحلك بعض الأماكن اللي تزورها هناك

قصر عائشة فهمي

اول ماتدخله هتحس إنك عديت بوابة زمن خدتك ل100 سنة ورا ، هتشوف تحفة فنية من عصر الملوك
مش مجرد مكان أثري لأنك هتلاقي فيه أجواء حب وشجن وفن جميل
ولو تعبت من اللف جوا القصر هتلاقي قاعدة حلوة على النيل

روف توب الزمالك

قريب جدا من قصر عائشة فهمي هتلاقي روف توب الزمالك وده معروف بالمزيكا الحلوة والأجواء الرومانسية
أنصحك تروحه وقت الغروب لأن شكل الغروب على النيل من الروف ساحر جدا وهادي

حديقة الأسماك

مكان كله خضرة وأشجار نادرة، الجميل في المكان إنه معمول على شكل سمكة والتجاويف الموجودة بالجبلاية مصممة هندسياً بشكل يخلي مرور الهواء يعمل صوت البحر
الحديقة على بعد 500 متر من نزلة كوبرى أبو الفدا (لو جايي مترو أقرب محطة هي محطة مترو الأوبرا)

ساقية الصاوي

 (صرح للفن والمزيكا والجمال)
لو بتحب الحفلات الغنائية والجو المبهج والراقي في نفس الوقت، أو بتحب تقعد في مكان هادي وفي نفس الوقت مش ممل، وقاعدة على النيل مبهجة،  شوف أقرب حفلة أو ندوة من خلال صفحتهم الرسمية واحضرها وهتستمتع بوقتك جداً

( لو جوعت أو حبيت تشتري حاجة هتلاقي ش أبو الفدا اللي فيه كل حاجة بتدور عليها أما لو حبيت تقعد ف كافيه روح بوخاريست (بس خد بالك أوقات كتير بيكون زحمة 

المسافة وانت راجع للفندق أو العيادة هتظهرلك على الخريطة حوالي 17 ل 20 دقيقة لكن خد بالك أوقات الطريق بيكون زحمة 

أهم 7 مولات في القاهرة-هتلاقي فيهم كل اللي محتاجه

مول مصر  –
مول العرب  –
سيتي ستارز  –
 رمسيس هيلتون مول –
 سيتي سنتر المعادي –
جراند مول المعادي –
 كايرو فستيفال مول –

أهم 7 احتياطات تاخد بالك منهم وانت بتتفسح

متنزلش بفلوس كتير أكتر من اللي انت محتاجها  –
شوارع رمسيس ووسط البلد زحمة  –

لا يفضل للبنات إنها تتأخر لوحدها بعد الساعة11 بالليل  –
 فاصل في الأسعار في الأماكن السياحية
لو مش معاك عربية اتحرك بأوبر أفضل من التاكسي  –
متشتريش من أول واحد يقابلك في الأماكن السياحية –
دور الأول واعرف رينج الأسعار

 اسأل حد من الفندق أو عندنا في العيادة على أقرب الأماكن-

السياحية ورينج الأسعار  

 white & Bright Dental Center 

بنتمنالك رحلة علاجية مٌريحة وممتعة