fbpx

مراحل زراعة الاسنان وأهم نصائح في كل مرحلة

زراعة الأسنان لو جينا نتكلم عن أهدافها فهي بشكل أساسي بتتعمل لأكتر من سبب زي:
تعويض الأسنان المفقودة، المحافظة على صحة الفم وباقي الأسنان، حماية اللثة، بترجع شكل الابتسامة طبيعية و بتخليك ترجع تتكلم بكل ثقة.
دي النتايج الأساسية اللي بتحققها زراعة الأسنان، لكن هل هي بتصلح لجميع الحالات؟ الإجابة طبعاً لأ.. فيه حالات زراعة الأسنان هي الحل الأمثل ليها، وحالات تانية عملية زراعة الاسنان ممكن تسببلها مخاطر كبيرة.

امتى تبقى محتاج زراعة الأسنان؟

نصائح من دكتور أسنان في القاهرة للاعتناء بصحة الأسنان - توقف عن طحن الأسنان.

امتى تبقى محتاج زراعة الأسنان؟

ببساطة شديدة تحتاج زراعة الأسنان لو فقدت أسنانك كلهم أو جزء منهم. بس خد بالك بالرغم من إن عملية زراعة الأسنان مع تقدم التكنولوجيا وتطورها بقت بتتعمل في دقايق وبنسبة نجاح توصل للـ 98 % إلا إن ده عشان يحصل على أكمل وجه لازم تتوافر بعض الشروط اللي بتساعد على نجاح العملية، من أهم الشروط اللي بشوفها أنا وكل دكاترة عيادة وايت اند برايت إنها لازم تكون موجودة هي :

  1.  توافر عظام للفك بشكل كافي
    وده معناه ضرورة توفر عظام للفك بالشكل الكافي واللي يسمح إنك تزرع اسنانك، وعدم وجود عظم كافي في الأغلب بيبقى ناتج عن طول المدة اللي اتفقدت فيها السِنّة دي لإنك لما بتخلع سِنّة وتقعد فترة طويلة بدون زرع أو تركيب، العظام اللي مغروس فيها السِنّة دي بيقل حجمها بالتدريج وتبدأ تلتئم. و كل ما بتزيد المدة كل ما احتمالية حدوث ضمور في عظم الفك بتزيد وهنا بتبقى زراعة الاسنان أصعب بكتير.
    عشان كده بننصح دايماً أنا وكل زمايلي دكاترة عيادة وايت اند برايت إنك لو فقدت ضرس أو سنة من أسنانك حتى لو مش باينة وبالتالي مش مؤثرة على مظهرك دلوقتى بردو تبادر بالكشف عشان تعالج المشكلة بسرعة.
  2.  توافر أنسجة صحية
    من الحاجات المهم توافرها بردو وبتساعد الدكتور ياخد قرار عملية زراعة الاسنان هو وجود أنسجة فموية صحية مع وجود كميات مناسبة من العظام لتأمين زرع الاسنان من الشروط الضرورية واللي تحقيقها بيضمن أعلى نسبة نجاح للعملية.
  3. الفحص الشامل
    في حالة وجود أمراض مزمنة من المهم تبليغ الدكتور وعمل الفحوصات اللازمة اللي هيطلبها عشان يتأكد من سلامة المريض أثناء أو بعد العملية

تقدر تحجز من هنا كشف أسنان لزراعة الاسنان مع أحد الدكاترة المتخصصين وتعرف حالتك مناسب ليها زراعة ولا لا وتعرف هتكلفك كام بالظبط.

مراحل وكيفية زراعة الاسنان

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

من أهم الخطوات التحضيرية لمراحل زراعة الاسنان هي فحص المكان اللي هيتم فيه زراعة الاسنان في الفم عن طريق تصوير الأسنان (الأشعة السينية ، أفلام بانورامية ، و / أو الأشعة المقطعية) فبيقدر
من الفحص ده يقيّم جودة وكمية عظم الفك عشان يقدر يحدد هل حجم العظم و كفائته مناسبين ولا هيحتاج يضيف كمية تانية من العظم لمكان الزراعة، والجزء ده اتكلمنا عن أهميته.
من النقطة دي لما الدكتور يتأكد إن مكان الزرعة مناسب والمريض حالته مناسبة بيبدأ الطاقم الطبي في
تهيئة المريض للعملية وبياخد مخدر موضعي لتخدير المنطقة الجراحية بالإضافة ومسكنات لو لزم الأمر.

نصائح من دكتور أسنان في القاهرة للاعتناء بصحة الأسنان - توقف عن استخدام الأسنان كأدوات.

المرحلة الأولى

أحياناً كتيرة بيكون مكان السنة المفقودة فيه بقايا أسنان تالفة، ففي المرحلة الأولى بيتم استخراج بقايا الأسنان الموجودة، مع العلم إن في أوقات كتير في المرحلة دي بيستعين الدكتور بـ عظم صناعي عشان يقدر يوفر قاعدة صلبة من العظم مناسبة لإجراء عملية زراعة الاسنان
فيه أوقات تانيه بيكون  موقع السنة فيه ضياع للعظم فيتم هنا إجراء مختلف في الفك وهو ما يسمى بالتطعيم العظمي وده هدفه زيادة كثافة العظم للدرجة اللي تسمع بعمل زراعة الاسنان.

ملحوظة :لو فيه تواجد للعظم بشكل كافي بيتم اجراء العملية في نفس الوقت ودي اسمها زراعة الاسنان الفورية، أما لو احتاجنا نعمل تطعيم عظمي فده بيحتاج عادة مدة للشفاء بتكون حوالي 6 شهور.

المرحلة التانية

في البداية لازم اقولك إنها مش أساسية في مراحل زراعة الاسنان لإنها بتكون حسب حالة الاسنان. والمرحلة التانية بتحصل لو فيه وجود لما يسمى بـ “الجيب الفكي” ومعناه: وجود فراغ مليان هواء في عظم الوجه. ولو ده حاصل بيتم تكبير أو رفع الجيوب الأنفية و ده هيساعد أو هيدعم عملية زراعة الاسنان.

المرحلة التالتة

في المراحل اللي قبل كده اتأكدنا من وجود عظم كافي، عند المرحلة دي بيبقى مكان الزرعة جاهز للعملية فبيتم وضع السنة المزروعة (واللي مصنوعة من مادة التيتانيوم) في العظم. طبعاً باستخدام الأدوات الطبية المناسبة وبعدها بيتم وضع ما يسمى بغطاء الشفاء وبعدين بنخيط اللثة وتبدأ مرحلة الشفاء.

المرحلة الرابعة

خلال وقت الشفاء بعد العملية في المرحلة دي الزرعة بتبدأ تندمج مع العظم الموجود.
ملحوظة: وقت الشفاء بعد عملية زراعة الاسنان بيعتمد بشكل كبير على نوعية العظم الموجودة
أهم نصايح المرحلة دي إنك تحافظ على مكان الزرعة بدرجة كبيرة بمعنى إنك متعرضوش لأي إجهاد أو ضغط لحد انتهاء مدة الشفاء اللي الدكتور المتخصص بيبقى محددهالك. والنصيحة التانية المهمة هي الالتزام بمواعيد المتابعة مع الدكتور لأنه بيتطمن من عدم وجود عدوى وسير الخطة العلاجية بالشكل السريع والصحيح.

المرحلة الخامسة

دي المرحلة الأخيرة في عملية زراعة الاسنان واللي بيتم فيها اختبار زرع الاسنان وبيقدر يعرف الدكتور هل تم تقبل الزرعة بالشكل المطلوب من ناحية العظم؟ لو تمام وده حصل بالشكل الصحيح بيتم توصيل الدعامة وبعدها بيتم تثبيت التاج على الزرعة.
هدف التاج ده هو حماية الزرعة والمحافظة عليها بالإضافة للشكل الجمالي اللي بيضيفه للأسنان.

أهم النصائح بعد إتمام عملية زراعة الاسنان

كل النصايح هتتمحور حوالين نصيحتين أساسيتين بيندرج منهم كل النصايح التانيه وهما:

  • Dالاعتناء بصحة الاسنان والمحافظة عليها (سواء الاهتمام بالأكل والشرب الصحي زي الألبان والخضروات والفواكه والابتعاد عن الأطعمة الحمضية والمشربوات الغازية والسكريات، أو الاهتمام بنظافتها عن طريق الغسل بفرشاة مناسبة ومعجون اسنان مناسب، بالإضافة لتنظيف بقايا الطعام بالخيط الطبي) وده كله بعد المدة اللي بيحددها الدكتور المتخصص.
  • D الالتزام بتعليمات الدكتور سواء بمواعيد الكشف والمتابعة أو بالأدوية أو بباقي النصايح بشكل عام، لأنه بيكون الشخص اللي على دراية بالخطة العلاجية المناسبة لحالتك و ده بيساعدك تنجح العملية وتبقى ضمن نسبة النجاج العالية اللي هي 98% زي ما قولتلك في البداية.

اسئلة شائعة عن زراعة الاسنان

اقدر استبدل كام سن خلال عملية زراعة الأسنان؟

تقدر تستبدل في عملية زراعة الاسنان من أول سن واحد لحد جميع الأسنان

إيه هي زراعة الاسنان بالليزر؟

ليزر الأسنان هي عبارة عن أجهزة طبية بتستخدم الضوء المركّز بدقة لعلاج الأنسجة، ليها بيكون أكثر دقة للطبيب وبيدي راحة أكبر للمريض. وطبعا ليها مزايا إكلينيكية كثيرة جداً مقارنة بأي نوع زراعة اسنان تاني

لو عندك اسئلة تانية عن زراعة الاسنان تقدراونلاين  تحجز كشف لزراعة الاسنان مع أحد الدكاترة المتخصصين في عيادتنا.

اخر مقالاتنا