هل لازم يحصل خلع و انا بعمل تقويم اسنان؟
هل لازم يحصل خلع و انا بعمل تقويم اسنان؟
إجراء التقويم ممكن يتم باتباع قواعد مدرستين:
المدرسة الأولى extraction لخلع الاسنان للتقويم
وهي مدرسة الاقتلاع أو extraction، واللي بتفضل أن يحصل خلع للأسنان في حالة أن مفيش مساحة للأسنان كلها تترص على الفك، وبالتالي لازم يحصل خلع لضرس في الجهة اليمين وضرس أخر في الجهة الشمال من الفك لتوفير مساحة كافية تنتظم فيها الأسنان اثناء التقويم؛ لكن مشكلة فقدان 4 ضروس -ضرسين من كل فك- بتأثر بالسلب على شكل الشفاه والفم، وعلشان كدا مش كل دكاترة الأسنان بيفضلوا المدرسة الأولى.
وغالبًا الأسنان اللي بيتم خلعها هي “الضواحك” premolar teeth لأن فقدانها بيسمح بوجود مساحة كافية لحركة الأسنان من غير ما يتأثر الشكل الجمالي بشدة، ومن غير ما تتأثر وظيفة الأسنان بعد إزالة التقويم.
المدرسة التانية expansion non-extraction لخلع الاسنان للتقويم
وهي المدرسة الحديثة اللي بتفضل عدم خلع الأسنان non-extraction way، وفي حالة ازدحام الأسنان وأن مفيش مساحة للأسنان انها تترص على الفك بشكل طبيعي، ممكن وقتها يلجأ دكتور الأسنان لإجراء توسيع الفك expansion.
حالات ضروري فيها خلع الاسنان للتقويم ؟
دكتور الأسنان لازم هيلجأ لخلع الأسنان قبل التقويم في حالات ضرورية زي:
- مشكلة ازدحام الأسنان في مساحة فك محدودة.
- تصحيح مكان الأسنان البارزة الأمامية واللي هتفرق جدًا بشكل إيجابي في شكل شفاه الشخص وطريقة الكلام ومخارج الحروف.
- التخلص من الأسنان الزيادة؛ لأن في بعض البالغين بيعانوا من وجود عدد أسنان أكتر من 32 سن بالفكين ودا هينتج عنه ظهور معظم الأسنان بشكل غريب وغير متساو من حيث الحجم والطول وبزوايا مختلفة، ووقتها مفيش أي ضرر من إزالة الزيادة لأن المكان اللي هيفضى بعد التقويم هيتملي مع حركة الأسنان الأساسية وانتشارها بالفلك.
- مساعدة الفلك في أنه يتطور بشكل طبيعي ومستقر أكتر من حيث طريقة خروج الأسنان بطريقة سليمة، في حالة أن الأسنان بتخرج في الفك بشكل عشوائي وغير منتظم لسبب معين في الفك بيحدده دكتور الاسنان اثناء الكشف.
- خلع الأسنان المتضررة في حالة أن في أسنان راكبة على بعضها أو سن بيحاول الخروج في مكان بالفك وبالفعل المكان دا فيه سن موجود، وبالتالي السن اللي بيحاول الخروج بينحشر في اللثة ودا بيسبب ألم للمريض وشكل غير جمالي.
إزاي نتجنب خلع الأسنان قبل التقويم؟
في بعض الحالات الضرورية من حالات خلع الاسنان للتقويم بيلزم فيها خلع الأسنان، لكن في حالة ازدحام الأسنان في فك صغير ممكن يلجأ الدكتور لإجراء طبي معروف بـ “توسيع الفك” وهو إجراء طبي بيتم باستخدام جهاز خاص بيحرك الفكين عن بعضهم شوية بشوية وبالأخص من ناحية تقاطع عظمتي الفكين ودا بيدي فرصة لتوسيع الفك وزيادة مساحته و كده يكون تم تركيب تقويم الاسنان بدون خلع أسنان
غالبًا الطريقة دي بيتم استخدامها للأطفال (أقل من 16 سنة) في مرحلة النمو لأن الفكين مبيكنش لسه حصلهم اندماج بشكل كامل، وفرصة توسيع الفك أسهل ونسبة نجاحها أكبر؛ وممكن كمان يتم استخدامها مع البالغين في حالة أن دكتور الأسنان وجد فرصة متاحة في الفك لإجراء التوسيع.
ايه اللي ممكن تتوقعه عند إجراء توسيع الفك؟
كل اللي محتاج تتوقعه أن دا إجراء ممكن يكون مزعج ليك في أسنانك لكنه غير مؤلم لدرجة كبيرة، و أن في بعض الحالات ممكن الإجراء دا ياخد شهور (ممكن توصل لـ 6 شهور).
خطوات خلع الأسنان قبل التقويم:
خطوات خلع الأسنان قبل التقويم بتتشابه مع الخطوات العادية لخلع الأسنان، وتتلخص في تحضير المريض لإجراء خلع الأسنان و اللي فيها بيقوم الدكتور بحقن مكان الضرس بمخدر موضعي، وبعد كدا هيطلب الدكتور من المريض الانتظار لمدة مش كبيرة لحد ما يحس المريض بتنميل أو تخدير شديد في الفك، ثم خلع الضرس بأدوات خاصة.
تعليمات ينصح بها دكتور الأسنان بعد الخلع:
- تناول المسكنات حسب الإرشادات والالتزام بالمواعيد، من غير إفراط في المسكنات علشان تتجنب آثارها السلبية.
- الضغط بلطف على مكان الخلع بقطنة وشاش، وتركها على مكان الخلع لمدة متقلش عن 3 ساعات لوقف النزيف.
- في حالة تورم الخدين، ممكن المريض يلجأ لوضع كيس تلج مكان التورم علشان يقلل الالتهاب والألم.
- تجنب البصق أو أي نوع من المضمضة، لأن قوة المضمضة بالفم هتقلل من سرعة التئام الجرح مكان الخلع.
بالنهاية، قبل التفكير في إجراء التقويم، لازم تسأل دكتور الأسنان أخصائي التقويم عن أنسب نوع من أنواع التقويم مناسب لحالة أسنانك؛ و هل التقويم يحتاج الى خلع اسنان في حالة أسنانك؟ وممكن تطلب استشارة مجانية عن أنواع التقويم المناسبة لحالة أسنانك والسؤال عن أسعار التقويم عن طريق الـ Whats App