أمراض اللثة وطرق الاعتناء بيها
ألم الأسنان صعب حد يتحمله لفترة طويلة عشان كده كل دكاترة الأسنان بتنصح بالعناية المستمرة بالأسنان وصحة الفم.
ولما بتسمع إنك لازم تعتني بصحة فمك بييجي في دماغك الاعتناء بشكل الأسنان، ولونها، طولها ومعالجتها وهكذا، وده طبعاً شيء إيجابي ومهم. لكن من الضروري كمان إنك تحافظ وتقوي اللثة عشان تقدر تواصل يومك بدون ألم وفي نفس الوقت هتحافظ على صحة أسنانك على المدى البعيد.
أمراض اللثة
أمراض اللثة هي أحد مشاكل الفم الشائعة واللي خطورة نتايجها بتبدأ من ألم الأسنان وصولا لفقد الأسنان وممكن لا قدر الله توصل لسرطان اللثة. والتدريج ده بيختلف باختلاف مرحلة المرض نفسه.
أمراض اللثة بشكل أساسي هي عبارة عن 3 مراحل أولهم مرحلة التهاب اللثة ودي المرحلة الأكثر شيوعاً.
إيه هو مرض التهاب اللثة؟
إيه هو مرض التهاب اللثة؟
التهاب اللثة هو مرحلة مبكرة من مراحل أمراض اللثة وده بيحصل نتيجة تكون اللويحات على الاسنان ودي ببساطة مادة لزجة من البكتيريا بتتكون نتيجة اختلاط الأكل باللعاب، لو اللويحات أو المادة دي تراكمت بتنتج مواد سامة بتعمل تهيج في اللثة اللي بعدها بيأدي لالتهاب اللثة.
والتهاب اللثة لو متعالجش بسرعة وبشكل صحيح ممكن يؤدي لالتهابات في دعامات الأسنان ومنها لفقد الأسنان ومشاكل تانيه في الفم.
التهاب دواعم الأسنان (من درجة بسيطة إلى متوسطة)
دي مرحلة بيكون بدأت فيها اللثة تلتهب أكتر وتنزف وده بيحصل نتيجة إن السموم البكتيرية تراكمت وجسمك بيبدأ بعدها يفكك ارتباط اللثة بالسن وده بيأدي لابتعاد اللثة عن الأسنان.
العلاج في المرحلة دي حيوي جداً ومؤثر.
التهاب دواعم الأسنان (مرحلة متقدمة)
التهاب دواعم الأسنان (مرحلة متقدمة)
في المرحلة دي بتزيد تعميق جيوب اللثة وبتدمر العظام المسؤولة عن تثبيت الأسنان في مكانها. في المرحلة دي لو ملحقتش تعالجها بتفيد فيها الاسنان بسرعة.
أعراض أمراض اللثة
غالباً أعراض أمراض اللثة بتظهر وتزيد أكتر كل ما تتقدم الحالة، لكن فيه علامات بتشير لإنك في المراحل المبكرة من أمراض اللثة، وهنا في المرحلة دي كل دكاترة عيادة وايت اند برايت دايماً بينصحوا إنك تبادر بالعلاج وحل المشكلة لإنك كل ما تتأخر كل ما الأعراض هتزيد وهتأثر بشكل سلبي، حتى لو لسه مبدأتش تشعر بالألم. من أهم الأعراض اللي لازم تنتبه ليها هي:
يعني إيه تقوية اللثة؟
مصطلح تقوية اللثة معناه الاعتناء والمحافظة على اللثة بشكلها الصحي والثابت ومساعدتها متنزفش أو تلتهب بسهولة.
طرق تقوية اللثة
معظم أمراض اللثة بتكون نتيجة لتطبيق نمط حياة غلط أو فيه مشكلة، وده معناه إن بتعديلك للسلوك أو الروتين اليومي هتبقى قادر تعالج مشاكل اللثة. بمعنى أصح الوقاية هتساعدك تحافظ على اللثة بشكل مستمر وده هيحصل أما تتبع خطوات الوقاية وتستمر عليها في روتين يومك الطبيعي.
8 طرق للعناية بصحة اللثة
1- تنظيف الأسنان بانتظام
1- تنظيف الأسنان بانتظام
المقصود بتنظيف الأسنان هنا هو إزالة الجير و إزالة اللويحات أو البكتيريا اللي اتكلمنا عنها. فالدكتور المتخصص بيبقى قادر يكتشف أعراض أمراض اللثة المبكرة، وبالتالي هيقدر يعالجها قبل ما الحالة تزداد خطورة.
2-استخدام الفرشاة
اغسل أسنانك بعد كل وجبة. ده بيساعد على إزالة الأكل واللويحات الموجودة بين أسنانك وبين اللثة.
من الضروري جداً إن الفرشاة تكون بشعيرات ناعمة ومناسبة لفمك ومريحة عشان متتسببش في نزيف اللثة.
3- استخدام الخيط
3- استخدام الخيط
استخدم الخيط مرة في اليوم على الأقل بيساعد على إزالة اللويحات والأكل اللي صعب توصل ليه فرشاة الأسنان. عشان كده استخدامك للخيط بشكل منتظم هيساعدك في الوقاية من التهاب اللثة، ومش شرط وقت محدد بالليل أو الصبح المهم تستخدمه مرة على الأقل كل يوم.
4- اختيار معجون اسنان مناسب
من الأفضل استخدام معجون أسنان فيه مادة الفلورايد وليه ختم قبول ADA. بعد كده ، اختيار النكهة واللون ليك فيها حرية الاختيار.
5- التوقف عن التدخين
5- التوقف عن التدخين
التدخين بشراهة بيأدي لمشاكل كتيرة جداً في الأسنان ابسطهم التهاب اللثة، وده لأن التدخين بيسبب ضعف المناعة، فبيصعّب عملية محاربة عدوى وأمراض اللثة.
6-استخدام غسول للعلاج الفمي
غسولات الفم العلاجية بتقلل أو بتمنع التهاب اللثة غير إنها بتساعد على إزالة جزيئات الأكل البسيطة من الفم. فبالرغم من إنها مش بديل لتنظيف الأسنان بالخيط أو بالفرشاة إلا إنها مفيدة جداً في الوقاية من التهاب اللثة.
7- الحذر وقت غسل الاسنان
7- الحذر وقت غسل الاسنان
لازم تتأكد إنك الفرشاة ناعمة ومناسبة، بالإضافة لده من الأفضل اتباع الحركات المناسبة لغسل الأسنان بالطريقة اللي تساعدك تتخلص من بقايا الأقل وفي نفس الوقت اللثة متتعرضش للأذى أو النزيف.
8- فحوصات منتظمة للأسنان
تابع مع الدكتور المتخصص بشكل دوري على الأقل مرة كل 4 شهور.
اختار أطعمة مناسبة
الأكل اللي ممكن يؤدي لتسوس الأسنان لما بيتحد مع البكتيريا الموجودة في الفم بيزيد من احتمالية حصول التهاب في اللثة. على عكس أطعمة تانية لما بتاكلها بشكل مناسب بتحافظ على أسنانك و بتقوي اللثة وتساعد على حمايتها.
أطعمة تزيد من تقوية اللثة.
فيه أنواع أطعمة بشكل أساسي بتلعب دور كبير جداً في تقوية اللثة والمحافظة على صحتها زي:
1- الأطعمة الغنية بڤيتامين ج (Vitamin C)
الناس اللي بياكلوا كميات قليلة من ڤيتامين ج بيتعرضوا أكثر لأمراض اللثة وتطورها كمان بشكل أسرع، لأن ڤيتامين ج مرتبط ببناء الكولاجين والأنسجة الضامة في الجسم وبالتالي ده بيحافظ على اللثة قوية.
أمثلة لأطعمة غنية بڤيتامين ج:
- الحمضيات: زي البرتقال والليمون.
- الكيوي.
- الفراولة.
- الفلفل الرومي.
- البطاطا الحلوة.
- المانجو.
2- الأطعمة الغنية بالزنك
معدن الزنك بيلعب دور كبير في تقوية المناعة، وبالتالي تناول كميات كافية بيقوي اللثة.
أمثلة لأطعمة غنية بالزنك:
- اللحوم الحمراء.
- البقوليات.
- الفول السوداني.
- الدجاج.
- مكسرات.
- الأسماك.
3- الأطعمة الغنية بمضادات الأكسدة
مضادات الأكسدة مفيدة لصحة الجسم بشكل عام، وبالتحديد ليها دور كبير في العناية بصحة اللثة وده عن طريق حمايتها من التقرحات والالتهابات.
أمثلة لأطعمة غنية بمضادات الأكسدة
- الخضار اللي فيه ورق زي السبانخ
- البروكلي
- التوت البري
- الفراولة
- الزبيب
- المشمش
- البطاطا الحلوة
4- الأطعمة الغنية بالكربوهيدرات المعقدة
الأطعمة الغنية بالكربوهيدرات المعقدة مفيدة للجسم وبتحافظ على اللثة لكن لازم مراعاة أكل كمية مناسبة لأنها بتتسبب في زيادة الوزن.
أمثلة لأطعمة غنية بالكربوهيدرات المعقدة
- الخبز الأسود
- الأرز البني
- الشوفان
الملخص
قبل الإصابة بأمراض اللثة ومحاولة معالجتها من الأفضل ليك المحافظة على اللثة واتباع طرق و خطوات الوقاية من البداية عن طريق الاعتناء بنظافة وصحة الفم بالإضافة للأطعمة اللي بتساعد على تقوية اللثة. بجانب إن الفحص الدوري المستمر لأسنانك هيساعدك تكتشف المشكلة وتعالجها في بدايتها.