ـ5ـ حاجات لازم تعرفها عن حشو الأسنان (قبل وأثناء وبعد الحشو)
من مشاكل أو أمراض الفم المنتشرة جداً عند الأطفال والكبار وفي كل بلاد العالم تقريباً هي مشكلة تسوس الأسنان. ودي مشكلة لو تطورت مع الوقت بتسبب مضاعفات وآلام كبيرة زي الالتهابات وفقد الأسنان، ومن الطرق الشائعة جداً لحل المشكلة دي هي حشو الأسنان.
1- إيه هو حشو الأسنان ؟
حشو الأسنان هو عبارة عن طريقة بتعالج اللي عمله تسوس الأسنان وهو إتلاف الشكل الطبيعي والوظيفة الأساسية للسِنّة. عن طريق سد الثغرات اللي البكتيريا ممكن تدخل منها تاني وتزود التسوس.
2- ازاي اعرف إني محتاج حشو لأسناني؟
بشكل أساسي دكتور الأسنان هوا اللي بيقدر يحدد هل أسنانك محتاجة حشو للأسنان ولا لاء وبيحدد ده عن طريق كذا حاجة منها الآشعة مثلاً. لكن خليني أساعدك ببعض العلامات اللي لو عندك بنسبة كبيرة هتقدر تنبهك إنك محتاج حشو لأسنانك.
2.1 – تشعر بحساسية في أسنانك نتيجة أكل أو شرب طعام سخن جداً أو بارد أو حمضي مثلاً.
2.2- تلاقي خيط تنظيف الأسنان بيتمزق في كل مرة بتنظف فيها سن معين.
2.3 – تلف حشوة سابقة، تلاقي الحشوة بدأ يظهر فيها تشققات أو كسور.
2.4 – وجود سن مكسور أو متشقق.
2.5 – تلاقي سن معين ملمسه خشن وبتلاحظ ده لما تقف عليه بلسانك.
2.6 – ألم في الفم والأسنان مع مضغ الطعام.
2.7- تلاقي فيه ثقب في أسنانك أو تجويف معين داخل السن.
كل العلامات دي مش حصر وفيه علامات غيرها ومع الأسف كل العلامات دي مش بتظهر بشكل مبكر. وده معناه إنك لو محتاج تكتشف المشكلة بشكل مبكر وتعالجها أسرع من الأفضل الفحص الدوري لأسنانك عند دكتور متخصص.
تقدر دلوقتي تحجز من هنا تحجز كشف أسنان مع أحد دكاترة عيادة وايت اند برايت المتخصصين
3- أنواع حشوات الأسنان
بشكل أساسي فيه 5 أنواع من حشو الأسنان
3.1 – الحشو الفضي
3.1 – الحشو الفضي
ومش معنى إن الحشو اسمه حشو فضي فمعنه إن الحشوة بتتكون من فضة فقط، لكن هي بتتكون من فضة وقصدير وزنك ونحاس و 50% منه زئبق
مميزات الحشو الفضي إنه دائم وقوي ومش مكلف لكن مع الأسف بيكون غير مُرضي من الناحية الجمالية.
3.2 – الحشو الذهبي
النوع ده من الحشوات مش شائع لأنه غالي جداً لكن في المقابل هو قوي وبيدوم لأطول فترة ممكنة ممكن توصل لأكتر من 20 سَنة.
3.3- الحشو السيراميكي
3.3- الحشو السيراميكي
عبارة عن حشوة فيها مادة الخزف، بيعتبر النوع ده من أغلى أنواع الحشوات لكن ليه مميزات كتيرة من ضمنها : إنها متينة وجميلة من جانب الشكل أو المظهر بالإضافة لإنها مقاومة أكتر لتآكل الأسنان والتسوس.
3.4 – الحشو المركب
الحشو المركب مصنوع من مادة راتينج والبلاستيك و هو من أكتر الحشوات الشائعة في الاستخدام، وده لأن لون الحشوة قريب جداً من لون الأسنان وتكلفته مناسبة لكن مع الأسف مش بيستمر لأطول فترة ممكنة ممكن تحتاج تستبدلها كل خمس سنين.
3.5 – الحشو الزجاجي
3.5 – الحشو الزجاجي
ميزة النوع ده من الحشو إنه بيناسب الأطفال. مصنوع من مادة الأكريليك ودي مادة بتساهم في إطلاق الفلوريد اللي بيمنع الإصابة بتسوس الأسنان. لكن بردو مش بيستمر لفترة طويلة ومع الوقت ممكن يتشقق أو يتكسر.
4- خطوات الحشو
في البداية بيستخدم الدكتور مخدر موضعي للمنطقة حوالين السن المطلوب معالجته بالحشو
بعدين بيبدأ يزيل المنطقة المتحللة من السنة أو اللي فيها المشكلة عن طريق جهاز حفر أو أداة كشط هوائية أو باستخدام الليزر
وبعدين يتأكد بالفحص إنه شال كل التسوس الموجود في السِنة وبعدها بيبدأ ينظف التجويف مكان الحشو من البكتيريا وبقايا الأسنان
لو كان التسوس قريب من العصب بيضيف مادة الأول عشان تحمي العصب
في النهاية بيضيف الحشو وينظف السنة بعد شكلها النهائي ويلمعها ويعمل تقليم للسنة عن طريق إزالة لو فيه مواد زائدة
5- نصائح ما بعد إجراء حشو الأسنان
بنصح دايماً أنا وكل الدكاترة في عيادة وايت اند برايت بعد إجراء حشو الأسنان بأي نوع حشوات إنك من الضروري جداً تتبع التعليمات والنصائح من البداية عشان تقدر تكتمل الخطة العلاجية بشكل صحيح وفي النهاية تحافظ على حشو الأسنان لأطول فترة ممكنة.
1- تجنب الأكل أو الشرب لمدة ساعتين من بعد حشو الأسنان مباشرة.
2- استخدم مسكات للألم لو احتاجت بشكل ضروري و الدكتور المتخصص سمح ليك باستخدامه.
3- الالتزام بمواعيد الدواء والمضادات الحيوية.
4- لو حصل نزيف أو ارتفعت درجة الحرارة أو استمر الألم لازم تحدد ميعاد لزيارة الدكتور في أقرب وقت ممكن.
النصايح دي عامة بشكل كبير، لكن أهم نصيحة واللي هيتفرع منها الباقي هي اتباع كل تعليمات الدكتور لمرحلة ما بعد حشو السنة، والالتزام في مواعيد الزيارات والأدوية المكتوبة.
2- ازاي اعرف إني محتاج حشو لأسناني؟
في البداية لو الألم بعد الحشو فضل مستمر فترة طويلة لازم تزور الدكتور عشان يحدد هي ده بسبب مشكلة معينة وهتتحل ولا لازم يستبدل الحشوة.
1- لو لقيت فيه تشقق في السن ده معناه إنه مبقاش قادر يستحمل الحشوة.
2- لو حسيت بألم شديد حوالين السن ده ممكن يكون دليل على وجود تجويف جديد داخل السنة
3- لقيت فراغات وتجاويف جوا الحشوة وده هتحس بيه أكتر لو وانت بتاكل حسيت إن الأكل بيخترق حشزة الأسنان.
اسئلة شائعة حول حشو الأسنان
إيه اللي يحصل لو تجاهلت إني محتاج حشو لأسناني؟
مع الأسف فيه ناس كتيرة بتحاول تستحمل ألم الأسنان الناتج عن التسوس وبتأجل أو تتجاهل فكرة إنها محتاجة حشوة لأسنانها لكن ده بيتسبب في مضاعفات كبيرة على الأسنان زي:
– زيادة التسوس على نطاق أكبر داخل الأسنان.
– التهابات وأمراض زي التهاب وأمراض اللثة.
– مشاكل في جذر الأسنان اللي ممكن يأدي لخلع السنة.
إيه هو حشو العصب؟
عصب السن المتضرر هو أقوى ألم ممكن تحس بيه في أسنانك.
في الحالة دي بيبقى لازم ازالة العصب لتخفيف الألم ده ، وإزالة العصب المتضرر زمان كان شئ مؤلم جداً، لكن دلوقتي بفضل الأجهزة الحديثة و مواد التخدير بقي شئ بسيط جداً يخلص في جلسة واحدة و بدون أي ألم نهائيا!
ازاي احمي نفسي من تسوس الأسنان؟
1- اغسل أسنانك كل يوم بفرشاة ناعمة و باستخدام معجون أسنان يحتوي على مادة الفلورايد.
2- قلل من السكريات بشكل عام والحلويات.
3- وقف المشروبات الغازية ومشروبات الطاقة.
4- خلي بشكل أساسي وجباتك بتحتوي على أكل صحي زي (خضروات- فاكهة- ألبان- جبن)
5- استخدم خيط الأسنان على الأقل مرة في اليوم لتنظيف الأسنان من بقايا الطعام الموجودة بين الأسنان واللي بتسبب تراكم البكتيريا داخل الفم ومع الوقت بتحصل مشاكل كبيرة في الفم منها التهاب اللثة وتسوس الأسنان.
اخر مقالاتنا
