fbpx

ـ10ـ خطوات ضرورية للاعتناء بتركيبات الأسنان

عدم الاعتناء بالأسنان بيأدي لمظهر سيء للأسنان، ظهور بقع وتصبغات، رائحة كريهة للفم، ألم في الأسنان، التهاب ونزيف اللثة، تشققات وكسور في الأسنان، فقدان الأسنان وممكن تؤدي لمشاكل أكبر بكتير لاقدر الله.


على العكس طبعاً إن العناية بالأسنان بشكل صحيح ومستمر بتساعدك تحافظ على أسنانك أطول فترة ممكنة بدون حصول أي مشكلة من مشاكل الأسنان زي تسوس الأسنان تشققات، كسور وفقدان الأسنان بالإضافة لأمراض اللثة والأمراض الناتجة عن وجود البكتيريا الموجودة بسبب بقايا الطعام في الفم وبين الأسنان، اللي ممكن بسهولة تسبب أمراض اللثة زي التهاب اللثة والرائحة الكريهة ومشاكل أكبر في الفم.

العناية بالأسنان بتنقسم لجزئين

عناية خاصة:

ودي بيكون سببها الأول هو العناية بعلاج مشكلة حصلت قبل كده في الأسنان، على سبيل المثال 

 تم فقد سنة و الدكتور شاف إنه من مصلحة المريض يعمل زراعة للسِنة دي وبالفعل تمت، هيتضاف في الحالة دي على العناية العامة عناية خاصة بالسنة المزروعة. أو حصل تشققات في سِنة وعملنا تركيبة ثابتة للسنة دي، العناية الخاصة هنا هي العناية بتركيبات الأسنان، ودي بالتحديد اللي هنتكلم عنها في المقال ده.

عناية عامة:

ودي مستمرة كل يوم بدون انتظار لحصول مشكلة في الأسنان. والأسلوب ده من العناية بيشمل غسل الأسنان بالفرشاة والمعجون وتنظيفها بالخيط من بقايا الطعام وهكذا من الخطوات المعروفة.

خطوات للعناية بتركيبات الأسنان

تركيبات الأسنان بشكل أساسي نوعين، تركيبات ثابتة وتركيبات متحركة، كل نوع فيهم ليه مميزاته و دواعي استخدام خاصة بنوع فيهم عن التاني حسب كل حالة أسنان. وبناء عليه العناية الخاصة بتركيبات الأسنان بنقسّمها في عيادتنا وايت اند برايت لجزئين وهم : عناية خاصة تركيبات الأسنان الثابتة وعناية خاصة بتركيبات الأسنان المتحركة.

تركيبات الأسنان الثابتة تركيبات الأسنان المتحركة
ما هي هي عبارة عن تركيبات صناعية بتتركب بهدف تعويض سنة مفقودة أو علاج سنة مشوهة سواء بتشقق، كسر أو تصبغات .والنوع ده هو تركيبة ثابتة لا يمكن إزالتها إلا عن طريق الدكتور المتخصص.  هي عبارة عن تركيبات صناعية بهدف تعويض الأسنان المفقودة ودي يمكن إزالتها وتركيبها بسهولة  ودي إما عبارة عن تركيبة جزيئية لتعويض فقدان بعض الأسنان أو تركيبة كاملة عند فقدان أسنان الفك بشكل كامل أو الفكين .
خطوات العناية بتركيبات الأسنان

( التركيبات الثابتة بتحتاج عناية مستمرة عشان تدوم لأطول فترة ممكنة ) 

  • غسل الأسنان بعد كل وجبة طعام.
  • تنظيف الأسنان بالخيط  للتخلص من بقايا الطعام بعناية وحرص.
  • التخفيف من شرب الشاي والقهوة والأطعمة الملونة.
  • محاولة تجنب الأطعمة الصلبة بأكبر قدر ممكن زي المكسرات.
  • التوقف عن طحن أو صرير الأسنان.
  • عدم استخدام الأسنان كأدوات، على سبيل المثال فتح العلب والزجاجات باستخدام الأسنان، وكذلك فتح الأكياس الصلبة.
  • غسل الأسنان بفرشاة مناسبة وناعمة.
  • التوقف عن العادات السيئة زي قص الأظافر بالأسنان ومضغ الأقلام.
  • التوقف عن التدخين
  • التقليل من أكل السكر والحلويات.

    (التركيبات المتحركة بتحتاج عناية خاصة عشان متسببش أمراض ومشاكل في الأسنان واللثة) 

    • غسل التركيبة بفرشاة ومعجون مناسبين لتركيبات الأسنان المتحركة.
    • تنظيف اللثة وسقف الحلق بفرشاة ناعمة لتجنب أمراض ومشاكل اللثة اللي منها التهاب اللثة.
    • نقع التركيبة اسبوعياً لمدة 7 أو 8 ساعات في محلول طبي.
    • لتجنب الجفاف من الأفضل ترك التركيبة في كوباية ميه كل يوم قبل النوم.
    • تجنب الأطعمة الصلبة زي المكسرات.
    • تجنب المشروبات الغازية 
    • التقليل من أكل الحلويات والسكريات
    • التوقف عن التدخين

      وأياً كانت نوع تركيبة الأسنان المناسبة ليك أو اللي عملتها، من الضروري جداً متابعة الدكتور المتخصص كل فترة للاطمئنان على صحة الأسنان ومعرفة الأعراض اللي حاصلة وهل هي ناتجة عن التركيبة وهتظهر بشكل مؤقت وبعدين هتختفي ولا عدوى ولازم تتعالج ولا مشكلة أخرى في الأسنان ومن الأفضل اكتشافها ومتابعتها بدري.

      لو لسة معملتش تركيب ومحتاج تطّمن إن تركيب الاسنان مفيد لحالة أسنانك ولا لا!.. احجز كشف مع دكتور متخصص في القاهرة من فريقنا الطبي المتخصص.

      الملخص

      مشاكل الأسنان معظمها بتنتج عن عادات سيئة أو إهمال في المحافظة على الأسنان وده بيكلف المريض حاجات كتيرة جداً منها ألم الأسنان اللي تحمله بيكون صعب جداً ومنها فقد أو تلف الأسنان اللي بتأدي لعلاج بيتطلب ألم بردو ولو بشكل مؤقت، غير التكلفة المادية العالية جدًا في بعض الحالات. عشان كده الاعتناء بالأسنان وصحة الفم من البداية شيء مهم جداً.
      ومن المؤكد لو حصل مشكلة في الأسنان وتمت علاجها، لازم الاعتناء بالأسنان يكون فعّال ومستمر عشان المشكلة متتضاعفش ويزيد تأثيرها وساعتها هيكون الحل الجديد تكلفته أكبر.

      ملحوظة أخيرة:

       زيارة دكتور الأسنان كل فترة حتى لو مفيش مشكلة واضحة في الأسنان شيء مثالي ومفيد جداً لأنه بيطمنك على أسنانك و بيكتشف المشكلة في أولها حتى لو أعراضها لسه مبانتش وده أكيد هيسرع حلها من البداية

      اسئلة شائعة حول تركيبات الأسنان

      ما هي مميزات تركيبات الأسنان؟

      مميزات تركيبات الأسنان كتيرة جداً من ضمنها:
      1- بتعالج بعض المشاكل اللي بتعالجها زراعة الأسنان لكن بتكلفة أقل.
      2- بترجع للمريض ثقته في نفسه أثناء الكلام أو الابتسامة.
      3- مخارج حروف سليمة ومظبوطة.
      4- القدرة على مضغ الطعام بسهولة.

      ما هي أضرار تركيبات الأسنان ؟

      أضرار تركيبات الأسنان الثابتة
      (معظمها مؤقت وبيكون بعد التركيبة مباشرة في نفس الفترة وبعد كده الأعراض أو الأضرار دي بتتلاشى)
      1- صعوبة في البلع والكلام.
      2- زيادة إفراز اللعاب.
      3- حساسية الأسنان تجاه المشروبات الباردة جداً زي التلج أو الأيس كريم والمشروبات السخنة.
      4- ألم في الفك

       

       

      أضرار تركيبات الأسنان المتحركة
      (معظم أضرار التركيبات المتحركة تأثيرها السلبي على نفسية بعض المرضى)
      1- بتعبر عن التقدم في السن.
      2- فيه بعض المرضي بيشتكوا إنها تقيلة أو حجمها كبير.
      3- ممكن تتحرك أثناء الكلام أو مضغ الطعام.

       

       

      ما الفرق بين تركيبات الأسنان الثابتة و زراعة الأسنان؟

      الاتنين بيشتركوا في بعض أسباب أو دواعي الاستخدام زي إنك ممكن تحتاج زراعة أو تركيبات لو :
      1- فقدت سِنة أو أكتر من أسنانك
      2- عندك سنة اتكسر منها جزء و مش نافع معاها تجميل

      3-فقدت ضرس من ضروسك الأساسية.

      قرار الاختيار بين زراعة الأسنان وتركيبات الأسنان هو قرار الدكتور المتخصص لأن الاحتياج لكل علاج فيهم بيختلف حسب حالة أسنان كل مريض.
      بعض الفروقات بين زراعة الأسنان وتركيب الأسنان

       

      زراعة الأسنان  تركيبات الأسنان 
      • مش بيتم فيها برد للأسنان 
      • بتلتئم مع عظام الفك
      • خطر في وجود الأمراض المزمنة
      • بيتم فيها برد الأسنان 
      • مش بيحصل التئام مع عظام الفك 
      • بتنفع مع أصحاب الأمراض المزمنة

      اخر مقالاتنا