fbpx

ـ9ـ عادات سيئة تخليك ترجع لدكتور الاسنان مرة تانية

بواسطة | أغسطس 26, 2021

رجوعك لدكتور الأسنان للمتابعة والاطمئنان بعد حل أي مشكلة خاصة بأسنانك زي حشو الأسنان بعد التسوس، عمل ابتسامة هوليود، زراعة الأسنان أو غيرهم من المشاكل، شيء أساسي ومهم جداً عشان تكمل الخطة العلاجية بشكل دائم ونهائي.
لكن اللي هنتكلم عنه هو رجوعك لدكتور الأسنان بعد فشل العلاج أو بسبب مشكلة في الأسنان نتيجة لأفعال وعادات يومية أثرت على أسنانك بشكل سلبي ومن أهم العادات دي:

1- الجز (الضغط) على  الأسنان

نصائح من دكتور أسنان في القاهرة للاعتناء بصحة الأسنان - توقف عن طحن الأسنان.

1- الجز (الضغط) على  الأسنان

الضغط اليومي اللي بنمر بيه كل يوم مع التوتر أحياناً بيجبرك إنك تضغط على أسنانك بشكل كبير من باب التنفيس عن الغضب أو الضغط العصبي. الفكرة كمان إن فيه ناس بسبب الضغط بردو وبسبب مشاكل في النوم بتطحن أسنانها وهي نايمة (صرير الأسنان)  والشخص اللي بيعمل كده بيصحى يلاقي نفسه حاسس بألم في الفك وصداع خفيف و تلف في الخد من الداخل نتيجة للعض أثناء النوم.
و في الحقيقية العادة دي بتضر أسنانك بشكل كبير جداً و بتسبب تآكل في مينا الأسنان اللي منها بيأدي لكسور وتشققات وتسوس في الأسنان.

2- استخدام الأسنان كأدوات

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

الاستسهال في بعض الأمور الحياتية أحياناً بيوفر وقت لكن أحياناً تانية كتير بيأدي لخساير كبيرة عشان تقعد تعالجها هتاخد أضعاف الوقت اللي انت وفرته. والمثال ده ينطبق على الأسنان والعادات اليومية اللي بتعملها وبتضر بيها أسنانك بشكل كبير.
على سبيل المثال إنك تفتح غطاء زجاجة بأسنانك بدل ما تقوم تجيب المفتاح، أو تقطع بأسنانك أكياس صلبة ومستخدمش المقص وهكذا من الأفعال اللي بتسبب فيما بعد تصدعات وتشققات في أسنانك ومنها لكسور وتسوس الأسنان.

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

3- شرب المشروبات الغازية ومشروبات الطاقة أو المشروبات الرياضية ( خاصة بدون شفاطة)

نصائح من دكتور أسنان في القاهرة للاعتناء بصحة الأسنان - قلل من شرب المياه الغازية ومشروبات الطاقة.

3- شرب المشروبات الغازية ومشروبات الطاقة أو المشروبات الرياضية ( خاصة بدون شفاطة)

شرب المشروبات الغازية مؤكد بيضر عظام الجسم كلها بما فيها الأسنان، والمشروبات الرياضية أو مشروبات الطاقة فيها سكر بشكل كبير فبسبب هجوم على مينا الأسنان بتأدي لتآكلها أولاً وثانيا السكريات بتضر الأسنان لأنها عامل أساسي في التسوس، واستهلاكك للمشروبات دي بشكل متكرر هيأدي لتحلل الأسنان مع الوقت وسهولة تساقطها.
استخدام شفاطة العصير ممكن يكون بيقلل من الضرر لأنها بتنقل السائل للجزء الخلفي من الفم وراء الأسنان.

4- مضغ التلج

نصائح من دكتور أسنان في القاهرة للاعتناء بصحة الأسنان - توقف عن مضغ الثلج

 مضغ وتكسير التلج بيلجأ ليه بعض الناس رغبة في الطحن لكن العادة دي مضرة جداً للأسنان وبتبقى سبب في تشقق الأسنان وكسرها وده عشان يتعالج هيحتاج حشو للأسنان. لو حسيت إنك محتاج تعمل ده ممكن تستبدل التلج بأطعمة مقرمشة زي الجزر أو التفاح أو اللبان الخالي من السكر.

نصائح من دكتور أسنان في القاهرة للاعتناء بصحة الأسنان - توقف عن مضغ الثلج

5- مضغ الأقلام

نصائح من دكتور أسنان في القاهرة للاعتناء بصحة الأسنان - توقف عن مضغ الأقلام.

5- مضغ الأقلام

ممكن العنوان يكون لبعض الأشخاص غريب لكن مع الأسف فيه ناس بسبب ضغط العمل وتوتر المذاكرة أو لما بيكونوا مشغولين أو منتظرين لحل مشكلة بيلجأوا لمضغ الأقلام ودي عادة خطر جداً على الأسنان وممكن تؤدي لإتلافها بسهولة.

6- قضم الأظافر

نصائح من دكتور أسنان في القاهرة للاعتناء بصحة الأسنان - توقف عن قضم الأظافر.

قضم أو تقليم الأظافر عن طريق الأسنان غير إنها بتضر صحة الجسم عموماً لأنها ممكن تكون سبب لنقل السموم للفم والمعدة بشكل مباشر، إلا إنها كمان ليها تأثير سلبي ومباشر على الأسنان وهو إن العادة دي إن استمرت ممكن تتسبب كسر وتشقق الأسنان.

نصائح من دكتور أسنان في القاهرة للاعتناء بصحة الأسنان - توقف عن قضم الأظافر.

7- غسل الأسنان بفرشاة صلبة

نصائح من دكتور أسنان في القاهرة للاعتناء بصحة الأسنان - اختار فرشاة أسنان ناعمة.

7- غسل الأسنان بفرشاة صلبة

من أهم طرق الاعتناء بصحة الفم هو تنظيم وغسل الأسنان بالفرشاة، لكن من الضروري جداً اختيار فرشاة أسنان ناعمة ومناسبة لأن الفرشاة الصلبة أو غسل الأسنان بقوة بيأدي لتآكل مينا الأسنان بما إنها الطبقة الأولى والواقية للأسنان وده من المتوقع هيسبب ضرر وتلف للأسنان وحصول مشاكل في الأسنان زي انحسار اللثة والحساسية وغيرها.
فبدل ما تكون بتغسلها للاعتناء بيها ضد التسوس، تضعفها فتسهل حدوث التسوس وغيره من مشاكل الأسنان.

8- التدخين وشرب القهوة

نصائح من دكتور أسنان في القاهرة للاعتناء بصحة الأسنان - توقف عن التدخين وشرب القهوة

شرب القهوة بشكل كبير بيأدي لتغيير لون الأسنان من أبيض لأصفر مع مرور الوقت وده أقل ضرر ممكن يحصل لأني بفترض إنك بتشرب القهوة بدون سكر، أما لو بسكر فضرر اللون ده مع أضرار السكريات.
أما التدخين بخلاف إنه بيضر صحة الإنسان ككل فهو بردو بيضر الأسنان بشكل مباشر سواء في الشكل لأنه بيسيب بقع على الأسنان أو أمراض تانية زي مشاكل اللثة وسرطان الفم.

نصائح من دكتور أسنان في القاهرة للاعتناء بصحة الأسنان - توقف عن التدخين وشرب القهوة

9- أكل السكريات

نصائح من دكتور أسنان في القاهرة للاعتناء بصحة الأسنان - توقف عن أكل السكريات.

9- أكل السكريات

وأخيراً أكل السكريات وشرب العصاير اللي فيها سكر بنسبة كبيرة ومضغ اللبان والحلويات بشكل مستمر بيعتبر هجوم على مينا الأسنان، وتبدأ السكريات دي تعمل تجويف أو ثقب في الأسنان نتيجة للبكتريا المتكونة والناتجة عن هضم السكر اللي مع الوقت بتأدي لتسوس وكسور الاسنان ومنها لفقد الأسنان بشكل كامل.

– نصائح للمحافظة على صحة الفم و الاعتناء بالأسنان

الاعتناء بصحة أسنانك مش بيخلص بعد يوم أو بعد سنة، لازم تعرف إنها عادات روتينية استمرارك عليها بشكل منتظم هيساعدك تحافظ على أسنانك أطول وقت ممكن.
أهم العادات دي:
– أهم نقظة انك تبتعد عن العادات السيئة اللي اتكلمنا عنها.

  1. اغسل أسنانك قبل النوم بفرشاة ناعمة ومعجون أسنان مناسب.
  2. اغسل أسنانك بلطف وشكل صحيح.
  3. استخدم خيط الأسنان للتخلص من بقايا الأكل الموجود بين الأسنان.
  4. كُل خضروات وفاكهة وزود من  المشروبات و الأطعمة المفيدة للأسنان زي الأجبان وشرب اللبن.
  5. قلل الأطعمة الحمضية والسكريات.

الملخص

متنساش إنه من الضروري جداً المتابعة المستمرة مع دكتور الأسنان للاطمئنان على صحة أسنانك عشان كده من أهم الحاجات اللي بنهتم بيها في عيادتنا وايت اند برايت هي المتابعة الدورية.

من المهم انك تعتني بصحة ونظافة أسنانك، وتتجنب العادات اللي ممكن تكون بتعملها بشكل يومي وروتيني وبتضر أو مؤذية الأسنان بشكل مباشر أو غير مباشر عشان تتجنب مشاكل الأسنان اللي بتتسبب في آلام صعبة جداً وتكلفة كبيرة كمان لو المشكلة اتطورت بدون حل أو علاج.

اسئلة شائعة عن العناية بصحة الأسنان

يعني إيه اغسل سناني بشكل صحيح؟

زي ماقولتلك لو غسلت أسنانك بشكل غلط هتضر أسنانك بدل ما تفيدها أو تعتني بيها، وغسل الأسنان بشكل صحيح خطواته بسيطة جداً وهي:
1- اختار فرشاة ناعمة لأنها هتقدر تزيل البلاك والبكتيريا وفي نفس الوقت مش هتسبب مشاكل في اللثة أو تضعف مينا الأسنان.
2- ضيف المعجون على الفرشاة وابدأ اغسل أسنانك وانت مخلي شعيرات الفرشاة على خط اللثة بزاوية 45 درجة وحرك الفرشاة بلطف حركة قصيرة ومنتظمة مع مراعاة إنك تغسل كل الأسنان.
3- اغسل اللسان بلطف واشطف الفم من آثار المعجون. 

ازاي اختار معجون أسنان مناسب؟

فيه أنواع كتيرة جداً بأسعار متفاوتة وبأشكال وأطعمة وروائح مختلفة لمعجون الأسنان، كل المطلوب منك تختار معجون أسنان مناسب لحالة أسنانك، على سبيل المثال لو عندك حساسية الأسنان اختار معجون أسنان بيحتوي على مادة الفلورايد. لو عندك استفسار تقدر تحجز دلوقتي استشارة مجانية مع أحد دكاترة عيادة وايت اند برايت المتخصصين من هنا .